Item jacop smans geheeten palart woenen(de) tsinte/ pet(er)svissenaecke heeft geloeft gerarde van baussele
//
alse van zijnd(er) moelen geheete(n) de moelen van streke/ gelegen te vissenaecke voirs(creven) die hij gehouden heeft/ van kersmesse lestleden ende houden sal van kersmesse/ naistcomen(de) ov(er) een jair en(de) alsoe tsamentlijck twee jair/ Alle jae(re) seve(n)thien sacke corens zesse halst(er) thienssche/ voir elke(n) sack alsulx corens als de moelen wi(n)nen/ sall noch vande(n) ergsten noch vanden besten te/ betalen(e) Alle maenden nae advena(n)t ende te/ thiene(n) te wynghe oft te cortenaken dairt gerarde/ gelieve(n) sal te leve(re)n behalven dat hem gerardt/ aen dese pechtinge te goede doen sal vanden/ daghe van heden tot dat nyeu coren t(er) molen/ come(n) sal alle weken een molevat Ende alse/ vanden beemde des voirs(creven) gerardts aende voirs(creven)/ moelen lancx de velpe sal hij geve(n) s(in)te m(er)tensmesse/ naistcomen(de) seve(n) gulden(en) te thien stuv(er)s tstuck/ en(de) van sinte m(er)tensmesse naistcomen(de) ov(er) een jair/ insgelijcx seve(n) gulden(en) de voirs(creven) molde(r) en sal/ aen thout opden voirs(creven) beempt staende nyet moege(n)/ houwen dan trunchout om den beempt mede/ te vreden t(er) minster scaden en(de) hij sal gerardts/ mole(n)steene ende mole(n)werck alsoe besorgen dat/ hijs nyet en versueme Ende oft gesciede zal hij/ dat gerarde oprichten It(em) de visschen wassende/ oft comende op de wate(re)n aende molen en(de)/ doeft opde breme aldair wassende sullen/ gerardt ende de molde(r) gelijck hebben It(em) als/ gerardt aende moele(n) doet reecken oft wercken/ van oude(r) wercke sal gerardt de dachue(re)n betale(n)/ ende de molde(r) sal den montcost geve(n) Ende/ alsme(n) aende velpe wercke(n) sal dat sal de molde(r)/ betale(n) opdat een man op drie daghe gedoen/ can mair dueret lange(r) dat sal gerardt ghelden/ It(em) de molde(r) sal dwerck vand(en) moele(n) ende/ dinstrumente(n) dairtoe behoiren(de) late(n) alsoe goet/ als hij dat aenveert heeft behalve(n) den sleet/ vand(en) steene It(em) de moldere sal alle rue(re)nde/ en(de) onrue(re)nde werck vand(en) moele(n) houden/ tzijne(n) laste soe v(er)re men bevint dat ande(re) mold(er)s
//
opde velpe doen It(em) de ala(m)me van bille(n) en(de)/ anders die den molde(r) gelev(er)t sijn sal de molde(r)/ ten ynde vand(en) voirs(creven) twee jae(re)n wederleve(re)n/ Ende hieraff sijn borgen des voirs(creven) jacops/ jan nuytens des voirs(creven) jacops behouwede sone/ claes ende matheeus smans gebruede(re)n sone(n)/ des voirs(creven) jacops pri(n)cipaels Ende jacop ende/ jan nuytens gelove(n) de voirs(creven) twee gebruede(re)n/ tontheffen(e) cor(am) duffle vynck februarii ultima