Item aernt de scoesitte(re) al(ia)s de hovemake(re) metsere/ t(er) eenre en(de) heylwich van soete(n)dale weduwe henricx/ wijle(n) vand(er) most briede(r) t(er) ande(r) zijd(en) in p(rese)ntia van/ scepen(en) staen(de) hebben bekint te weten(e) de voirs(creven) aernt/ dat hij genome(n) heeft tot sijne(n) laste te maken(e)/ aende stadt veste(n) van loven(e) alsulken roye muers/ d(air) deselve wijlen henr(ic) inne gehoud(en) es geweest/ die te volbringen(e) nae uutwisen(e) d(er) stadt boeke/ d(air)van sijnde en(de) mentie maken(de) om en(de) voe(r) een/ so(m)me van pe(n)ni(n)gen te weten(e) xxvii rinsgulden(en)/ eens te xx stuv(er)s den guld(en) loepen(de) munt(en) die de/ voirs(creven) weduwe den voirs(creven) aernde uut saken van/ dien geloeft heeft te betalen(e) te weten(e) deen hellicht/ want deselve arnt mits desen bekint de pe(n)ni(n)g(en)/ vand(er) eend(er) hellicht d(er) so(m)men voirs(creven) gehave(n) te hebben(e)/ Ende al opde vorw(er)de ende co(n)ventien naebescr(even)/ ind(er) mate(n) die bijd(en) voirs(creven) wijle(n) henr(ic) in sijne(n)/ tijde geconcipieert sijn geweest en(de) den voirs(creven) arnde/ op nede(re)n tselve werck om de voirs(creven) so(m)me gevalle(n)/ en(de) gebleve(n) es h(ier)nae volgen(de) van woerd(e) te woerd(e)/ de selve cedulle die p(ar)tien voirs(creven) bekint hebben/ ende geloeft malcande(re)n sond(er) fraud(e) en(de) argelist/ te voldoen(e) alsoe dat genoech zij / Addendum/ Ar(nol)[d(us)] scoesitte(re) (con)se(n)/ siit deleri no(vembris)/x ult(ima) a(nn)[o] xcvii/ meester jan berthens/ als ma(n) en(de) mo(m)boir/ heilwig(en) va(n) zoete(n)dale/ heeft [oic] geco(n)senteert dit/ te nyeute gedaen te/ wordden