Nae dien dat a(n)no lxxxi septembr(is) xviii tusschen/ henricu(s) vasont den jongen als procur(eur) symoens/ van wesenbeke aenlegg(er)s t(er) eenre ende janne van/ hercke drossete van rethy verweerde(r) t(er) ande(re) bij/ vonnesse van scepen(en) van loven(e) t(er) manissen smeyers/ gewesen wairt die sake ind(er) stadt handen en(de) tott(er)/ stadt t(er)mi(n)atien ende dat de brieve van beyde den/ p(ar)tien souden blive(n) ond(er) de wet en(de) dat deselve van/ hercke op sijn geluefte tande(re)n tijden gedaen geslaect/ soude blive(n) vand(er) vroente(n) tot dat de t(er)mi(n)atie dair/ inne geloepen soude sijn om dan te gescieden des/ behoi(r)en soude gelijck tproces van dien metten selve(n)/ vonnesse ald(air) int lange naird(er) geregistreet staet/ Ende nu onlanx opten xiiii[te(n)] dach van junar(io) lestled(en)/ bijde(n) raide vand(er) stadt van loven(e) tusschen g(eer)de/ doegens als procur(eur) des voirs(creven) symoens t(er) eenre/ ende laureyse van hercke wettich sone des voirs(creven)/ wijlen jans ende augustine vand(en) velde cleermake(r)/ als procur(eur) desselfs laureys ende sijnd(er) mede erfgename(n)/ verwerde(re)n t(er) ande(re) nae dien dat hier op en(de) om h(ier)aff
//
p(ar)tien expeditie van rechte te doen(e) zeke(re)n mandemente(n)/ uuyte(n) raide m(ijns) genad(ichs) hee(re)n op zeke(re) pene(n) bijden voirs(creven)/ symoen(e) van wesenbeke sijn verworve(n) en(de) geexecuteert/ inde selve wethoude(re)n nae dat al int lange gevisenteert/ sijn geweest de geheel acten ende p(ro)cessen die h(ier)aff/ inden voirs(creven) jae(re) van lxxxi inde banck voir meye(r)/ ende scepen(en) van loven(e) verhandelt sijn geweest ende/ opden selve(n) daet ind(en) scepen(en) reg(ist)re(n) van loven(e) ald(air)/ int lange metten reden(en) en(de) justificatien van elk(er)/ p(ar)tien saken en(de) (con)clusien verhaelt staen met oick den/ wairh(eit) die de p(ar)tien oft e(n)nige van hen voirde(r) ald(air)/ ofts behoefde bijleyden noch ongehoirt sijnde geappointeert/ en(de) uutgesproken wairt dat nae alle voir gesciedeniss(en)/ ende bedingen tusschen p(ar)tien gesciet inden voirs(creven)/ jae(re) van lxxxi septembr(is) xviii voir meye(r) en(de) scepen(en)/ van loven(e) elck vand(en) selve(n) p(ar)tien des tot sijnd(er)/ materien en(de) bedingen in dien soude moege(n) dienen(de)/ sijn van cleernissen van brieve(n) getuygenissen ende/ and(er)ssins tselve sulle(n) ov(er)geve(n) en(de) in rechte p(ro)duce(re)n/ bynne(n) eene(n) zeke(re)n gelegen(en) daige die sij dairaff soud(en)/ moege(n) nemen om d(air)entinden alle cleernissen gehoirt/ ende oversien wesen(de) bijd(er) wet alhier geappointeert/ te wordden als beho(r)en soude op tvoirneme(n) d(er) selv(er)/ p(ar)tien Aldair de procur(eur) van beyde den selve(n) p(ar)tien/ hinc inde metten voirs(creven) laur(eyse) p(re)sent sijnde om die/ te doen(e) dach neme(n) tegen malcande(re)n voe(r) den/ voirs(creven) raide op vand(en) voirs(creven) xiiii daige januarii/ lestleden in xiiii daige(n) d(air)nae volgen(de) ind(en) selve(n)/ raide gelijck dit appointement en(de) desen genomen(en)/ dach om dese claernisse te doen(e) naird(er) int lange/ begrepen staen inden reg(ist)re(n) d(er) scepen(en) van loven(e)/ vand(er) daet voirs(creven) Soe heeft de voirs(creven) gheert/ de gruyte(re) als procur(eur) des voirs(creven) symoens ae(n)legg(er)s/ ten voirs(creven) daige d(air)toe gestelt sond(er) e(n)nig(en) thoen te/ leyden oft voird(er) thoenisse van br(ieven) getuygen oft/ and(er)ssins te doen(e) oft ov(er) te geven(e) voir informatie/ en(de) claerniss(en) in desen ov(er)geg(even) een cedulle van/ papie(r) aldus luyden(de) van woirde te woirde
//
