Want philips de hont inde(n) name van he(m)selve(n)/ jan vande(n) veken(en) ende sebastiaen van gheertsb(er)ge(n)/ alle beyde als naiste erfgename(n) jans wijlen/ vanden bossche geleydt sijnde nae des(er) stadt/ recht voir hue(r) wettige gebreken uut crachte/ van scepen(en) brieve(n) van loven(e) tot allen den goed(en)/ beyde have ende erve raes van grave(n) jans diericx/ jans mailh(er)be ende willems pierart soe wair/ die gelegen sijn ind(er) stadt van loven(e) oft bynne(n) d(er)/ vrijheyt d(er)selv(er) hen met ja(n)ne de pottere vorste(r)
//
van des(er) stadt Alle deselve goede hebbe(n) doen leve(re)n/ ende den voirs(creven) janne diericx d(er) huysvr(ouwe) gheerts/ boxhoren der weduwen henricx wijlen van noete(re)n/ en(de) d(er) weduwen en(de) erfgenamen jans wijle(n) mailh(er)be/ dach van rechte te compare(re)n inde banck voir meye(r)/ ende scepen(en) van loven(e) doen besceyden oft zij hen/ dair tegen hadden willen oppone(re)n Aldair zij op/ heden als ten verstreken(en) daige niet gecompareert/ en zijn noch procur(eur) van hue(re)n wegen hen dair/ tegen oppone(re)nde de voirs(creven) geleydde altijt compa/ re(re)nde ende trecht voirt versueken(de) Soe verre/ dat de scepen(en) van loven(e) t(er) manissen smeyers nae dat/ de voirs(creven) vorste(r) behoirlijck gecleert heeft de voirs(creven)/ leveringe ende dach besceydinge geschiet te sijne/ gewesen hebben voir een vonnesse wair de wed(er)p(ar)tie/ vand(en) voirs(creven) geleydd(en) niet en compareert ten opstaen(e)/ smeyers en(de) der scepen(en) datmen deselve geleydde/ houd(en) soude inde macht van hue(re)n beleyde scepen(en)/ brieve(n) ende leveringen alsoe v(er)re alst noch voir/ scepen(en) comen es In scampno januarii xiii