Want jan van raveschote als procur(eur) henricx/ vand(er) ghete(n) welke henrick geleydt sijnde nae/ des(er) stadt recht voir sijn wettich gebreck uut/ crachte van scepen(en) brieve(n) van loven(e) tot allen/ den goeden beyde have ende erve hubrechts/ steken soe wair die gelegen sijn hem met/ brieve(n) van des(er) stadt gescreve(n) aenden meye(r)/ van halen oft zijne(n) stadhoude(r) alle deselve/ goede behoirlijck heeft doen leve(re)n en(de) den voirs(creven)/ hubrechte dach van rechte te compare(re)n inde/ banck voir meye(r) en(de) scepen(en) van loven(e) doen besceyd(en)/ oft hij hem tege(n) deselve leveri(n)ge hadde wille(n)/ oppone(re)n Aldair hij op heden als ten verstreken(en)/ daige nyet gecompareert en es noch procur(eur)/ van sijne(n) wegen den voirs(creven) procur(eur) (com)pare(re)nde/ en(de) trecht voirt versueken(se) Soe hebben de scepen(en)/ van loven(e) t(er) manissen smeyers nae dat hen/ bij rescripte henricx van beringhen smeyers va(n)/ halen gebleken heeft de voirs(creven) leveringe en(de)/ dach besceydinge geschiet te sijne gewesen voir/ een vonnesse wair de wed(er)p(ar)tie des voirs(creven)/ geleydd(en) niet en compareert ten opstaen(e) smeyers/ ende der scepen(en) datmen den selve(n) geleydd(en)/ houden soude inde macht van sijne(n) beleyde/ scepen(en) brieven ende leveringhen alsoe v(er)re/ alst noch voir scepen(en) comen es In scampno/ martii t(er)cia