SAL7384, Akte: V°208.2-V°210.1 (389 van 1043)
Akte V°208.2-V°210.1
Act
Datum: 1490-11-18
Transcriptie
2019-04-03 door fernand BERTRANDVand(er) aenspraken die huge van udekem als luiten(ant)/
he(re)n lodewijcx pynnock meyers van loven(en) ind(en) name/
van ons(en) gened(igen) he(re) den h(er)toge gedaen heeft op ja(n)ne/
ruts poirte(r) d(er) stadt van loven(en) hem opseggen(de) hoe hij/
in voirleden(en) tijden een vreeselijck excesse voirt gekeert/
hadde aen sijn eygen moed(er) die hij deerlijck en(de) feytelijck/
alsoe gesteken gequets ende gewont hadde dat sij/
vand(er) selv(er) quetsue(re)n t(er) selv(er) tijt oft zee(r) corts d(air)nae op de/
stat doot bleef dwelck was een soe zwae(re)n feyt horribel/
ende van quad(en) conseque(n)tien dat nyet meerd(er) sijn en/
mochte dwelck hij oft hem ontkint wordde p(rese)nteerde/
te bewijsen alsoe bij hem gesciet te sijne soe bij feyte/
soe bij famen den rechte genoech sijnde Ten ande(re)n/
male was wair dat deselve jan ruts tande(re)n/
tijden aengesteken ende afgebrant hadde thuys/
eend(er) vrouwe(n) p(er)soene(n) tot castel geheete(n) katlijne p(rese)nte(re)nde/
dat oick te bewijsen ende oick dat d(air)aff was en(de) ghinck/
ov(er) den selve(n) poirte(r) openba(r)en naem en(de) fame Ten/
derden male hoe dat deselve jan sijne(n) gebue(re)n/
tot castele oft ande(re)n aldair oft d(air)ontrint ontweldicht/
hadde tot div(er)sen stonden zeke(re) scapen wollen en(de)/
ande(re)n hue(re)n goed(en) vand(en) welken soe hij p(rese)nteerde/
te bewijsen openba(r)en naem ende fame ghinck ov(er)/
den selve(n) poirte(r) sustine(re)nde wair hij dese drie/
pointe(n) oft enig(en) van dien soe metten feyte soe/
bijd(er) fame(n) gethoene(n) conste den rechte genoech sijnde
//
dat hem dan ende in gevalle de voirs(creven) poirte(r)/ gewijst soude wordde(n) t(er) scerp(er) exami(n)acien om van hem/ naird(er) cleernisse in dien bij middele d(er) selv(er) exami(n)acien/ te crigen alsoe dat alsulken horribilen o(n)menschelijcke(n)/ ende o(n)naertuerlijck(en) feyte(n) nyet ongecorrigeert en bleve/ die sulck sijn oft d(air)af egheen punicie en gebuerde dat/ lantscapen d(air)o(m)me mochten versincken met meer woird(en)/ int langhe bij hem verhaelt al tende(re)nde tott(er) voirs(creven)/ sijnd(er) conclusien Tegen dwelck de voirs(creven) poirte(r) met/ sijne(n) gelev(er)den voirsprake hem verantwerden(de) meynde/ ten iersten male dat de meye(r) in een point ende/ teene(n)male hem nyet sculdich en wae(r) te behulpen beyde/ met thoene opt principael feyt en(de) oick opde fame/ van dien de meye(r) de contrarie sustine(re)nde vanden/ welken deselve poirte(r) verdoelt gewijst sijnde int/ principael vand(er) voirs(creven) aenspraken geantwert heeft/ op gedaen ende gep(rese)nteert te bewijsen soe bij openbaerd(er)/ famen soe anderss(ins) den rechte genoech sijnde Ierst/ hoe dat des acht jair oft d(air)ontrint leden mach/ sijn dat op s(in)te dympne(n) kermesse dach te gheele hij/ jan ruts deedinge ende gebecht hadde gehadt tege(n)/ katlijne(n) goeys sijne(n) meysen(e) met hue(re)n medegering(en)/ dair de