D(omin)us petr(us) de mole(n)dino h(abetu)r/ Allen den ghene(n) doen condt dat h(er) jacop bau hee(re) van/ goedsenhove(n) (et)c(etera) ridde(r) heeft geconstitueert gesedt volcome(n)/ macht p(ro)cu(r)acie en(de) auc(tori)teyt geg(even) he(re)n pete(re)n vand(er) molen/ p(ri)este(r) woute(re)n van hy(n)nensdale meye(r) te holede ja(n)ne/ beloys meye(r) te goedshenhove(n) breenen addaens van/ hug(ar)den hubrechte van serayn bastart ja(n)ne boegart/ van thiene(n) en(de) joh(ann)ese van potsuynb(er)ge aut Alle/ zijn jairguld(en) sculd(en) opcomi(n)g(en) profijte(n) v(er)valle(n) goede(n)/ beruerlijck en(de) omberuerlijck chijs(en) rinte(n) pacht(en) recht(en)
//
te wat plaetsen en(de) voir wat gericht gheestelijck/ buyten oft bynne(n) lants en(de) tegen oft aen wien dat/ dat sij Te mane(n) teyssche(n) opte bue(re)n en(de) tontfange(n)/ d(air)voe(r) te pande(n) te daige(n) te beleyde(n) die en(de) alle/ saken q(ue)stien en(de) gescille(n) d(air) uutspruyten(de) met rechte/ ofts noot zij te vervolge(n) te lit(is)conteste(re)n te reco(n)venie(re)n/ te besculdde(n) te bedinge(n) alle gescrift(en) en(de) libelle(n) ov(er)/ te geve(n) (et)c(etera) in melio(r)i for(ma) Promitt(ens) rat(um) salvo/ iusto calculo cor(am) duffle buets(ele) maii iiii[ta]