Want joes pauwels woenen(de) te haeght die uut/ crachte van scepen(en) brieve(n) van loven(e) ov(er)lang gepasseert
//
houden(de) ende besittende es drie mudde(n) en(de) i(½) molevate(n)/ rogs goet en(de) payabel met wanne en(de) vloegele wel/ bereyt d(er) maten van loven(e) erfpachts alle ja(r)e te/ kermesse te betalen(e) ende te humelghe(m) te leve(re)n/ aen en(de) op de goede ende erfpacht naebescreve(n)/ Te weten(e) aen en(de) op een half dachmael lants/ gelegen inde p(ro)chie van erps tusschen de goede/ van sint jans gasthuyse te bruessel t(er) eenre en(de) de/ goede der kinde(re)n rellema(n)s It(em) aen en(de) op een/ half dachmael gelege(n) inde p(ro)chie van humelghe(m)/ acht(er) grouwels tussche(n) de goede des voirs(creven) gasthuys/ en(de) d(er) kinde(re)n bossers It(em) aen en(de) op een dachmael/ lants gelege(n) opt boschvelt t(er) plaetssen geheeten/ crumpt? tusschen de goede jouffr(ouwen) m(ar)grieten va(n) bulle/ straten t(er) eenre en(de) de goede jans drossche t(er) ande(re)/ It(em) aen en(de) op eene(n) sack rocx mate(n) van mechelen/ erfpachts alle ja(r)e s(in)te andriesmesse apostels te/ betalen(e) bevesticht op zeke(re) goede en(de) pande der/ kinde(re)n van bullestrate(n) gelege(n) inde p(ro)chie van humelghe(m)/ acht(er) grouwels It(em) noch aen en(de) op een mudde rocx/ erfpachts bevesticht aen en(de) op zeke(re) goede en(de) pande/ jans van atte(n)voirde gelegen inde voirs(creven) p(ro)chie/ van humelghen acht(er) de kerke aldair hem met/ brieve(n) van des(er) stadt gescreve(n) aenden meye(r)/ van campenhout oft zijne(n) stadthoude(r) te humelghe(m)/ alle deselve goede behoirlijck heeft doen leve(re)n/ ende ja(n)ne vand(er) me(re)n dach van rechte te comp(ar)e(re)n/ inde banck voe(r) meye(r) en(de) scepen(en) van loven(e) doen/ besceyden oft hij hem dair tegen hadde willen/ oppone(re)n Tot welken daige als op heden dienen(de)/ de voirs(creven) jan vand(er) me(re)n nyet gecompareert/ en es noch procur(eur) van sijne(n) wegen de voirs(creven)/ joes altijt compare(re)nde en(de) trecht voirt v(er)sueken(de)/ Soe v(er)re dat de scepen(en) van loven(e) t(er) manissen/ smeyers nae dat hen bij rappoirte thiebouts/ steenweechs d(er) stadt bode behoirlijck gebleken/ heeft de voirs(creven) leveringe ende dach besceydi(n)ge/ gesciet te zijne gewesen hebben voir een vonnesse/ wair de wederp(ar)tie des voirs(creven) joes nyet
//
en compareert ten opstaen(e) smeyers ende der/ scepen(en) datmen den voirs(creven) joese houden soude/ inde macht van sijne(n) scepen(en) brieve(n) en(de) leveringe(n)/ alsoe v(er)re alst noch voir scepen(en) come(n) es In sca(m)pno/ februarii xii