Vanden questien ende geschillen uustaen(de) tussche(n) willem(me)/ tybe als man en(de) momboir lijsbetten sbeyers zijnd(er) huysvr(ouwe)/ weduwe henricx wile(n) vanden ynde huers leste mans/ t(er) eenre ende huyghen van udekem en(de) jouffr(ouwen) magdaleene(n)/ van meenssele zijnder huysvrouwen t(er) ande(re) aengaen(de)/ d(er) huwelik(er) vorweerden die de voirs(creven) huyge en(de)/ sijn huysvrouwe geloeft en(de) toegeseeght souden hebbe(n)/ den voirs(creven) wijle(n) henricke vanden ynde en(de) lijsbette(n)/ sbeyers ende oick aengaen(de) den testamente en(de) uut(er)ste(n)/ wille desselfs wijle(n) henricx met gad(er)s alle(n) ande(re)n/ questien ende geschille(n) die deselve p(ar)tien enichssins/ tegen malcande(re)n soude(n) moege(n) hebben hebben hen/ de selve p(ar)tien in wed(er)sijden gesubmitteert en(de) v(er)bond(en)/ inde mi(n)like uutsprake vand(en) arbit(er)s en(de) mi(n)like yffene(re)n/ naebescr(even) bijd(en) selve(n) p(ar)tien in wed(er)sijde(n) d(air)toe gecoren/ en(de) genome(n) te weten(e) de voirs(creven) yerste p(ar)tie in gielise/ van duffle en(de) meeste(re)n b(ar)telmeeuse kyp secretar(is) d(er)/ stadt van loven(e) ende de voirs(creven) tweeste p(ar)tie in loenijse/ van udekem en(de) arnold(e) kyp welke p(ar)tien hue(r) gescrifte(n)/ en(de) documente(n) hen dienen(de) den voirs(creven) arbit(er)s ov(er)geve(n)/ zullen tusschen dit en(de) xiiii nachte(n) naistcomen(de) Om/ dae(re)ntinden bijden selve(n) arbit(er)s d(air)aff hue(r) mi(n)like/ uutsprake eendrachtichlijck te doene bi(n)nen xiiii/ nachten dair nae volgen(de) Met sulk(er) conditien oick/ oft de voirs(creven) arbit(er)s hue(r) uutsprake niet eendrach/ tichlijck en consten gedoen datme(n) in dien gevalle/ de voirs(creven) documente(n) in wed(er)sijden ov(er)gegeve(n) alsda(n)/ dragen en(de) bringe(n) sal voir scepen(en) va(n) loven(e) om d(air)af een/ vonnesse en(de) uutsprake va(n) rechte te hebbe(n) op hue(re)n beh(...)? wij(n)?/ cor(am) duffle hoeve(n) maii xix