Want henry de gheest als geleydt nae des(er)/ stadt recht voir sijn wettich gebreck uut crachte/ van scepen(en) brieve(n) van loven(e) tot allen den ghene(n)/ beyde have en(de) erve jehan le favetrop soe wair/ die gelegen sijn hem met eene(n) open(en) placate van/ des(er) stadt gescreve(n) aen alle officie(re)n oft hue(re)n/ stedehoude(re)n alle deselve goede behoirlijck heeft/ doen leve(re)n en(de) den voirs(creven) jehan le favetrop en(de)/ bauduwijne henry le viele dach van rechte/ te compare(re)n inde banck voir meye(r) en(de) scepen(en)/ van loven(e) doen besceyden oft zij hen dair tege(n)/ hadde(n) wille(n) oppone(re)n Aldair zij op heden als/ ten verstreken(en) daighe niet gecompareert en/ zijn noch procur(eur) van hue(re)n wegen hem dair/ tegen oppone(re)nde den voirs(creven) geleydden altijt/ compare(re)nde en(de) trecht voirt versueken(de) Soe/ hebben scepen(en) van loven(e) t(er) manissen smeyers/ nae dat hen bij cleernissen pauwels bierman/ des(er) stadt bode behoirlijck hadde gebleke(n)/ dexecucie en(de) leveri(n)ghe van desen gesciet/ te sijne [alleene] bijden meye(r) van meilain? gewesen/ voir een vonnesse wair de wederpartie/ des voirs(creven) geleydden niet en compareert/ ten opstaene smeyers ende der scepen(en) datme(n)
//
den selven geleydden houden soude inde macht/ van sijne(n) beleyde scepen(en) brieve(n) en(de) leveri(n)gen alsoe/ verre alst noch voir scepen(en) comen es In scampno/ septembr(is) xviii