SAL7384, Akte: V°116.3-V°117.1 (201 van 1043)
Akte V°116.3-V°117.1
Act
Datum: 1490-09-01
Transcriptie
2018-11-28 door fernand BERTRANDNae dien dat philips vand(en) breyne als procur(ator)/
he(re)n henrix van wittham hee(re) van bout(er)schem ridd(er)s
//
geleydt nae des(er) stadt recht uut crachte van/ scepen(en) brieve(n) van loven(en) tot allen den goed(en) have/ en(de) erve giel(ijse) garrijn godfroit wijle(n) garrijn willam/ van cherain en(de) lijsbette(n) weduwe jans wijle(n) guedt/ wair die gelegen sijn hem onlanx lede(n) mett(er)/ stadt open(en) br(ieven) aen alle(n) officie(re)n heeft doe(n) leve(re)n/ alle d(er) selv(er) p(er)soene(n) goed(en) namelijck ond(er) cumptich/ incourt pyetrain quaetrebbe en(de) lijsmeel gelege(n)/ gelijck dat bij pauwele bierma(n) d(er) stadt bode te/ voete ond(er) zijne(n) eedt behoirlijck voir wet gecleert/ en(de) gerappoerteert es en(de) de voirs(creven) ph(ilip)s als procur(ator)/ ten daghe van rechte d(air)toe dienen(de) oft tot ande(re)n/ verstreken(en) daighe van rechte d(air) inne gecontinueert/ comen es inde banck voir meye(r) en(de) scepen(en) van/ loven(en) en(de) heeft ald(air) doen lesen tvoirs(creven) beleydt/ d(air)mede hij als procur(ator) des voirs(creven) he(re)n henricx/ totten voirs(creven) goede geleydt is voir een so(m)me/ van hondert en(de) eene(n)dertich rinsscheguld(en) en(de)/ dat gedaen heeft hij gesustineert dat hem als/ procur(ator) voirs(creven) en(de) sijne(n) beleyde voir de voirs(creven) so(m)me/ de voirs(creven) goede sculdich wae(re)n vonnislijck ae(n)ge/ wesen te wordde(n) hem des gedragen(de) totte(n) rechte/ Te voirde(re) oick want men vand(er) selv(er) scult gheen/ bewijssenisse van betalinge(n) en soude conne(n) gedoe(n)/ mair hij p(rese)nteerde die bij eede vande(n) ghene(n)/ dien dat behoerde te doen behoirlijck ve(r)ifice(re)n/ Dair tege(n) willem van leefdale als procur(ator) va(n)d(en)/ voirs(creven) [vacat] he(m) v(er)antwerden(de)/ met ald(er)hande redene(n) van groote(n) verliese die/ sijn meest(er)s hebbe(n) soude(n) te betalen(e) soe vele in zwae(re)n/ gelde als de voirs(creven) so(m)me beloept nae gelegentheyt/ van de(n) greyne dair uut de pe(n)ninge(n) spruyten(de)/ come(n) en(de) in dien sijn meest(er)s met lichte(n) gelde nyet/ en soude(n) moege(n) gestaen conclude(re)nde alsoe dat/ sij billix met lichte(n) gelde gestae(n) soude(n) oft dat/ men de ooghe d(air)op hebben soude en(de) sculdich/ wae(re) te hebben bijd(er) stadt dair hij versochte/ de saken gebracht te wordde(n) o(m)me aldair te
//
inquire(re)n de r(e)delijcheyt en(de) gelegentheyt va(n)/ scheens d(air) uut de voirs(creven) so(m)me spruyten(de) qua(m)/ met meer redene(n) in beyde sijde(n) gealligeert/ Soe hebbe(n) de scepen(en) van loven(en) t(er) manissen/ smeyers p(ar)tien met hue(re)n vonnesse van des(er) q(ue)stie(n)/ versonden voir den raide va(n)d(er) stadt en(de) ten/ beslichte en(de) moderacien der selv(er) de(n) welke(n)/ raidt p(ar)tien gehoirt int langhe elke in sijne(n)/ voirnemen(en) geappointeert en(de) uutgesprok(en)/ heeft voir ooghe(n) geleet de scepen(en) brieve va(n)d(en)/ voirs(creven) geloefd(er) so(m)me(n) dbeleyt en(de) alle procedue(re)/ va(n) rechte d(air)uut gespruyt dat deselve ver/ werd(er)s gehoude(n) sulle(n) sijn den moet des voirs(creven)/ he(re)n henrix te crigen(e) va(n)d(er) scult voirs(creven) en(de)/ dat deselve geleydde met sijne(n) beleyde aen/ deselve goede de gebreke(n) in dien sal moege(n)/ verhale(n) In cons(ili)o opidi septe(m)br(is) p(ri)ma