moed(er) desselfs jans tusschen beyde ghinge/ ende een quetsue(r) ontfinck dairaff zij van live/ t(er) doot quam ende dat dat geschiede bij openba(r)en/ onv(er)sienigen ongevalle ende dat fame is dat dit/ aldus geschiede bij openba(r)en onv(er)sienige(n) ongevalle/ dat voirts de voirs(creven) poirte(r) hem swaer op th(er)tte liggen(de)/ tvoirs(creven) openbair ongeval van sijnd(er) moed(er) ghinck te/ roome(n) waert om voe(r) huer ende zijn siele te bidden(e)/ ende hem van dair wed(er)come(n) sijnde hij soende/ deselve sijn moed(er) aen allen sijn brued(er)s en(de) sust(er)s/ soe wel aend(en) oudtsten als aenden joncksten ende/ dat sij hem tselve ongeval vergave(n) van sijnd(er) moed(er)/ om de mynne goids ende dat deselve soene/ gedaen was gelijck dat behoirde en(de) men gewoenlijck(e)/ was te doene p(rese)nteerde voirts te bewijsen met/ openba(r)en brieve(n) van r(e)missien ende c(er)tificacien/ hem ind(en) jae(r) van lxxxii xii decembr(is) verleent/ bij ja(n)ne van ranst hee(re) tot tcantickrode ende tot
//
mortselle scoutheyt van antwerpen en(de) mercgreve/ tslants van ryen hem gegeve(n) ond(er) den zegel desselfs/ mercgreve(n) op tpapier in rood wasse addresse(re)nde/ aen mijne(n) gened(igen) hee(re) den h(er)toge van oist(er)rijck van/ lott(e)r(ingen) van brabant (et)c(etera) sijne(n) cancell(ie)r van brabant/ drosset van brabant meye(r) van loven(en) ampman/ van bruessel scoutheyte(n) van antwerpen en(de) va(n)d(en)/ bossche allen ande(re)n hue(re)n ende d(er)smaeld(er) he(re)n officie(re)n/ justicie(re)n ende diene(re)n ende elken van hen besund(er)t/ ende voirt allen ande(re)n dien dbehoirt ende dien/ deselve sijne als mijns voirs(creven) gened(ichs) she(re)n br(ieven) van/ r(e)missien gethoent soud(en) wordde(n) hoe deselve jan/ ruts tege(n) den selve(n) scouth(eyten) tantw(er)pen en(de) mercgreve/ slants van ryen als tegen den selve(n) mijne(n) gened(igen)/ he(re) uut crachte vand(er) voirs(creven) sijnd(er) officien gecomposeert/ heeft van dat hij met kynlijcken ongevalle sijn/ eygen moed(er) gebracht hadde van leven(de) live t(er) doot/ ende van al des hij t(er) causen vand(en) selve(n) dootslage/ criminelijck oft civilijck gebroect mocht hebben tege(n)/ de hoecheyt desselfs mijns gened(ichs) he(re)n mits den scouth(eyten)/ voirs(creven) vand(er) selv(er) sijnd(er) compositien ind(er) maten als/ voe(r) duechdelijck vernuecht ende gecontenteert ende/ hoe deselve scouth(eyten) van antwerpen hem mits dien/ genome(n) ende gestelt hadde wed(er)o(m)me in sijne(n) goed(en)/ name ende fame ind(en) lande van brabant ende voirt/ in allen ande(re)n lande(n) alsoe v(er)re alst moegelijck was/ mits hem d(air)op verlene(n)de met crachte vand(er) voirs(creven)/ sijnd(er) officien sijn brieve als mijns voirs(creven) gened(ichs) she(re)n/ open(en) br(ieven) van r(e)missien P(rese)nteerde voirts te bewijsen/ op tpoent bijde(n) meye(r) bijgeleeght vand(en) afgebrand(en)/ huyse ende der famen in dien bij den meye(r) gealleg(eer)t/ ende oick bijleeght hoe dat tselve huys vand(en)/ selv(en) katlijne(n) dwelck afgebrant soude