Memorie ov(er)geg(even) van g(eer)de duegens/ procu(eur) van symoens/ Item es wair dat wijlen jan van hercke met zeke(re)n/ sijne(n) borgen symoen(e) van wesenbeke ende sijnder/ huysvrouwen bekenden voe(r) scepen(en) van loven(e)/ een lijfrinte ten live van meeste(re)n golijn(e) van tsestich/ omtr(int) den jae(re) lxxvii van x corvorst(er)s r(ins)guld(en) tsjaers/ Item is oick wair dat deselve wijlen jan van hercke/ deselve rinte ende v(er)loep betaelde a(n)no lxxix opte(n)/ xxi dach van augusto en(de) symoen bekende dairaff/ voir scepen(en) van loven(e) vand(en) voirs(creven) co(m)me(r) en(de) rinte/ v(er)nuecht ende gaff d(air)aff quitan(cie) sub calaber/ Item ten selve(n) daige ende opte selve came(r) bekinde/ deselve jan en(de) geloefde voe(r) scepen(en) van loven(e) deselve/ rinte vand(en) voirs(creven) thien rinsguld(en) tsjaers lijftochte(n)/ aff te lossen(e) vand(en) xxiiii daeghs septembr(is) a(nn)[o] lxxix/ doen naistcomen(de) ov(er) jair dair naistvolgen(de) te weten(e)/ a(n)no lxxx met hondert en(de) xx d(er)selv(er) corvorst(er)s r(ins)guld(en)/ ende gelijck de brieve d(air)aff ond(er) wet van loven(e)/ sub hanckaert sijnde dat inne houden/ Item is oick wair dat int jair van lxxxi deselve/ symoens omtr(int) den [vacat] dach in [vacat] ov(er)mits/ dat wijle(n) jan van hercke den selve(n) symoen(e) sijn/ rinte hem verschene(n) vand(en) jae(re) lxxix en(de) vand(en)/ jae(re) van lxxx opt(en) xxiiii dach septembr(is) hem/ gevallen ende verschene(n) niet en betaelde dede/ leyden en(de) hem naed(er) stadt recht van loven(e) dede/ leve(re)n Ende tyebout de bode die den brieff/ ontfinck ende den selve(n) janne van hercke die/ doen drosset was den brieff vand(er) stadt p(rese)nteerde/ Item deselve thyebout quam wed(er)om ende bracht/ symoen(e) die tydinge dat wijle(n) jan van hercke/ hem geloeft hadde corts te loven(e) te comen(e) en(de) alsdan/ symoen(e) te betalen(e)/ Item is wair dat wijle(n) jan van hercke d(air)nae/ tot loeven(e) come(n) es en(de) heeft v(er)nome(n) dat symoen om
//
zeke(re) gedingen die hij ind(en) raide van brabant/ hangen(de) hadde (et)c(etera) bynne(n) loven(e) niet meer v(er)ke(re)n/ en dorfte oft noch come(n) en soude (et)c(etera)/ Soe heeft deselve wijle(n) jan van hercke d(air)nae/ tot loven(e) alsulken raet gehadt dat hij mett(er)/ stadt brieve den selve(n) symoen(e) dede bescrive(n)/ dat deselve symoen bij alsoe hij e(n)nige brieve/ hadde d(air) hij wijlen ja(n)ne van hercke en(de) sijne(n)/ borge(n) mede meynde in toecomen(de) tijden te prame(n)/ dat hij alsd(an) die brochte omtr(int) diest opt(en) xviii/ dach septembr(is) a(n)no lxxxi Weten(de) oft hij symoen/ die brieve int recht niet en brochte dat alsdan/ de wet oft stad de brieve van onw(er)den houd(en)/ soud(en) Ende want symoen d(air) niet moegelijck/ oft zekerlijck en doerfte come(n) soe sandt hij sijn/ brieve vand(en) x rinsgulden(en) lijftocht(en) den brieff/ vand(en) geloeften vand(en) x voirs(creven) r(ins)g(ulden) aff te lossen(e)/ en(de) oick den brieff dair mede de stadt van loven(e)/ ten versueke desselfs jans van hercke den selve(n)/ symoen(e) mede bescreve(n) hadde Welke brieve/ ond(er) wet van loven(e) liggen sub hanckart/ Item soe sandt deselve symoen sijn brieve bij/ ja(n)ne van udekem om deselve brieve int recht/ voir meye(r) ende scepen(en) van loven(e) ov(er) te geven(e)/ Item is oick wair dat deselve jan van hercke/ ten tijde dat hij symoen(e) die lijfrinte bekinde/ van wijlen ja(n)ne van wesenbeke sijns brued(er)s/ weg(en) sculdich was omtr(int) lx rinsguld(en) die/ deselve jan den selve(n) symoen(e) geloeft hadde te/ betalen(e) en(de) noch niet betaelt en heeft/ Item deselve jan was ten selve(n) tijde den selve(n)/ symoen(e) oick noch sculdich lxxx rinsguld(en) welck/ lxxx rinsgulden(en) de selve jan den selve(n) symoen(e)/ geloefde te betalen(e) ten tijde dat hij de rinte v(er)borchde/ gelijck den br(ieve) d(air)aff inne hielt/ Item wat v(er)volge bij des voirs(creven) symoens procur(eur)s/ voir wet van loven(e) gevolght es om navolgen(de)/ hue(re)n scepen(en) brieve(n) voe(r) hen gepasseert tot egheene(n)
