Nae dien dat marie mutte geleydt sijnde/ tot allen den goede(n) beyde have en(de) erve jacops/ oliviers soe wair die gelegen sijn en(de) alsoe huer/ heeft doen leve(re)n een pert toebehoiren(de) den selve(n)/ jacoppe wesen(de) inde molen te vlierbeke en(de)/ dat dairnae machiel oliviers vetwarier/ woenen(de) te loven(en) tege(n) den anthoenis ov(er) tselve/ pert heeft doen co(m)me(re)n en(de) raste(re)n meynen(de) tselve/ peert der voirs(creven) marien niet te laten volge(n)/ hij en wa(r)e ierstwerf van huer d(air)af betaelt/ van sgheens des hij den voirs(creven) jacoppe eysschen(de)/ mocht sijn en(de) deselve machiel op heden comen/ es inde banck voir meye(r) en(de) scepen(en) seggen(de)/ dat hij niet dinge(n) en woude en(de) dat hij alsoe/ sijn hande dairaf dede Soe hebben scepen(en)/ van loven(en) t(er) manissen smeyers nae dat de/ selve machiel des ghelijck afghinck gewese(n)/hebben voir een vonnesse dat tvoirs(creven) peert/ der voirs(creven) marien volgen sal om dairaen/ hue(r) wettighe scult met coste en(de) co(m)me(r) die/ sij d(air)om gelede(n) heeft te verhalen In scampno/ augusti xix