Want katlijn mynnens weduwe jans wijlen/ van wesenake als geleydt nae des(er) stadt recht/ voir huer wettich gebreck uut crachte van scepen(en)/ brieve(n) van loven(en) tot allen den goeden beyde/ have en(de) erve gheerts cleynwerck soe wair die/ gelegen sijn huer met brieve(n) van des(er) stadt/ gescreve(n) aenden meye(r) van leefdale oft sijne(n)/ stadhoude(r) alle deselve goede behoirlijck heeft/ doen leve(re)n en(de) doen v(er)sueken de hand(en) te doen/ lichten alle de gheene die hem de bring(er)/ va(n)d(en) selve(n) brieve noeme(n) soude oft doen noeme(n)/ en(de) deselve dach van rechte te besceyden(e)/ oft zij hen tege(n) deselve leveri(n)ghe oppone(re)n woud(en)/ tot welke(n) daghe niemant gecompareert/ en is en(de) de voirs(creven) geleyde trecht voirt v(er)socht/ Soe v(er)re dat de scepen(en) van loven(en) t(er) maniss(en)/ smeyers nae dat hen bij rescripte jacops van/ thieldonck gebleke(n) heeft dexecucie bij hem/ gedaen te sijne en(de) allen p(ar)tien dach besceyd(en)/ te wesen(e) nae inhoudt vand(er) selv(er) missive(n)/ gewijst hebben met vonnesse datmen den/ geleydde(n) houd(en) soude inde macht van hue(re)n/ beleyde scepen(en) brieve(n) en(de) leveringe(n) alsoe v(er)re/ alst noch voir scepen(en) comen es In scampno/ octobr(is) xix