Item jan baerts woenen(de) te he(re)nt in p(rese)ntia heeft genome(n)/ en(de) bekindt genome(n) te hebben van herma(n)ne yeve(n)/ als heyligeestmeest(er) van s(in)te jacops te loven(e) een/ stuck lants houden(de) seve(n) dachmale(n) paulo alsoet
//
gelegen es te he(re)nt opt mole(n)velt op deen ynde/ bijden reywech tusschen de goede d(er) beghijne(n)/ van arschot t(er) eenre en(de) de goede wout(er)s absoloens/ sone wijlen joes Te houden te hebben ende te/ wynne(n) van halfm(er)te naistcomen(de) eene(n) t(er)mijn/ van ix jae(re)n lang deen nae dand(er) sond(er) middel/ v(er)volgen(de) Elcx jairs d(air)enbynne(n) om en(de) voe(r) drie/ mudden rocx d(er) maten van loven(e) cu(m) va(n)no et pe(n)na/ Alle jae(re) s(in)te andriesmesse apostels te betalen(e) en(de)/ te loven(e) op den spyker d(er) voirs(creven) tafelen te leve(re)n/ quol(ibet) ass(ecutu)[m] It(em) sal de voirs(creven) wynne tvoirs(creven) lant/ den voirs(creven) t(er)mijn lanck due(re)nde wel ende loflijck/ wynne(n) houd(en) en(de) werve(n) en(de) mesten tallen drie/ jae(re)n gelijck reengenote(n) bove(n) en(de) beneden Ende/ en sal de voirs(creven) wynne tvoirs(creven) lant niet moege(n)/ hoervruchte(n) bynne(n) den drie leste(n) jae(re)n vand(en) voirs(creven)/ t(er)mijne(n) It(em) es voirweerde dat hij tvoirs(creven) lant laten/ sal tot sijne(n) afsceyd(en) bloot alsoe hij dat aenveerde(n)/ sall Ende alle dese voirweerd(en) (et)c(etera) cor(am) hoeve(n) vynck/ februarii xiiii