sijn alnoch/ steet onv(er)brant ongeschint ende ongeschaet ter/ plaetsen van castele aldair dat gestaen heeft ov(er)/ xxx jae(re)n ende meer ende datmen niet bevi(n)den/ en soude dat deselve katlijne t(er) plaetsen van castele/ oft tot ande(re)n plaetsen e(n)nich and(er) huys huer toebehoe(re)nde/ meer heeft p(rese)nteerde voirts te thoene(n) dat deselve/ katlijne die enige fame van brande onv(er) hem gestroeyt/ oft uutgegeve(n) mocht hebben was van sulk(er) fame(n)
//
ende r(e)gimente dat huer luttel ee(re)n toegeseeght was/ ende oft e(n)nige fame dair van op hem gegaen hadde dat/ dat mocht sijn uuyt uutgeve(n) der selve(r) katlijne(n) ende/ uuyt hue(re)r quad(en) moegen te hemw(er)t ende dat deselve/ katlijne bynne(n) hue(re)n leven(en) mits hue(re)n oneerbaerlijcke(n)/ dragen(en) gevangen hadde geweest tot he(re)ntals ende/ aldair gepijnt soe verre eer sij uute(n) selve(n) gevanckeniss(en)/ hadde conne(n) gerake(n) dat sij hue(r) compositie mette(n) hee(re)/ hadde moete(n) maken P(rese)nteerde voirts te thoene(n) mette(n)/ gheene(n) die hem van sijne(n) kijnschen daige(n) gekint hadd(en)/ hoe sij hem noeyt en hadden weten dragen and(er)s dan/ een goet eersame geselle hem dragen soude ende dat/ hij altijt t(er) goed(en) name ende fame gestaen hadde en(de)/ dat sij hem alnoch dair voe(r) hielden ende dat hij altijt/ zed(er)t d(er) voirs(creven) r(e)missen gegaen ende gestaen hadde alo(m)me/ in kercken ende tallen plaetsen dairt hem geliefde/ toesiende den drossaete van brabant den mercgreve/ van antwerpen ende allen ande(re)n officie(re)n ongecalengiert/ ongehacht ende ongehouwen vrij ende loss tott(er) tijt/ toe van desen aentaste hopen(de) wair hij dese pointen/ aldus gethoene(n) conste dat hij die geheelijck ontkinde/ Tderde point bijden meye(r) bijgheleeght vand(en)/ ontkeringe(n) vand(en) scapen wollen ende ande(re)n stucken/ der voirs(creven) aenspraken ongehoud(en) sijn soude hem des/ gedragen(de) totten rechte op dwelck beyde p(ar)tien tot/ hue(re)n thoene gewijst sijnde de meye(r) genoech thoende/ beyde bij feyte ende fame tstuck vand(er) voirs(creven) moed(er)/ ende hue(re)n quetsue(re)n bij den voirs(creven) poirte(r) gep(er)petreert/ dairaff sij van live t(er) doot come(n) was inde turbelinge/ ende tusschen beyde gaen ende oick bij fame als/ tscheene bijd(er) voirs(creven) katlijne(n) opden poirte(r) ende yerst/ uutgegeve(n) ende meest gemaect van hue(re)n aengesteken(en)/ huyse sond(er) nochtan van sijne(n) derden ende lesten/ v(er)meten(de) pointe yet te thoene(n) ende de voirs(creven) poirte(r)/ alle sijne voirs(creven) v(er)meten(de) pointe(n) soe bij leven(de) wairheyt/ van scepen(en) wethoude(re)n ende ande(re)n goed(en) ma(n)nen/ in groote(n) getale soe bijd(er) voirs(creven) r(e)missien vand(en) voirs(creven)/ ongevalle d(er) doot aen sijne moed(er) geschiet soe in/ allen ande(re)n pointe(n) vand(en) goed(en) name ende fame
//