//
executien oft betalingen en hebben co(n)nen gecome(n) (et)c(etera)/ Item es wair dat bijde wethoude(re)n van loven(e) te/ div(er)se tijden ende oick nu inde weeke voe(r) palme(n)/ lestleden brieve v(er)leende d(air) desselfs wijlen jans/ van hercke borgen mede bescreve(n) werd(en) Welck/ brieve tyebout d(er) stadt bode aende borgen droech/ gelijck hij te meer stond(en) gedaen heeft/ Item de borgen wae(re)n tot loven(e) come(n) des vrijdaighs/ voe(r) palmsondach en(de) maecten al(dair) mechtich ja(n)ne/ van udekem en(de) willem(me) van leefdale Ende wat/ desselfs symoens p(ro)cur(eur)s v(er)volchden egheen recht oft/ executie en hebben co(n)nen gecrijg(en)/ Ende de voirs(creven) laur(eys) voir he(m) selve(n) ende met he(m)/ de voirs(creven) augustijn vand(en) velde als sijn en(de) sijnd(er)/ mede erfgename(n) procur(eur) hebben ten selve(n) daige/ h(ier)op om ve(r)ificatien ende clernissen van hue(re)n acte(n)/ ende rechte(n) te doen(e) navolgen(de) den voirs(creven) leste(n) appointem(en)te/ in gescrifte voir den selve(n) raide alh(ier) ov(er)geg(even) de pointe(n)/ articulen en(de) int(er)rogatorien metten ve(r)ificatien claerniss(en)/ en(de) depositien van dien soe die h(ier)nae int lange/ genarreert en(de) begrepen staen van woerde te woirde/ Int(er)rogatorien laureys van hercke voir hem/ ende oick inden name hubrechts de/ portene(re) zijns zwag(er)s tegen symoen(e) van/ wesembeke oft gheerde duegens zijne(n)/ procur(eur)/ Ierst begheert de voirs(creven) laureys gevisiteert te hebben(e)/ tvonnesse vande(n) scepen(en) tusschen henr(icke) vasont den/ jongen als procur(eur) symoens van wesembeke t(er)/ eenre ende janne van hercke t(er) ande(re) staende ger(e)/ gistreert in dyerste came(r) septembr(is) xviii a(n)no/ lxxxi/ Item begeert de voirs(creven) laureys gevisiteert te hebben(e)/ twee gecanceleerde en(de) doirsneden(en) scepen(en) brieve(n) va(n)/ loven(e) beyde vand(en) daet duysent vierhondert liiii
//
septembr(is) xxiiii den eene(n) van thien rinsgulden(en)/ lijfpen(sien) der vier coirvorste(r) mu(n)ten voir dat(um) sbriefs/ gemu(n)t ten live jans van tsestich ende meest(er)s golijns/ zijns zoens ende den ande(re)n oick van thien r(ins)gul(den)/ lijfpen(sien) ten live johannen vande(n) wolputte werdi(n)ne/ des voirs(creven) jans van tsestich ende lijsbette(n) hue(re)r/ docht(er) et sup(er)stit(is) bekint bij ja(n)ne van hercke/ des voirs(creven) laureys vader doen drossete van/ rethy gheerde van wesembeke oem des voirs(creven)/ symoens doen rintmeester shee(re)n van salme(n) in/ vorslair ende woute(re)n van wesembeke vad(er) des/ voirs(creven) symoens doen rintmeest(er) desselfs hee(re)n tot/ rethy voirs(creven) vallende al den xxiiii dach septembr(is)/ Begeert voirt gevisiteert te hebben(e) eene(n) scepen(en)/ brief van loven(e) bekint xii april(is) a(nn)[o] lxxvii ten live/ d(er) voirs(creven) johannen vande(n) wolputte doen weduwe/ des voirs(creven) jans van tsestich bijde(n) voirs(creven) woute(re)n/ van wesembeke symoene van wesembeke zijne(n)/ sone ende willem(me) van dyeve(n) zwag(er) desselfs symoe(n)s/ van thien geliken rinsgulden(en) lijfpen(sien) ten selve(n)/ daghe en(de) t(er)mijne voirs(creven) vallen(de) gelijc de yerste/ brieve(n) voirs(creven) met oick den a(n)nexe dair aen/ vand(en) daet lxxvii octobr(is) xviii D(air)mede symoens/ w(er)dynne met sijne(n) consente huer oick v(er)oblig(er)de/ voir deselve lijfpen(sien)/ Begeert voirt gevisiteert te hebben(e) tregist(er) va(n)d(en)/ jae(re) lxxvii april(is) xii voirs(creven) et li(br)[o] lxxvi in t(er)cia/ came(r)a d(air)mede deselve wout(er) ende sijn zone ende/ behouwede sone voirs(creven) hen doen oick v(er)obligeerd(en)/ aen meeste(re)n golijne van tsestich oick in thien/ gelijcke rinsgulden(en) lijfpen(sien) tot zijne(n) live vallen(de)/ oick opden selve(n) xxiiii dach septembr(is) gelijck/ de voirs(creven) yerste brieve(n) vallen met oick den a(n)nexe/ d(air)aen gehangen d(air)mede huer oick symoens werdynne/ hier inne mede v(er)obligeerde opden voirs(creven) xviii/ dach octobr(is) a(n)no lxxvii/ Begeert voirt deselve laureys gevisiteert te hebben(e)/ tselve regist(er) oft p(ro)thocol vand(en) jae(re) van lxxvii
//
xii april(is) dat staet li(br)[o] lxxvi in 3[a] came(r)a dair men/ m(er)kelijck bevi(n)den sal in m(ar)gine hoe dat die twee/ leste brieve(n) van lijfpen(sien) werdden versedt ende oick/ blijct m(er)kelijck uute(n) twee yerst(en) brieve(n) ende uut/ desen twee v(er)sette(n) brieve(n) dat die pe(n)ni(n)ge valdaghe/ ende live ten tijde vand(en) selve(n) versette(n) leven(de) al gelijck/ luyden ende dat alsoe al een rinte uut(er) yerst(er) gesprote(n)/ sijn moeste ende dat doen t(er) tijt jan van tsestich/ ende lijsbeth sijn docht(er) die dande(r) live wae(re)n/ inde yerste brieve begrepen doot wae(re)n/ Begeert voirt deselve laureys gevisiteert te hebben(e)/ de voirs(creven) yerste gecancelleerde scepen(en) brieve(n) vanden/ xx rinsgulden(en) d(air)men opden rugghe van dien m(er)kelijc/ bevinden zall hoe opden selve(n) dach octobr(is) xviii a(n)no/ lxxvii als symoens werdynne huer mede v(er)oblig(er)t/ hadde voir beyde de v(er)nyeuwede brieve(n) voirs(creven) de/ selve symoen ten selve(n) rechte ov(er)nam voir scepen(en) va(n)/ loven(e) van meest(er) gilijne des macht hebben(de) beyde/ de oude ende yerste zed(er) gecancelleerde brieve voirs(creven)/ slaende soe wel opden voirs(creven) woute(re)n van wesembeke/ sijne(n) vader gheerde van wesembeke zijne(n) oem als/ opden voirs(creven) van hercke ende oick hoe deselve symoen/ die alsoe ov(er)hebben(de) t(er) stont dede vonnessen/ Begeert voirt gevisiteert te hebben(e) tregist(er) va(n) scep(enen)/ van loven(e) in 3[a] came(r)a vand(en) daet lxxvii octobr(is) xx/ dairt blijken sal dat bij versettingen de voirs(creven) symoen/ die d(air)inne sijns selfs ende zijns wijfs heffen ende/ dispositie behielden den voirs(creven) van hercke en(de) sijn/ borgen slinckelijck en(de) onwetelijck in nyeuwer obligat(ien)/ gesproten alleene uuten voirs(creven) oude(n) ende yerste/ obligatien dair dese uut v(er)nyeuwet sijn betogen/ heeft des deselve van hercke yerst gewae(r) wardt/ als hij deselve ende obligatien van symoene voirt/ ov(er)creech gecancelleert ende hoe deselve symoen/ deen van dien obligatien te weten die doen alleene/ stont ten live johannen vande(n) wolputte mits/ der doot van lijsbetten hue(re)r docht(er) mede dede/ setten ten live meest(er)s golijns ende die doen alleene
//
stont ten live meest(er) golijns mits der doot van zijne(n)/ vader liet hij die d(air)op alleene staen ende hoe/ dese pe(n)ni(n)gen ende valdaige al gelijck sijn den/ ouden brieve(n) zond(er) enige discordan(cien) and(er)s dan/ inde v(er)anderi(n)ge en(de) additie van meer live(n) gelijc/ vo(r)e/ Beg(eer)t voirt gevisiteert te hebben(e) de kennesse ged(aen)/ bij symoene voir scepen(en) van loven(e) aprilis xxii a(nn)[o]/ lxxxix et li(br)[o] lxxviii d(air)mede hij hem bekinde genoech/ gedaen te zijne van wegen der edelre vrouwen/ grevi(n)ne(n) van salmen vand(er) hellicht vand(en) xx r(ins)g(ulden)/ lijfpen(sien) die de voirs(creven) van hercke tande(re)n tijden/ met scepen(en) brieve(n) van loven(e) bekint hadde ten/ live d(er) weduwen jans van tsestich ende golijns/ huers