Vand(er) questien gecomen bijden raide vand(er) stadt/ tusschen tusschen gheerde gheerijs aenlegge(r) t(er) eenre/ en(de) gielise de welde verweerde(r) t(er) ande(r) zijden/ als van zeke(re)n haefflijck(e) goed(en) gebleve(n) nae/ daflivicheyt he(re)n symoens haenacker prieste(r)/ cappellaen van s(in)te pet(er)s te loven(e) d(air)inne de/ voirs(creven) gheert p(re)tendeerde gericht te zijne ter/ causen van zijnd(er) zust(er) die bij hem inne woenen(de)/ was d(air)aff tande(re)n tijden de voirs(creven) gheert en(de)/ her jan de weert als executeur vergadert hadd(en)/ geweest ald(air) soe v(er)re tusschen hen v(er)accordeert/ was datme(n) uute(n) voirs(creven) goede(n) betalen soude/ alle wettige sculden die de voirs(creven) her symoen/ en(de) de voirs(creven) sijn zust(er) sculdich mochte(n) sijn bleve(n)
//
nae hue(r) aflivicheyt ende dat dair nae de voirs(creven)/ gheert alsmen deselve goede ewech doen woude/ niet te vreden en was men en soude stelle(n) borchtocht/ die voir deselve goede borge blive(n) soud(en) tot behoeff/ vand(er) schult als bove(n) Ende dat alsdoen de voirs(creven)/ her jan de weert die deselve goede ewech doen en(de)/ aenveerden woude dat hij hem teene(n) borghe stelle(n)/ soude gielise de welde ende dat deselve gielis/ d(air)voe(r) borge bleeff tott(er) so(m)men van thien rinssche/ gulden(en) eens hem des getroesten(de) tott(er) wairheyt/ ende den gene(n) die dairaff mochten weten te/ spreke(n) hopen(de) alsoe naed(er) voirs(creven) handeling(en) dat/ giel(is) voe(r) de selve so(m)me inne staen soude dairop/ de voirs(creven) giel(is) antweerden(de) heeft tselve ontkindt/ gesciet te sijne ind(er) maten voirs(creven) Als dat de wethou/ de(re)n den voirs(creven) aenlegge(r) wesen op sijne(n) thoen/ ende dien geleydt sijnde tot eene(n) zeke(re)n daige/ bij he(n) genome(n) dien oick genoech volcomende/ Es gewesen ende uutgesproken bijd(en) voirs(creven) raidt/ voir recht den voirs(creven) p(ar)tien dat de voirs(creven) giel(is)/ de welde sculdich sal sijn inne te staene voe(r) de/ voirs(creven) thien rinsschegulden(en) d(air) hij als vo(r)e voe(r)/ gesproken heeft tot behoef d(er) schult als bove(n) vand(er)/ scult behalve(n) oft hij voirt op yema(n)de in dien/ yet te volgen heeft dat hij dat sal moege(n)/ doen nae recht want hij nad(er) hant te kynne(n)/ gaff dat h(er) jan de wert hem hieraff geloeft soude/ hebbe tontheffen(e) Act(um) januarii xiiii