Acht(er)volgen(de) d(er) t(er)mi(n)atien vand(er) stadt uutgesproken/ decembr(is) decima lestlede(n) tusschen aelbrechte tants/ mett(en) mo(m)bo(r)en vand(en) groote(n) heylige(n)gheeste van loven(e)/ t(er) eenre en(de) will(em)me ph(ilip)s wynne vand(en) selve(n) heylige(n)/ gheeste vand(en) goeden te boeslynthe(r) t(er) and(ere) Aengaen(de)/ den reste(n) [va(n)] vijffentsestich mudd(en) vii molevat(en) grains/ en(de) drie en(de) viertich rinsgulden(en) die zij de(n) selve(n)/ willem(me) eyschsten van voe(r) den tijde vand(er) lester/ orlogen verschene(n) en(de) gevallen te weten(e) vanden/ jae(re)n lxxxvii en(de) lxxxviii Sijn op heden gecompareert/ voe(r) den selve(n) raide de selve aelbrecht t(er) p(rese)ntien
//
vand(en) mo(m)bo(r)en t(er) eenre ende jan en(de) vranck vanden/ hove gebruede(re)n swage(re)n des voirs(creven) willems die als/ aenveerders van wijle(n) reyners vande(n) hove huers/ vad(er)s goed(en) welke wijlen hue(r) vad(er) voe(r) deselve/ pechtinge des voirs(creven) willems voirmaels borge/ bleve(n) was voe(r) tghene des vande(n) selve(n) reste noch/ ombetaelt uuytstont alhier gehacht wae(re)n t(er) ande(r)/ zijden Aldair deselve aelbrecht versocht betalinge/ vand(en) selve(n) reste navolgen(de) d(er) selv(er) t(er)mi(n)atien e(m)mer/ van des men den heylige(n)gheest dairaf noch tacht(er)/ was en(de) d(air)enbove(n) restitucie van xxiiii rinsguld(en)/ die hij seyde betaelt te hebben(e) van gevallen(en) ende/ verloepen(en) chijse ende co(m)me(re)n opde voirs(creven) goede en(de)/ van brieve(n) cost en(de) co(m)me(re)n bij gebreke dat willem/ die dat navolgen(de) d(er) pechting(en) sond(er) afslach sculdich/ was te doene selve niet gedaen en hadde Tege(n)/ dwelck de voirs(creven) gebruede(re)n ov(er)gegeve(n) hebbe(n) een/ supplicatie dair mede zij te kynne(n) gave(n) int gros/ sond(er) te p(ar)ticularise(re)n de grote bitt(er)lijcke en(de) v(er)derffelijcke/ schad(en) die deselve willem hue(r) zwag(er) geled(en) hadde/ ende hoe willem die p(rese)nteerde te bewijsen ende/ te meer stonden begeert hadde soe sij seyden en(de) alnoch/ begeerd(en) te thoene(n) ende oick hoe wel sij sijn wonderlich(eit)/ genoech bekinden dat hij gheene(n) voet en hielt noch/ op gheen dinck en bleeff altijt met redite(n) he(m) behulpen(de)/ en(de) zij aen hem oft zijn goede thue(re) ontlasting(en) lossinge(n)/ en(de) recoineremente(n) soud(en) meyne(n) te sueken soe en stont/ hen egheenssins te submitte(re)n in des(en) saken noch/ and(er)ssins dan met rechte die te laten beslichte(n) hoe/ wel zij voe(r) hue(r) p(er)sonen and(er)ssins mett(en) hee(re)n/ mynlijcke(n) appointeme(n)te in desen te vred(en) soud(en)/ sijn Te voirde(r) oick want deselve willem te/ kynne(n) hadde gegeve(n) datmen t(er) plaetsen dair/ de voirs(creven) goede gelegen sijn den gheene(n) die/ vele mynd(er) schad(en) hadden geleden dan hij ov(er)g(ro)te/ cortsele hadd(e) gedaen en(de) vele meerde(re) dan men/ he(m) hier toegevuecht hadde oft meynde te doene/ en(de) d(air)om was sijn begeerte geweest altijt en(de) noch/ was datmen informatie hadde willen neme(n)/ en(de) thoen aenhoire(n) opdeselve zijn geled(en) schad(en) en(de)