des voirs(creven) jans ruts ende sijnd(er) wandelinge(n) ende/ verkeringe(n) zed(er)t der voirs(creven) r(e)missien soe in alle ande(re)n/ pointe(n) vo(r)e verhaelt soe mette(n) principalen onschuld(en)/ ende ongevalle(n) soe mett(er) fame(n) van dien genoech en(de)/ volcomelijck gethoent heeft Nae welken thoen p(ar)tien/ hinc inde geconcludeert hebben elck salve(re)nde sijne(n) thoen/ ende r(e)p(ro)ce(re)nde ende wed(er)leggen(de) des and(er)s thoen bij/ div(er)sen r(e)den(en) elke(n) tot sijnd(er) meyni(n)gen ende conclusien/ dienen(de) Es gewijst t(er) manissen smeyers bijd(er) scepen(en)/ van loven(en) dat de meye(r) van loven(en) met sijnd(er) (con)clusien/ die hij ind(en) name van ons(en) gened(igen) he(re) den h(er)toghe/ opden voirs(creven) poirte(r) gedaen heeft verdoelt is mer/ gelieft hem den selve(n) poirte(r) int principael aen te/ spreken dat hij dat doen mach Act(um) in scampno/ cor(am) om(n)ibus scab(in)is dempto pynnock nove(m)br(is) xviii
//
dat hem dan ende in gevalle de voirs(creven) poirte(r)/ gewijst soude wordde(n) t(er) scerp(er) exami(n)acien om van hem/ naird(er) cleernisse in dien bij middele d(er) selv(er) exami(n)acien/ te crigen alsoe dat alsulken horribilen o(n)menschelijcke(n)/ ende o(n)naertuerlijck(en) feyte(n) nyet ongecorrigeert en bleve/ die sulck sijn oft d(air)af egheen punicie en gebuerde dat/ lantscapen d(air)o(m)me mochten versincken met meer woird(en)/ int langhe bij hem verhaelt al tende(re)nde tott(er) voirs(creven)/ sijnd(er) conclusien Tegen dwelck de voirs(creven) poirte(r) met/ sijne(n) gelev(er)den voirsprake hem verantwerden(de) meynde/ ten iersten male dat de meye(r) in een point ende/ teene(n)male hem nyet sculdich en wae(r) te behulpen beyde/ met thoene opt principael feyt en(de) oick opde fame/ van dien de meye(r) de contrarie sustine(re)nde vanden/ welken deselve poirte(r) verdoelt gewijst sijnde int/ principael vand(er) voirs(creven) aenspraken geantwert heeft/ op gedaen ende gep(rese)nteert te bewijsen soe bij openbaerd(er)/ famen soe anderss(ins) den rechte genoech sijnde Ierst/ hoe dat des acht jair oft d(air)ontrint leden mach/ sijn dat op s(in)te dympne(n) kermesse dach te gheele hij/ jan ruts deedinge ende gebecht hadde gehadt tege(n)/ katlijne(n) goeys sijne(n) meysen(e) met hue(re)n medegering(en)/ dair de moed(er) desselfs jans tusschen beyde ghinge/ ende een quetsue(r) ontfinck dairaff zij van live/ t(er) doot quam ende dat dat geschiede bij openba(r)en/ onv(er)sienigen ongevalle ende dat fame is dat dit/ aldus geschiede bij openba(r)en onv(er)sienige(n) ongevalle/ dat voirts de voirs(creven) poirte(r) hem swaer op th(er)tte liggen(de)/ tvoirs(creven) openbair ongeval van sijnd(er) moed(er) ghinck te/ roome(n) waert om voe(r) huer ende zijn siele te bidden(e)/ ende hem van dair wed(er)come(n) sijnde hij soende/ deselve sijn moed(er) aen allen sijn brued(er)s en(de) sust(er)s/ soe wel aend(en) oudtsten als aenden joncksten ende/ dat sij hem tselve ongeval vergave(n) van sijnd(er) moed(er)/ om de mynne goids ende dat deselve soene/ gedaen was gelijck dat behoirde en(de) men gewoenlijck(e)/ was te doene p(rese)nteerde voirts te bewijsen met/ openba(r)en brieve(n) van r(e)missien ende c(er)tificacien/ hem ind(en) jae(r) van lxxxii xii decembr(is) verleent/ bij ja(n)ne van ranst hee(re) tot tcantickrode ende tot
