Item gielis van hortbeke zone wijle(n) henricx/ woenen(de) te bynckem in p(rese)ntia heeft genome(n)/ en(de) bekint genome(n) te hebben van arnde de/ smet als procur(eur) jouffr(ouwen) m(ar)griete(n) wittema(n)s/ weduwe joes wijle(n) absoloens Thoff d(er) zelv(er)
//
weduwe(n) geheete(n) bollair gelegen te cu(m)ptich/ en(de) dair omtrint mett(er) weyen dair toe hoiren(de)/ Te houde(n) te hebben en(de) te wynne(n) van half/ m(er)te lestlede(n) eene(n) t(er)mijn van tweelf jae(re)n/ lanck due(re)nde deen nae dand(er) zonder/ middel vervolgen(de) Elcx jairs dae(re)nbynne(n)/ de voirs(creven) wynnen(de) lande te weten(e) elck/ dachmael d(air)af om en(de) voe(r) acht molevate(n)/ rogs cu(m) va(n)no et pe(n)na der mate(n) van loven(e)/ te loven(e) jairlicx te leve(re)n tsinte andries(mes)s[e]/ apostels ten huyse der voirs(creven) weduwe(n)/ quol(ibe)t ass(ecu)[tu(m)] Uutgesceyde(n) dat de voirs(creven)/ wynne vande(n) ierste(n) jae(re) van zijne(n) t(er)mijne/ nyet geve(n) en sal ende dat hij int tweeste/ jair vande(n) selve(n) t(er)mijne gestaen sal betalen(de)/ den voirs(creven) pacht van acht molevat(en) half/ met rogghe en(de) half met som(er)coren(e) behalve(n)/ dat zij van malcande(re)n sceyde(n) moege(n) te/ sesse jae(re)n oft te ix jae(re)n behoudelijck dat/ de ghene die alsoe sceyde(n) sal wille(n) altoes/ sculdich sal sijn den ande(re)n dat te cu(n)dige(n)/ een jair te vo(r)en ende de voirs(creven) beempde/ en(de) eeussele totte(n) voirs(creven) hove behoiren(de) om/ en(de) voe(r) achtien rinsschegulden(en) te xx/ stuv(er)s tstuck tsinte m(er)tensmesse jairlicx/ vallende en(de) te betalen(e) der voirs(creven) weduwe(n)/ quol(ibe)t ass(ecu)[tu(m)] Behalve(n) dat de voirs(creven) wynne/ vande(n) ierste(n) jae(re) vand(en) voirs(creven) t(er)mijne va(n)d(en)/ voirs(creven) beempde(n) nyet geve(n) en sall Ende/ dat hij dande(re) drie jae(re)n d(air)nae volgen(de)/ jairlicx betale(n) sal zesthien rinsgulden(en)/ en(de) vande(n) ande(re)n jae(re)n d(air)nae volgen(de) de(n)/ voirs(creven) t(er)mijn due(re)nde sal hij d(air)af jairlicx/ betalen achtien rinsgulden(en) It(em) es voir/ weerde dat de voirs(creven) wynne de voirs(creven)/ lande wynne(n) werve(n) en(de) meste(n) sal gelijc/ reengenoete(n) bove(n) en(de) benede(n) en(de) goede
//
laten tzijne(n) afsceyden(e) ind(er) manie(re)n hier nae/ volgen(de) Te weten(e) zesse stucken tsame(n) houden(de)/ xi dachmael liii roede(n) gemest en(de) besaeyt met/ wintercoren(e) op vier getidege voren It(em) sal/ de wynne de huysingen houde(n) in goeden/ state vand(en) und(er)ster rijckele(n) ned(er)werts op zijne(n)/ cost Ende soe wa(n)neer men dair decke(n) oft plecke(n)/ sal dan sal de wynne den montcost gheve(n)/ en(de) de voirs(creven) weduwe de dachue(re)n betalen/ behalve(n) van nyeuwe(n) wercke dair inne en/ sal de wynne niet gehoude(n) sijn It(em) de ver/ droeghde willege(n) en(de) verdroeghde appelboeme/ sulle(n) volge(n) den voirs(creven) wynne en(de) des sal de/ wynne sculdich sijn voir elke twee vande(n)/ selve(n) zape te stellen en(de) te plante(n) It(em) sal de wi(n)ne/ sculdich sijn de wegen ryole(n) en(de) beempde(n) te/ slippe(n) te houden en(de) te vegen omtr(int) den goede(n)/ liggen(de) zijne(n) t(er)mijn due(re)nde op zijne(n) cost It(em)/ noch sal de wi(n)ne jairlijcx int voirs(creven) hof/ leve(re)n hond(er)t cusbaird(er) walme(re)n om de huysinge/ d(air)mede te deckene It(em) sal de wynne sculdich/ sijn te halen leem theene en(de) dackroeyen ende/ dier gelijcke soe wa(n)neer des behoeve(n) sal moege(n)/ It(em) sulle(n) de voirs(creven) weduwe en(de) wi(n)ne half/ en(de) half dooft hebbe(n) en(de) des moet de weduwe/ den wi(n)ne eene(n) man doen om dooft t(er) eerde(n)/ te leve(re)n den welke(n) de wynne den montcost/ gheve(n) sal en(de) de wi(n)ne sal sculdich sijn d(er) weduwe(n)/ hellicht te loven(e) tot hue(re)n huyse leve(re)n It(em) noch/ sal de voirs(creven) wi(n)ne sculdich sijn jairlijcx opde/ voirs(creven) goede te planten xxv poten soe v(er)re die/ opde voirs(creven) goede(n) wassen(de) sijn Hier nae volgen/ die goede die den voirs(creven) wynne gelev(er)t sijn/ ende die gescat sijn bij goede ma(n)nen hen des/ verstaen(de) opte(n) prijs navolgen(de) Te weten(e) twee/ peerden eene(n) wage(n) een ploech een eegde met/ alle(n) hue(re)n toebehoirte(n) op derthien rinsscheguld(en)/ de welke de voirs(creven) wynne geloeft heeft der
//
voirs(creven) weduwen te betalen(e) bynne(n) drie jae(re)n/ naistcomen(de) ta(m)q(uam) ass(ecu)[tu(m)] Ende alle dese voirw(er)de(n)/ condicien en(de) geluften (et)c(etera) cor(am) buetsele vynck/ augusti xvi