Want jehan loren als man ende momboir m(ar)griete(n)/ docht(er) anthonijs wijle(n) de bye geleydt sijnde voir
//
sijn wettich gebreck uut crachte van scepen(en) brieve(n) van/ loven(en) tot allen den goeden beyde have en(de) erve hubrechts/ wijlen le marischal jans wijle(n) le marischal ende/ wout(er)s le marischal sijns brued(er)s kinde(re)n des voirs(creven)/ hubrechts soe wair die gelegen sijn hem met brieve(n)/ van des(er) stadt gescreve(n) aenden meye(r) van maleve oft/ zijne(n) stadhoude(r) alle deselve goede behoirlijck heeft/ doen leve(re)n ende paeschijne(n) weduwe des voirs(creven) wijle(n)/ hubrechts ende den voirs(creven) woute(re)n le marischal dach/ van rechte te compare(re)n inde banck voe(r) meye(r) ende/ scepen(en) van loven(en) doen besceyden oft zij hen dair tege(n)/ hadden willen oppone(re)n Aldair zij op heden als ten/ verstreken(en) daige niet gecompareert en zijn noch p(ro)cu(eur)/ van hue(re)n wegen hen dair tege(n) oppone(re)nde den voirs(creven)/ geleydden altijt compare(re)nde ende trecht voirt v(er)sueken(de)/ Soe hebben scepen(en) van loven(en) t(er) manissen smeyers nae/ dat hen bij rappoirte jans vanden bossche des(er) stadt/ bode behoirlijck gebleken heeft de voirs(creven) leveringe/ ende dach besceydinge geschiet te sijne gewesen/ voir een vonnesse wair de wed(er)p(ar)tie des voirs(creven)/ geleydden niet en compareert ten opstaene smeyers/ ende der scepen(en) datmen den selve(n) geleydde(n) houd(en)/ soude inde macht van sijne(n) beleyde scepen(en) brieve(n)/ en(de) leveringe(n) alsoe verre alst noch voir scepen(en) come(n)/ es In scampno novembr(is) xxvii