SAL7384, Akte: R°529.2 (931 van 1043)
Akte R°529.2
Act
Datum: 1491-05-28
Transcriptie
2020-12-28 door fernand BERTRANDItem de voirs(creven) lodewijck bruystens al(ia)s van belanden(en)/
jacop vanden berghe henrick francquart peet(er) bruyste(n)s/
ende b(er)telmeeus bruystens hebben geloeft en(de) toegeseeght/
en(de) mits desen gelove(n) ende toeseggen den voirs(creven)/
ja(n)ne van espent lijsbette(n) en(de) katlijne(n) van espent zijne(n)/
suste(re)n kinde(re)n pet(er)s wile(n) van espent die hij hadde/
van heylwige(n) wijle(n) bruystens zijnd(er) huysvrouwe(n)/
dat zij noch gheen van hen den voirs(creven) ja(n)ne noch/
sijne(n) zuste(re)n voirs(creven) gheen belet stoot hynder oft/
letsel doen en zulle(n) inde versterffenisse [van geldolve] wijlen/
vande(n) schelve en(de) dat zij den selve(n) ja(n)ne en(de) sijn/
zust(er)s soe wel inde leengoede chijsgoede eygen(e)/
ende ande(re) hoedanich die wa(r)en vand(er) selv(er)/
versterffenissen sulle(n) laten volcomelijck deyle(n) gelijck/
den kinde(re)n jans wile(n) bruystens henricx wile(n) bruyste(n)s/
en(de) bertelmeeus wijle(n) bruystens brued(er)s als zij leefden/
d(er) voirs(creven) heylwig(en) bruyste(n)s moed(er) als zij leefde des/
voirs(creven) jans va(n) espent en(de) zijnd(er) zust(er)s gelijc voirs(creven) es cor(am) eisd(em)
Nagekeken door: Greet Stevens
Moderator: Greet Stevens
Laatste update:: 2014-09-05 door Dieter Peeters