Vand(er) questien op heden ghecome(n) bijde(n) raide/ vand(er) stadt tusschen dien van miskem t(er) eenre/ en(de) die van waenrode t(er) ande(re) t(er) causen vand(en)/(con)t(ri)bucien die zij daghelijcx bij bede(n) oft and(er)ss(ins)/ te gelde(n) moege(n) hebbe(n) dair van die van/ miskem sustineerde(n) dat sij altijt gewoenlijck/ hadde(n) geweest van vijff pe(n)ninge(n) de twee/ te gelde(n) en(de) die van waenrode de drie/ leggen(de) tselve in feyte Dairop de voirs(creven)/ van waenrode seyde(n) dat sij vande(n) ix/ vier soude(n) gegoude(n) hebbe(n) kennen(de) nochtan/ naed(er) hant sgheens des die van miskem in/ feyte geleeght hadde(n) Bege(re)nde alsoe de/ selve van waenrode want zij in dien v(er)last/ wae(re)n dat de stadt d(air)op dooghe hebbe(n) woude/ en(de) dat men de voirs(creven) van miske(m) want zijt/ nae hue(r) gelegenth(eit) als zij seyde(n) bat hadden/ hooge(r) stellen soude dairop de voirs(creven) van/ miskem replice(re)nde seyde(n) de (con)trarie ende/ hoepte(n) te gestaene nad(er) oud(er) costume(n) voirs(creven)/ bij he(m) geallig(er)t Es gewesen dat de voirs(creven)/ van miskem gestaen sulle(n) (con)t(ri)bueren(de) van/ viven twee als zij tot h(ier)toe gedaen hebbe(n)/ gelijck tselve als bove(n) bij huer(en) p(ar)tien genoech/ bekint es totte(r) tijt toe datt(er) van ons gened(ichs)/ he(re)n wege(n) en(de) d(er) state(n) vand(en) lande and(er)s d(air)op/ soude sijn v(er)sien int reforme(re)n van taxen/ In cons(ili)[o] opidi augusti xii