Item al eest dat de actie van desen twee voirs(creven)/ brieve(n) en(de) vand(en) rinte(n) d(air)inne begrepen toebehoirt/ geheelijck nad(er) doot der voirs(creven) wed(uwen) den voirs(creven)/ meeste(re)n vand(er) dist(ri)butien tott(er) selv(er) dist(ri)bucien behoef/ en(de) voir de fundatie vand(er) voirs(creven) cappelrien Soe/ hebben nochtan deselve meest(er)s der zelv(er) weduwen/ tot hue(re)r beg(er)ten de principael rintbrieve voirs(creven)/ in hue(re)n handen gelaten om die rinte(n) jairlijcx/ hue(r) leefdaghe tot hue(re)r tocht d(air)mede te moegen/ eysschen en(de) v(er)volgen Bij alsoe nochtan dat de/ meest(er)s ind(en) name en(de) tot behoef als vo(r)e d(air)aff om/ die nae hue(r) doot te vinden(e) en(de) te gecrigen besorght/ sulle(n) moege(n) sijn en(de) wete(n) moegen die alsdan te v(er)hale(n)/ cor(am) eisd(em)