Item jouffr(ouwe) katlijne van oppendorp en(de) jouffr(ouwe)/ katlijne schoerbroets beyde als meesterssen va(n)d(en)/ groote(n) baghijnhove te loven(en) ten bijsijne en(de) met/ wille en(de) consente van roelove lombarde goerde/ h(er)meys [en(de)] gielise le(m)me(n)s als mombo(r)en vand(en) selve(n)/ baghijnhove vand(er) stadt wege(n) d(air) toe geset in p(rese)ntia/ hebbe(n) bekint en(de) gelijdt dat jan vand(er) heyden/ becke(r) d(er) firmarien vande(n) selve(n) baghijnhove afgequijt/ heeft en(de) gelost alsulke(n) drie croene(n) erffelijck de/ pe(n)ninck xviii alse den voirleden(en) tijde(n) henrick/ wijle(n) van buetshore(n) h(er) wout(er) en(de) jacop sijn/ brued(er)s en(de) meer a(n)de(re) der selv(er) firmarien bekint/ hebbe(n) voir scepen(en) van loven(en) en(de) met scepen(en) br(ieven)/ van loven(en) en(de) de welke deselve jan va(n)d(er) heyd(en)/ als hij des voirs(creven) henrix van buetshore/ huys cochte tegen de mombo(r)en van sijne(n)/ kinde(re)n inde cortstrate gelege(n) geheete(n) den/ nachtegale den selve(n) kinde(re)n af nam ende/ tsijne(n) laste en(de) geloefde d(air)af de(n) selve(n) kinde(re)n/ en(de) hue(r) goede en(de) den borge(n) van hue(re)n vad(er)/ scadeloes te houde(n) Scelden(de) d(air)af volcomelijc/ quijte de(n) selve(n) ja(n)ne va(n)d(er) heyde(n) de(n) voirs(creven) henr(icke)/ wijle(n) va(n) buetshore sijn oer en(de) erfgename(n) en(de)/ oick sijn borge(n) en(de) huer(en) ald(er) goed(en) en(de) erfgename(n)/ Promitten(tes) nullaten(us) alloqui sed war(andizare) erga/ quoscu(m)q(ue) cor(am) hoeve(n) buetsele augusti xxi