//
mortselle scoutheyt van antwerpen en(de) mercgreve/ tslants van ryen hem gegeve(n) ond(er) den zegel desselfs/ mercgreve(n) op tpapier in rood wasse addresse(re)nde/ aen mijne(n) gened(igen) hee(re) den h(er)toge van oist(er)rijck van/ lott(e)r(ingen) van brabant (et)c(etera) sijne(n) cancell(ie)r van brabant/ drosset van brabant meye(r) van loven(en) ampman/ van bruessel scoutheyte(n) van antwerpen en(de) va(n)d(en)/ bossche allen ande(re)n hue(re)n ende d(er)smaeld(er) he(re)n officie(re)n/ justicie(re)n ende diene(re)n ende elken van hen besund(er)t/ ende voirt allen ande(re)n dien dbehoirt ende dien/ deselve sijne als mijns voirs(creven) gened(ichs) she(re)n br(ieven) van/ r(e)missien gethoent soud(en) wordde(n) hoe deselve jan/ ruts tege(n) den selve(n) scouth(eyten) tantw(er)pen en(de) mercgreve/ slants van ryen als tegen den selve(n) mijne(n) gened(igen)/ he(re) uut crachte vand(er) voirs(creven) sijnd(er) officien gecomposeert/ heeft van dat hij met kynlijcken ongevalle sijn/ eygen moed(er) gebracht hadde van leven(de) live t(er) doot/ ende van al des hij t(er) causen vand(en) selve(n) dootslage/ criminelijck oft civilijck gebroect mocht hebben tege(n)/ de hoecheyt desselfs mijns gened(ichs) he(re)n mits den scouth(eyten)/ voirs(creven) vand(er) selv(er) sijnd(er) compositien ind(er) maten als/ voe(r) duechdelijck vernuecht ende gecontenteert ende/ hoe deselve scouth(eyten) van antwerpen hem mits dien/ genome(n) ende gestelt hadde wed(er)o(m)me in sijne(n) goed(en)/ name ende fame ind(en) lande van brabant ende voirt/ in allen ande(re)n lande(n) alsoe v(er)re alst moegelijck was/ mits hem d(air)op verlene(n)de met crachte vand(er) voirs(creven)/ sijnd(er) officien sijn brieve als mijns voirs(creven) gened(ichs) she(re)n/ open(en) br(ieven) van r(e)missien P(rese)nteerde voirts te bewijsen/ op tpoent bijde(n) meye(r) bijgeleeght vand(en) afgebrand(en)/ huyse ende der famen in dien bij den meye(r) gealleg(eer)t/ ende oick bijleeght hoe dat tselve huys vand(en)/ selv(en) katlijne(n) dwelck afgebrant soude sijn alnoch/ steet onv(er)brant ongeschint ende ongeschaet ter/ plaetsen van castele aldair dat gestaen heeft ov(er)/ xxx jae(re)n ende meer ende datmen niet bevi(n)den/ en soude dat deselve katlijne t(er) plaetsen van castele/ oft tot ande(re)n plaetsen e(n)nich and(er) huys huer toebehoe(re)nde/ meer heeft p(rese)nteerde voirts te thoene(n) dat deselve/ katlijne die enige fame van brande onv(er) hem gestroeyt/ oft uutgegeve(n) mocht hebben was van sulk(er) fame(n)
//
