Want peter vande(n) putte als geleydt nae des(er)/ stadt recht voir sijn wettich gebreck uuyt crachte/ van scepen(en) brieve(n) van loven(e) tot allen den goede(n)/ beyde have en(de) erve jans maes jans ende/ magdalene(n) maes sijne(n) kinde(re)n soe wair die/ gelegen sijn hem met eene(n) open(en) placcate van/ des(er) stadt gescreve(n) aen allen officie(re)n oft hue(re)n/ stedehoude(re)n Alle deselve goede behoirlijck heeft/ doen leve(re)n ende de(n) voirs(creven) p(er)sone(n) dach van/ rechte te compare(re)n inde banck voir meye(r) en(de)/ scepen(en) van loven(e) doen besceyden oft zij hen dair/ tegen hadden willen oppone(re)n Aldair zij op/ heden als ten verstreken(en) daige nyet gecom/ pareert en zijn noch procur(eur) van hue(re)n wege(n)/ den voirs(creven) geleydden altijt compare(re)nde/ en(de) trecht voirt versueken(de) Soe v(er)re dat/ de scepen(en) van loven(e) t(er) manissen smeyers/ nae dat hen bij rescripten willems van dalem/ meye(r) van hauthem en(de) jans de h(er)toge meye(r)/ van cumptich behoirlijck gebleke(n) heeft de voirs(creven)/ leveringe en(de) dach besceydinge gesciet te sijne/ bij de meyers voirs(creven) gewesen [hebben] voir een vonnesse/ wair de wed(er)p(ar)tie des voirs(creven) geleydden nyet/ en compareert ten opstaen(e) smeyers en(de) d(er) scepen(en)/ datmen de(n) selve(n) geleydde(n) houde soude inde
//
macht van sijne(n) beleyde scepen(en) brieve(n) en(de) leveri(n)ge(n)/ alsoe v(er)re alst noch voir scepen(en) comen es In/ scampno februarii xii