Want jouffr(ouwe) m(ar)griete voelkens wed(uwe) raes wile(n) va(n) baussele/ alsnae des(er) stadt recht geleydt voir hue(r) wettich/ gebreck uut crachte van scepen(en) brieve(n) va(n) loven(en)/ tot allen den goeden beyde have ende erve/ gheerts van wynde hubrechts steken en(de) arnts/ vand(er) eect soe wair die geleghen sijn h(ier) met br(ieven)/ van des(er) stadt gescreve(n) aen den meye(r) van halen/ oft sijne(n) stadhoude(r) alle deselve goede behoirlijck/ heeft doen leve(re)n h(ier) den voirs(creven) p(er)sone(n) dach va(n)/ rechte te compare(re)n inde banck voir meye(r) en(de)/ scepen(en) van loven(en) doen besceyden oft zij hen/ dair tege(n) hadde(n) willen oppone(re)n ald(air) zij op/ heden als ten verstreken(en) daighe nyet gecom/ pareert en zijn noch procur(ator) van hue(re)n wege(n)/ hem d(air)tege(n) oppone(re)nde de(n) voirs(creven) geleydden/ altijt compare(re)nde en(de) trecht voirt versueken(de)/ Soe hebben scepen(en) van loven(en) t(er) manissen/ smeyers nae dat hen bij rescripte henricx
//
van beringhe(n) smeyers van halen behoirlijck/ gebleke(n) heeft de voirs(creven) leveri(n)ghe en(de) dach/ besceydinghe geschiet te zijne gewesen voir/ een vonnesse wair de wed(er)p(ar)tie d(er) voirs(creven)/ geleyden niet en compareert ten opstaene/ smeyers en(de) d(er) scepen(en) datme(n) den selven ghe/ leydd(en) houde zoude inde macht van/ hue(re)n beleyde scepen(en) br(ieven) en(de) leveri(n)g(en) alsoe/ v(er)re alst noch voir scepen(en) comen es In/ scampno augusti xvii