Want henrick vande(n) male als geleydt/ nae des(er) stadt recht voir sijn wettich gebreck/ uut crachte van scepen(en) brieve(n) van loven(en) tot/ allen den goeden beyde have en(de) erve henricx/ wile(n) ro(m)melairt geheete(n) smet jans wilen/ en(de) willems sijnde(re)n kinde(re)n jans wile(n) ro(m)melairt/ brued(er)s des voirs(creven) henricx jans wile(n) van/ schare(n)broeck en(de) henricx wijlen cluwens soe/ wair die gelegen sijn hem met brieve(n) van/ des(er) stadt gescreve(n) aenden meye(r) van halen/ oft zijne(n) stadhoude(r) te wynghe alle deselve/ goede behoirlijck heeft doen leve(re)n en(de) den voirs(creven)/ willem(me) en(de) den erfgename(n) der voirs(creven) ande(re)n/ p(er)soene(n) dach van rechte te compare(re)n inde/ banck voir meye(r) en(de) scepen(en) van loven(en) doen/ besceyden oft zij hen d(air)tege(n) hadd(en) wille(n) oppone(re)n/ Ald(air) zij op heden als ten verstreken(en) daghe/ nyet gecompareert en sijn noch procur(ator) van/ hue(re)n wegen hem d(air)tegen oppone(re)nde den voirs(creven)/ geleyden altijt compare(re)nde en(de) trecht voirt/ versueken(de) Soe hebben scepen(en) van loven(en)/ t(er) manissen smeyers nae dat hen bij rapporte/ giel(ijse) eveloghe des(er) stadt bode behoirlijck/ gebleken heeft de voirs(creven) leveri(n)ghe en(de) dach/ besceydinghe geschiet te sijne gewesen voir/ een vonnesse wair de wed(er)p(ar)tie des voirs(creven)/ geleydden niet en compareert ten opstaene/ smeyers en(de) d(er) scepen(en) datmen den selven/ geleydden houd(en) soude inde macht van zijne(n)/ beleyde scepen(en) brieve(n) en(de) leveri(n)ghe(n) alsoe v(er)re/ alst noch voir scepen(en) comen es In scampno aug(usti)/ xvii