SAL7384, Act: V°227.2 (426 of 1044)
Search Act
previous | next
Act V°227.2  
Act
Date: 1490-12-02

Transcription

2019-05-27 by fernand BERTRAND
Want hee(re) ende meest(er) claes van bynche regent inde/
petagogie va(n)d(en) valck als p(ro)cur(eur) hee(re)n en(de) meeste(re)n woute(re)n/
henrici geleydt sijnde nae des(er) stadt recht voir sijn/
wettich gebreck uut crachte van scepen(en) brieve(n) va(n) loven(en)/
tot alle(n) den goed(en) beyde have en(de) erve vrouwe(n) m(ar)griete(n)/
vand(er) borch weduwe he(re)n everarts wile(n) ts(er)claes ridd(er)s/
en(de) kaerles ts(er)claes hue(re)rs soens soe wair die gelege(n) sijn/
hem met eene(n) oepen(en) placate van des(er) stadt gescreve(n)/
aen alle officie(re)n oft hue(re)n stedehoude(re)n alle deselve/
goede behoirlijck heeft doen leve(re)n ende kaerle(n) ts(er)claes/
voirs(creven) dach van rechte te compare(re)n inde banck/
voir meye(r) en(de) scepen(en) van loven(en) doen besceyde(n) oft hij/
hem dair tege(n) hadde wille(n) oppone(re)n Ald(air) hij op/
hede(n) als ten verstreken(en) daige niet gecompareert en/
es noch procur(eur) van sijne(n) wegen hem dair tege(n)/
oppone(re)nde den voirs(creven) geleydden altijt compare(re)nde/
ende trecht voirt versueken(de) soe v(er)re dat scepen(en)/
van loven(en) t(er) manissen smeyers nae dat hen bij rappoirte/
wout(er)s va(n) boenrode des(er) stadt bode behoirlijck gebleke(n)/
heeft de voirs(creven) leveri(n)ge en(de) dach besceydinge geschiet/
te sijne bijde meyers va(n) campenhout en(de) erps gewese(n) hebbe(n)/
voir een vonnesse wair de wederpartie/
des voirs(creven) geleydden niet en compareert ten/
opstaene smeyers ende der scepen(en) datmen/
den selven geleydden houden soude inde/
macht van sijne(n) beleyde scepen(en) brieve(n) ende/
leveringe(n) alsoe verre alst noch voir scepen(en)/
come(n) es In scampno decembr(is) ii[a]
ContributorsGreet Stevens
Moderated byGreet Stevens
Last update: 2014-09-03 by Dieter Peeters