zoens van welken xx rinsg(ulden) lijfpen(sien)/ de voirs(creven) vrouwe johanne grevi(n)ne ende wijle(n)/ h(er) jacop greve tot salme(n) huer sone den voirs(creven) van/ hercke a(n)no lxiiii iiii[ta] novembr(is) geloeft hadde(n)/ scadeloes tontheffen gelijck d(er) selv(er) vrouwe(n) dat/ oick als dese selve kennesse dat m(er)kelijck v(er)claert/ met vonness(en) vand(en) cancell(ie)r en(de) raidt van/ brabant xvi nove(m)br(is) a(nn)[o] lxxviii aengewesen/ was te doen(e) ende hoe deselve symoen der/ voirs(creven) vrouwen hue(re)n procur(eur) den voirs(creven) van/ hercke ende alle ande(re) des quitan(cie) behoeven(de)/ vand(er) selv(er) hellicht der zelv(er) xx rinsguld(en) ende/ alle(n) acht(er)stelle(n) van dien volcomenlijc quijtscelt/ geloven(de) deselve d(air)aff nu(m)mermeer aen te spreken/ Begeert voirt gevisiteert te hebben(e) een/ kennesse h(ier)nae augusti xxi a(n)no lxxix gedae(n)/ voir scepen(en) van loven(e) bijden selve(n) symoene hoe/ hij vanden voirs(creven) janne van hercke laur(eyse) zijne(n)/ sone ende henr(icke) portene(re) ontfaen hadde vijftich/ rinsgulden(en) te xxiiii stuv(er)s tstuck drie plecke(n) voir/ den stuv(er) uut saken van thien rinsgulden(en)/ lijfpen(sien) gemu(n)t voir dat(um) der brieve(n) die gemaict/ wae(re)n a(nn)[o] lxxvii octobr(is) xx staende ten live des
//
voirs(creven) meest(er) golijns van vijff jae(re)n verloepen nochtan/ dat dese brieve soe oudt niet en wae(re)n datme(n) uut/ saken van dien vijff pachten hadde connen geeyssche(n)/ mair wae(re)n die gesproten uut scepen(en) brieve(n) van oude(re)n/ daten dair die live soe niet inne en stonden als/ de voirs(creven) symoen die gelijck vo(r)e fraudeleuselijck/ hadde doen v(er)ande(re)n v(er)setten en(de) v(er)nyeuwen ende/ welke lijfpen(sie) altijt vallen(de) was opte(n) xxiiii dach/ septembr(is) Ende d(air)mede symoen hem bekinde genoech/ gedaen ende schout dairaff volcomelijc quijte de/ voirs(creven) drie p(er)soenen hue(r) goede en(de) alle ande(re) des quitan(cie)/ behoeven(de)/ Begeert voirt gevisiteert te hebben de geluften d(air) inne/ de voirs(creven) symoen die den voirs(creven) van hercke fraude/ leuslijck betogen heeft augusti xxi a(n)no lxxix va(n)d(en)/ thien rinsgulden(en) lijfpen(sien) ten live meest(er) golijns/ bekint octobr(is) xx a(n)no lxxvii af te legge(n) vanden/ xxiiii daige septembr(is) eod(em) a(n)no lxxix doen naistcomen(de)/ ov(er) een jair v(er)volgen(de) met hondert en(de) thien gelike/ rinsgulden(en) hoe wel tverhael vand(en) yerste(n) vonnesse/ tusschen p(ar)tien voirmaels te weten a(n)no lxxxi septe(m)br(is)/ xviii gewesen narre(re)n mach dese gelufte te zijne/ a(n)no lix augusti xxi dwelck uut dolinge(n) v(er)suemt(en)/ ende quad(en) toesiene gebuert es Op welke x/ articulen voirs(creven) de acten ende brieve(n) gevisiteert/ zijnde die alsulck bevonden sijn als de selve/ articulen van dien uutwijsen ende begrijpen/ Gedraeght hem de voirs(creven) laureys tot uwer/ he(re)n discretie ende den rechte ende oick tot allen/ den voir obligatien van outs en(de) nyeuts gemaect/ dat sijn vader ende sijn erfgename(n) ind(er) selv(er) obliga/ tien groetelijck gefraudeert soude(n) sijn en(de) buyte(n) den/ rechten wege slinckelijc geleyt op datmen d(air)op/ letten woude des hij bijden reden(en) voirs(creven) hoept/ neen dair deselve van wesembeke en(de) buyte(n) den/ rechte den selve(n) zijne(n) vad(er) ghinck steken a(nn)[o] lxxix
//