//
geleydt nae des(er) stadt recht uut crachte van/ scepen(en) brieve(n) van loven(en) tot allen den goed(en) have/ en(de) erve giel(ijse) garrijn godfroit wijle(n) garrijn willam/ van cherain en(de) lijsbette(n) weduwe jans wijle(n) guedt/ wair die gelegen sijn hem onlanx lede(n) mett(er)/ stadt open(en) br(ieven) aen alle(n) officie(re)n heeft doe(n) leve(re)n/ alle d(er) selv(er) p(er)soene(n) goed(en) namelijck ond(er) cumptich/ incourt pyetrain quaetrebbe en(de) lijsmeel gelege(n)/ gelijck dat bij pauwele bierma(n) d(er) stadt bode te/ voete ond(er) zijne(n) eedt behoirlijck voir wet gecleert/ en(de) gerappoerteert es en(de) de voirs(creven) ph(ilip)s als procur(ator)/ ten daghe van rechte d(air)toe dienen(de) oft tot ande(re)n/ verstreken(en) daighe van rechte d(air) inne gecontinueert/ comen es inde banck voir meye(r) en(de) scepen(en) van/ loven(en) en(de) heeft ald(air) doen lesen tvoirs(creven) beleydt/ d(air)mede hij als procur(ator) des voirs(creven) he(re)n henricx/ totten voirs(creven) goede geleydt is voir een so(m)me/ van hondert en(de) eene(n)dertich rinsscheguld(en) en(de)/ dat gedaen heeft hij gesustineert dat hem als/ procur(ator) voirs(creven) en(de) sijne(n) beleyde voir de voirs(creven) so(m)me/ de voirs(creven) goede sculdich wae(re)n vonnislijck ae(n)ge/ wesen te wordde(n) hem des gedragen(de) totte(n) rechte/ Te voirde(re) oick want men vand(er) selv(er) scult gheen/ bewijssenisse van betalinge(n) en soude conne(n) gedoe(n)/ mair hij p(rese)nteerde die bij eede vande(n) ghene(n)/ dien dat behoerde te doen behoirlijck ve(r)ifice(re)n/ Dair tege(n) willem van leefdale als procur(ator) va(n)d(en)/ voirs(creven) [vacat] he(m) v(er)antwerden(de)/ met ald(er)hande redene(n) van groote(n) verliese die/ sijn meest(er)s hebbe(n) soude(n) te betalen(e) soe vele in zwae(re)n/ gelde als de voirs(creven) so(m)me beloept nae gelegentheyt/ van de(n) greyne dair uut de pe(n)ninge(n) spruyten(de)/ come(n) en(de) in dien sijn meest(er)s met lichte(n) gelde nyet/ en soude(n) moege(n) gestaen conclude(re)nde alsoe dat/ sij billix met lichte(n) gelde gestae(n) soude(n) oft dat/ men de ooghe d(air)op hebben soude en(de) sculdich/ wae(re) te hebben bijd(er) stadt dair hij versochte/ de saken gebracht te wordde(n) o(m)me aldair te
//
inquire(re)n de r(e)delijcheyt en(de) gelegentheyt va(n)/ scheens d(air) uut de voirs(creven) so(m)me spruyten(de) qua(m)/ met meer redene(n) in beyde sijde(n) gealligeert/ Soe hebbe(n) de scepen(en) van loven(en) t(er) manissen/ smeyers p(ar)tien met hue(re)n vonnesse van des(er) q(ue)stie(n)/ versonden voir den raide va(n)d(er) stadt en(de) ten/ beslichte en(de) moderacien der selv(er) de(n) welke(n)/ raidt p(ar)tien gehoirt int langhe elke in sijne(n)/ voirnemen(en) geappointeert en(de) uutgesprok(en)/ heeft voir ooghe(n) geleet de scepen(en) brieve va(n)d(en)/ voirs(creven) geloefd(er) so(m)me(n) dbeleyt en(de) alle procedue(re)/ va(n) rechte d(air)uut gespruyt dat deselve ver/ werd(er)s gehoude(n) sulle(n) sijn den moet des voirs(creven)/ he(re)n henrix te crigen(e) va(n)d(er) scult voirs(creven) en(de)/ dat deselve geleydde met sijne(n) beleyde aen/ deselve goede de gebreke(n) in dien sal moege(n)/ verhale(n) In cons(ili)o opidi septe(m)br(is) p(ri)ma
Nagekeken door: Greet Stevens , Jos Jonckheer
Moderator: Greet Stevens
Laatste update:: 2014-09-02 door Dieter Peeters