SAL7384, Act: V°562.3 (1003 of 1044)
Search Act
previous | next
Act V°562.3  
Act
Date: 1491-06-17

Transcription

2021-02-12 by fernand BERTRAND
Tusschen pete(re)n bone vleeschouwe(r) die voir den raide/
vand(er) stadt bescreve(n) hadde uut zeke(re)n t(er)mi(n)atien/
onlanx leden tusschen p(ar)tien gegeve(n) symone va(n)d(en)/
hoevelde te bynswijck wonen(de) t(er) eenre en(de) den selve(n)/
symoene t(er) ande(re) aldair deselve symoen compare(re)nde/
tsijne(n) daige de voirs(creven) pet(er) gehoept heeft dat de/
selve symoen sijn hand(en) lichte(n) soude van eene(n)/
eeussele geheete(n) de vliet inde voir t(er)mi(n)atie begrepe(n)/
te voirde(r) want hij emons wijle(n) vande(n) hoevelde/
sijns behouwede soens have sulck bevonde(n) hadde/
dat die nyet en gedroech bove(n) t(er) so(m)men van vijff/
oft sesse rinsgulden(en) ove(re)nde bove(n) de schult die/
deselve wijle(n) emont als dyene(r) ende meye(r)/
mijns hee(re)n van chyeve(re) dair voir die geexecuteert/
was sculdich hadde geweest ende alsoe want/
die overi(n)ge nyet genoech en was om sijn wettige/
gebreke(n) van sijne(n) beleyde dair mede betaelt/
te sijne mede te cuelen soe hoepte hij tselve/
sijn gebreck dwelck hij met eede p(rese)nteerde te/
ve(r)ifice(re)n aen den voirs(creven) beemt te moege(n) v(er)reycke(n)/
Dair tegen de voirs(creven) symoen dede lesen de voirs(creven)/
voir t(er)mi(n)atien en(de) die gelesen sijnde sustineerde/
hij t(er) (contra)rien van pet(er)s voirnemen(e) want bijd(en) redene(n)/
d(air)inne begrepe(n) hij hoepte in sijne(n) beemt peyslijck/
te bliven(e) met meer woird(en) in weersijd(en) geallegeert/
Es uutgesproke(n) bijd(en) raide va(n)d(er) stadt dat sij blive(n) bijde/
voir t(er)mi(n)atie(n) In cons(ili)[o] op(idi) junii xvii
ContributorsGreet Stevens
Moderated byGreet Stevens
Last update: 2014-09-05 by Dieter Peeters