augusti xxi in obligatien van afquite(n) van lijfrinte(n)/ van thien rinsguld(en) d(air)aff hij selve d(air) te vo(r)en in april/ gelijck dat blijct ind(en) voirs(creven) kennesse(n) d(air)aff bij symoene/ gedaen selve ontfaen hadde vand(en) grevi(n)nen wege(n)/ soe vele pe(n)ni(n)gen als om d(air)mede deselve een hellicht/ te wete(n) des voirs(creven) meest(er) golijns hellicht af te legge(n)/ het en blijct oick nerge(re)ns mair de contrarie van dien/ sal blijcken bijde(n) article naebescreve(n) dat symoen/ met dien pe(n)ni(n)gen bij hem voir dafquite(n) der eend(er)/ hellicht d(er) lijfpen(sien) voirs(creven) ontfange(n) gelijck vo(r)e afleyt/ de hellicht ten live van joha(n)nen vand(en) wolputte/ nae beg(ri)p der ond(er) brieve(n) doen noch staen(de)/ Begeert voirt deselve laureys alnoch gevisiteert/ te hebben(e) hoe meest(er) golijn ende peet(er) van dormale/ sijn zwag(er) beyde als naiste erfgenamen der voirs(creven)/ johanne(n) vand(en) wolputte doen aflivich sijnde a(n)no/ lxxx nove(m)br(is) xiii kinden voir scepen(en) van loven(e)/ ontfangen te hebben van vrouwe ysabeele(n) grevi(n)ne/ tot salmen uut handen jans opten berch huers/ rintmeest(er)s de so(m)me van thien gouden rinsguld(en)/ die der selv(er) johanne(n) der moed(er) vielen a(nn)[o] lxxix/ xxiiii septembr(is) vand(en) thien gouden rinsgulden(en)/ lijfpen(sien) die deselve joha(n)ne hadde tot hue(re)n live/ met scepen(en) brieve(n) van loven(e) vand(en) daet xiiii[c] lxxvii/ xii in aprill aen woute(re)n van wesembeke symoene/ zijne(n) sone willem(me) van dyeve(n) ende katlijne(n) van/ dyeve(n) symoens werdynne Scelden(de) d(air)aff en(de) van/ allen acht(er)stelle d(er) selv(er) lijfpen(sien) ende oick vand(er)/ pri(n)cipaeld(er) rinten want die verstorve(n) es/ volcomelijck quijte de voirs(creven) verobligeerde p(er)soene/ de voirs(creven) vrouwe van salmen hue(re)n rintmeest(er)/ ende alle ande(re) des quitan(cie) behoeven(de) Geloven(de)/ deselve d(air)aff nu(m)mermeer aen te spreke(n) mair d(air)aff/ tege(n) eene(n)yegelijcken inne te staene ende gerecht/ warant te zijne Ende op dit voirs(creven) xii[te] article/ de quitan(cie) van dien rijpelijck gevisenteert sijnde/ es die oick bevonden soe tselve article begrijpt/ Item begeert de voirs(creven) laureys gevraecht te/ hebben meeste(re)n golijne van tsestich en(de) pete(re)n/ zijne(n) zwag(er) oft hen nyet kenlijck en es dat
//
de voirs(creven) drierhande vestich(eit) dyerste bekint bij/ janne van hercke gheerde ende woute(re)n van wese(m)beke/ gebruede(re)n d(air)nae de tweeste v(er)nyeuwede vestich(eit)/ bij woute(re)n van wesembeke symoene ende zijne(n)/ zwag(er) ende d(air)nae oick bij symoens w(er)dynne bekint/ ende ten derden male mits ov(er)crigen(de) d(er) oud(er) brieve(n)/ de v(er)nyeuwede vestich(eit) die symoen (contra)rie en(de) and(er)s/ dan de voirbrieve(n) gecregen heeft van ja(n)ne van/ hercke ende sijn borgen Alle comen spruyten(de) uuten/ selve(n) yerste(n) obligatien vanden yersten xx rinsgul(den)/ lijfpen(sien) Hier op seecht meest(er) golijn dat hij wel weet/ dat de tweeste vestich(eit) die wout(er) van wesembeke/ symoen ende sijn w(er)di(n)ne ende zijn zwag(er) gedaen/ hebben spruyten(de) compt uut(er) yerst(er) vestich(eit) peet(er) en/ weet(er) nyet aff dan bijd(er) quitan(cie) bij hem gegeven/ Item den selve(n) oft hen nyet kenlijck en es dat de/ thien rinsgulden(en) lijfpen(sien) staende ten live vand(en)/ voirs(creven) johanne(n) ende lijsbetten hue(re)r docht(er) mits der/ doot vand(er) selv(er) lijsbette(n) ende dair nae vand(en) voirs(creven)/ johannen der moed(er) geheelijck verstorve(n) sijn ende/ dat mijn vrouwe van salmen noch de hue(re) noch/ oick de voirs(creven) symoen noch de zijne die noyt af/ en leyden soe zij dat beyde oick voir scepen(en) gelijc/ vo(r)e gekint hebben Dit xiiii[te] article hebben de/ getuyge(n) voirs(creven) geaffirmeert alsoe te wesen/ Item begeert deselve laureys m(er)kelijck gelet te/ wordden hoe dat blijct ind(er) voirs(creven) lest(er) gep(ro)duceerd(er)/ quitan(cie) dat vand(en) voirs(creven) thien