ende r(e)gimente dat huer luttel ee(re)n toegeseeght was/ ende oft e(n)nige fame dair van op hem gegaen hadde dat/ dat mocht sijn uuyt uutgeve(n) der selve(r) katlijne(n) ende/ uuyt hue(re)r quad(en) moegen te hemw(er)t ende dat deselve/ katlijne bynne(n) hue(re)n leven(en) mits hue(re)n oneerbaerlijcke(n)/ dragen(en) gevangen hadde geweest tot he(re)ntals ende/ aldair gepijnt soe verre eer sij uute(n) selve(n) gevanckeniss(en)/ hadde conne(n) gerake(n) dat sij hue(r) compositie mette(n) hee(re)/ hadde moete(n) maken P(rese)nteerde voirts te thoene(n) mette(n)/ gheene(n) die hem van sijne(n) kijnschen daige(n) gekint hadd(en)/ hoe sij hem noeyt en hadden weten dragen and(er)s dan/ een goet eersame geselle hem dragen soude ende dat/ hij altijt t(er) goed(en) name ende fame gestaen hadde en(de)/ dat sij hem alnoch dair voe(r) hielden ende dat hij altijt/ zed(er)t d(er) voirs(creven) r(e)missen gegaen ende gestaen hadde alo(m)me/ in kercken ende tallen plaetsen dairt hem geliefde/ toesiende den drossaete van brabant den mercgreve/ van antwerpen ende allen ande(re)n officie(re)n ongecalengiert/ ongehacht ende ongehouwen vrij ende loss tott(er) tijt/ toe van desen aentaste hopen(de) wair hij dese pointen/ aldus gethoene(n) conste dat hij die geheelijck ontkinde/ Tderde point bijden meye(r) bijgheleeght vand(en)/ ontkeringe(n) vand(en) scapen wollen ende ande(re)n stucken/ der voirs(creven) aenspraken ongehoud(en) sijn soude hem des/ gedragen(de) totten rechte op dwelck beyde p(ar)tien tot/ hue(re)n thoene gewijst sijnde de meye(r) genoech thoende/ beyde bij feyte ende fame tstuck vand(er) voirs(creven) moed(er)/ ende hue(re)n quetsue(re)n bij den voirs(creven) poirte(r) gep(er)petreert/ dairaff sij van live t(er) doot come(n) was inde turbelinge/ ende tusschen beyde gaen ende oick bij fame als/ tscheene bijd(er) voirs(creven) katlijne(n) opden poirte(r) ende yerst/ uutgegeve(n) ende meest gemaect van hue(re)n aengesteken(en)/ huyse sond(er) nochtan van sijne(n) derden ende lesten/ v(er)meten(de) pointe yet te thoene(n) ende de voirs(creven) poirte(r)/ alle sijne voirs(creven) v(er)meten(de) pointe(n) soe bij leven(de) wairheyt/ van scepen(en) wethoude(re)n ende ande(re)n goed(en) ma(n)nen/ in groote(n) getale soe bijd(er) voirs(creven) r(e)missien vand(en) voirs(creven)/ ongevalle d(er) doot aen sijne moed(er) geschiet soe in/ allen ande(re)n pointe(n) vand(en) goed(en) name ende fame
//
des voirs(creven) jans ruts ende sijnd(er) wandelinge(n) ende/ verkeringe(n) zed(er)t der voirs(creven) r(e)missien soe in alle ande(re)n/ pointe(n) vo(r)e verhaelt soe mette(n) principalen onschuld(en)/ ende ongevalle(n) soe mett(er) fame(n) van dien genoech en(de)/ volcomelijck gethoent heeft Nae welken thoen p(ar)tien/ hinc inde geconcludeert hebben elck salve(re)nde sijne(n) thoen/ ende r(e)p(ro)ce(re)nde ende wed(er)leggen(de) des and(er)s thoen bij/ div(er)sen r(e)den(en) elke(n) tot sijnd(er) meyni(n)gen ende conclusien/ dienen(de) Es gewijst t(er) manissen smeyers bijd(er) scepen(en)/ van loven(en) dat de meye(r) van loven(en) met sijnd(er) (con)clusien/ die hij ind(en) name van ons(en) gened(igen) he(re) den h(er)toghe/ opden voirs(creven) poirte(r) gedaen heeft verdoelt is mer/ gelieft hem den selve(n) poirte(r) int principael aen te/ spreken dat hij dat doen mach Act(um) in scampno/ cor(am) om(n)ibus scab(in)is dempto pynnock nove(m)br(is) xviii
Nagekeken door: Greet Stevens , Jos Jonckheer
Moderator: Greet Stevens
Laatste update:: 2014-09-03 door Dieter Peeters