//
opde cortselen diemen dair ende d(air)omtr(int) doet de(n)/ gheene(n) die gelijcke oft mynde(re)n schaden geleden/ moege(n) hebben ende datmen hem d(air)nae dueme(n)/ oft appointe(re)n woude uuyt den welken want/ willem dat hadde versocht ende sij sond(er) hem/ oft zijne(n) consente d(air)tege(n) he(m) mynlijck nyet en mochte(n)/ kee(re)n totte(n) guetlijck(en) beslichte te voirde(r) oick want/ willem in divers(en) cedulle(n) ov(er)gegeve(n) hadde de/ schaden en(de) lasten die hij gehadt hadde inder/ orlogen van brande roeve(n) pillering(en) en(de) and(er)ss(ins)/ willem soe zij seyden meynde te thoene(n) soe bade(n)/ zij oetmoedelijck om tot hue(r) ontlastinge(n) te moege(n)/ come(n) dat den selve(n) thoen in al soude moege(n)/ wordd(en) aenhoirt en(de) d(air)entinden d(air)inne gedaen/ des de hee(re)n bevi(n)den soud(en) behoe(re)nde zij voe(r) hue(r)/ p(er)sone(n) gelijck vo(r)e hadd(en) liev(er) genade dan recht/ Dair tege(n) de voirs(creven) aelbrecht r(e)plice(re)nde meynde/ dat trest vand(en) voirs(creven) t(er)mi(n)ac(ie) noch oick zijn/ voirs(creven) uuytgeleechde pe(n)ni(n)gen van xxiiii rinsguld(en)/ aldus niet [en] soud(en) wordd(en) gesuspendeert mair/ hue(r) reale execuc(ie) neme(n) als van gewijsd(en) en(de)/ beslichte(n) saken en(de) datmen niet sculdich en wa(r)e/ van desen process op proces te maken exhibe(re)nde/ oick een rekeni(n)g(e) tussche(n) deselve heylige(n)geest/ en(de) wynne geschiet a(n)no lxxxvi gesubsigneert/ bij cornelijse van b(er)ghen ende merten(en) van/ oppendorp dair aelbrecht uuyt(er)lijck genoech/ bekinde dat de reste van dien ind(er) voirs(creven) t(er)mi(n)acie(n)/ en(de) inde geeysschte reste d(er) selv(er) begrepen es ende/ alsoe in dier t(er)mi(n)ac(ie) beslicht Aldair int lange/ ov(er)hoert zijnde de t(er)mi(n)acie supplicatie en(de) schad(en)/ en(de) ande(r) verlegge bij willem(me) ov(er)gegeve(n) ende/ geledt op al tgheene des d(air)inne te considere(re)n/ was bijde(n) raide vand(er) stadt uuyt(er)lijck uutge/ sproken en(de) get(er)mineert es dat de voirs(creven) gebrued(er)s/ gehouden sullen sijn den heylige(n)geest betalinge/ te doene van tgheene des de voirs(creven) willem/ uuyt saken vand(er) voirs(creven) t(er)mi(n)acien noch tacht(er) mach/ sijn vand(en) voirs(creven) jae(r) van lxxxvii ind(er) selv(er) t(er)mi(n)ac(ien)/ begrepen met oick van tgheene des aelbrecht
//
selve verleecht heeft gelijck vo(r)e ende aengaen(de) den/ reste vand(en) jae(r) van lxxxviii oick ind(er) selv(er) t(er)mi(n)acien/ begrepen Es duytsprake want willem schade en(de)/ verlegg(en) allegeert en(de) p(rese)nteert te thoene(n) datmen/ d(air)af den thoen aenhoe(re)n sal om te weten(e) oft de selve/ sijn geallig(eer)de schad(en) en(de) verlegge in dien op dat/ jair geschiet sijn en(de) ongecort bleve(n) oft met en(de)/ d(air)entinden recht Act(um) in cons(ili)[o] opidi p(rese)ntibus/ h(er)meys sub(stitu)[to] hove burg(imagis)[tr(o)] et aliis de cons(ili)[o] m(ar)tii/ ix