rinsgulden(en) lijfpen(sien)/ mett(er) doot der voirs(creven) johanne(n) verstorve(n) bij janne/ opden berch inden name van m(ijnre) vrouwen den/ pacht betaelt wart die d(air)aff viel a(n)no lxxix septe(m)br(is)/ xxiiii en(de) voirt opde kennesse bij symoene gedaen/ april(is) xxii a(nn)[o] lxxix et li(br)[o] lxxvi lange dair te vo(r)en/ d(air) mede symoen bekinde ontfaen te hebben de pe(n)ni(n)ge(n)/ vand(en) afquiten der eend(er) hellicht vanden xx r(ins)gul(den)/ lijfpen(sien) Scelden(de) van dien ende allen acht(er)stelle der/ selv(er) hellicht volcomelijck quite m(ijn) vrouwe(n) ja(n)ne va(n) hercke
//
ende alle ande(re) des quitan(cie) behoeven(de) Wair uut/ m(er)kelijck blijct dat hij dese hellicht niet ontfange(n)/ en hadde voir dafquiten vand(er) hellicht opd(er) voirs(creven)/ johanne(n) lijff staende want men moeste van m(ijnre)/ vrouwen wegen gelijck vo(r)e dair nae noch de/ nae gevallen pachten betalen ende vo(r)e dede/ symoen quitan(cie) van alle(n) acht(er)stellen vand(er) eend(er)/ hellicht der geheeld(er) lijftochten beyde van p(ri)ncipale/ ende pachte van dier dwelck te verstaene moet/ sijn vand(er) lijftocht die sculdich was navolgen(de)/ den ouden yersten brieve(n) alleene op meest(er) golijns/ lijff staende ende niet opden brief op sijnd(er) moed(er)/ lijff staende gem(er)ct datmen vand(er) moed(er) lijftocht/ noch pachten betaelde die nae dafleggen d(er)/ selv(er) eend(er) hellicht gelijck vo(r)e vielen/ Item de voirs(creven) laureys beg(eer)t oick dat de hee(re)n/ m(er)kelijck letten willen hoe symoen den voirs(creven)/ janne van hercke sijne(n) vad(er) gelijck vo(r)e augusti/ xxi a(nn)[o] lxxi stac inde voirs(creven) gelufte van afquite(n)/ de voirs(creven) lijfpen(sie) den voirs(creven) meest(er) golijne bekint/ nochtan dat hij symoen selve gelijck vo(r)e in/ aprill dair te vo(r)en bekint hadde hem genoech/ gedaen te zijne vand(er) hellicht d(er) geheeld(er) lijfpen(sien)/ voirs(creven) ende den acht(er)stellen van dien Dwelck/ sijn moeste vand(er) hellicht die alleene op meeste(re)n/ golijne stont ende niet die op sijn moeder stont/ want die d(air)nae hue(re)n duerdach bleef lopen(de) en(de)/ met hue(re)r doot versterff/ Item men sal vrage(n) meeste(re)n golijne ende pete(re)n oft/ hen kenlijck es dat de thien rinsgulden(en) opd(er) moed(er)/ lijf staen(de) in hue(re)n leven(e) afgeleeght hebbe(n) geweest/ Dit affirme(re)n de getuyge(n) van dien als vo(r)e dat/ dit verstorve(n) es ende d(air)o(m)me nyet afgequijt/ Den selve(n) wie zeker d(er) moed(er) doot meest(er) golijn/ sijn thien rinsgulden(en) die van outs nae sijns vad(er)s
//
doot op hem bleven staende betaelt heeft ende hoe/ lange die betaelt sijn geweest ende oft die afgequijt/ sijn oft niet ende bij wien ende met wat pe(n)ningen/ ende oft sijn moeder oft hij ande(r) brieve(n) zedert zijns/ vaders doot vand(er) voirs(creven) geheeld(er) lijfpen(sien) gehadt hebbe(n)/ dan de yerste oude brieve ende d(air)nae de brieve die/ wout(er) van wesembeke symoen ende sijn zwag(er) ende/ symoens werdi(n)ne hen vernueghde(n) nae doot van/ janne van tsestich ende lijsbetten zijnd(er) docht(er) den eene(n)/ alleene ten live van sijnd(er) moed(er) ende den ande(re)n/ alleene van hem meest(er) golijne voirs(creven) Op dit article/ claert pet(er) voirs(creven) dat hij d(air)af nyet en weet Meest(er)/ golijn voirs(creven) claert h(ier)op dat sijn moed(er) sterf anno/ lxxix alte(r)a? kath(er)ine ende d(air)nae werdden he(m) sijn/ pachten vand(en) thien rinsgulden(en) die op he(m) stond(en)/ betaelt van symoene tot int jair van lxxxii incluys/ en(de) doen xviii julii wert he(m) van symoens wegen/ afgeleecht deselve sijn thien rinsgulden(en) lijfpen(sien)/ en(de) vervolghde(n) den selve(n) symoene d(air)om te meer/ want hij wel wiste dat symoen voir dafquite(n)/ vand(er) eend(er) hellicht d(er) twintich rinsguld(en) lijfpen(sien)/ de pe(n)ning(en) gehave(n) hadde/ Item uut(er) quitan(cien) bij symoene gegeve(n) den voirs(creven)/ van hercke en(de) sijne(n) borg(en) augusti xx a(nn)[o] lxxix/ vanden vijftich rinsgulden(en) van vijff jae(re)n v(er)loepe(n)/ tsjaers thien rinsgulden(en) bliket clair dat dat/ verloep niet gevallen en conste gesijn uut saken/ vanden v(er)nyeuwede(n) brieve(n) gepasseert octobr(is) xx/ a(nn)[o] lxxvii want uut saken vande(n) selve(n) v(er)nyeuwed(en)/ brieve(n) mair eene(n) pacht doen gevallen en const gesijn/ ende d(air)om moeste(n) dand(er) vier jae(re)n van dien gevalle(n)/ sijn uut saken vand(en) ouden brieve(n) wair bij het claer/ es dat symoen doen noch de oude brieve(n) van/ weerde(n) hielt nochtan soude hij g(er)ne mette(n) nyeuwe(n)/ v(er)nyeuwede(n) brieve(n) dair uut gesprote(n) ende dair/ inne hij een lijff meer bracht heeft dant behoirde/ den selve(n) van hercke belasten ende de v(er)storve(n)/ thien rinsgulden(en) die opd(er) moed(er) lijf stonde(n) tzijne(n)
//
p(ro)fijte behouden dair nochtan symoens eygen vad(er)/ ende oem soe diepe inne verbonden stonde(n) als jan/ van hercke ende dair hij symoen selve nochtan/ gelijck vo(r)e hem gekint heeft vand(er) geheeld(er) hellicht/ d(er) xx rinsgulden(en) lijfpen(sien) en(de) allen acht(er)stelle(n) van/ dien geheelijck v(er)nueght te zijne Op welck xix/ article voirs(creven) de br(ieven) van quitan(cien) gevisiteert sijnde/ bevonden sijn alsulck als tselve article uutwijst/ ende begrijpt/ Seeght oick laureys dat symoen nu(m)mermeer en/ soude conne(n) doen geblijken dat wijlen jan van/ hercke sijn vader in symoene oyt gehoude(n) was/ Dairom hij hem de voirs(creven) v(er)nyeuwede lijfpen(sie)/ sculdich soude sijn geweest and(er)s dan tselve/ v(er)nyeuwen alleene gebuert es ende gesprote(n) uute(n)/ voirs(creven) oude(n) brieve(n) die symoen om zijne(n) vader en(de)/ oem te v(er)schoene(n) ende ja(n)ne van hercke d(air)mede/ te belaste(n) soe hij gedaen heeft met subtilicheyd(en)/ ov(er) hem met rechte ov(er)creech hem d(air)mede bedwingen(de)/ totten v(er)nyeuwen d(er) zelv(er) brieve(n) dair hij een lijff/ meer inne dede setten gelijck vo(r)e dant behoirde/ ende nochtan salmen op alle nae brieve(n) vind(en)/ dat die als v(er)nyeuwt uute(n) oude(n) yerste(n) brieve(n)/ altijt ten selve(n) valdaige vallende ende mette(n)/ selve(n) prijse van pe(n)ni(n)gen gesedt zijn en(de) dat de/ v(er)nyeuwede brieve buyte(n) hue(re)n tijde vanden/ valdaghe v(er)nyeuwet sijn/ Welck processen acten infor(ma)tien ende getuygeniss(en)/ van beyde den p(ar)tien van voe(r) ende nae int/ lange ov(er)sien sijnde bijd(en) raide vand(er) stadt ende/ ripelijck d(air)op geledt wesen(de) heeft den selve(n)/ raidt t(er) p(rese)ntien vand(en) voirs(creven) g(eer)de duegens/ als procur(eur) vand(en) voirs(creven) van wesembeke ae(n)/ legge(r) t(er) eenre en(de) van janne van udekem als/ procur(eur) des voirs(creven) laureys ende sijnde(r) mede erfg(enamen)
//
verweerde(re)n t(er) ande(re) uutgesproken voir recht dat/ symoen met sijne(n) scepen(en) br(ieven) beleyde ende voirnemen(e)/ verdoelt es om te comen tot sijnd(er) conclusien begrepe(n)/ ind(er) aenspraken bij he(m) oft zijne(n) procur(eur) gedaen inde/ banck voir meye(r) ende scepen(en) van loven(e) nae alle/ voir gesciedenissen acten van quitan(cien) getuygeniss(en)/ scepen(en) brieve(n) ende ande(re)n clairnissen die in dien/(contra)rie van symoens voirnemen(e) sijn bevond(en) Act(um)/ et ita det(er)mi(n)atu(m) in cons(ili)[o] opidi P(rese)ntibus h(er)meys/ sub(stitu)[to] hove burg(imagistr)[o] pynnock buetsele scabinis et/ plu(r)ib(us) aliis de cons(ili)[o] maii xxvii