SAL7384, Akte: V°421.2-R°423.1 (764 van 1043)
Akte V°421.2-R°423.1
Act
Datum: 1491-03-23
Transcriptie
2020-07-10 door fernand BERTRANDItem jan wynants sone wijle(n) henricx woenen(de)/
te ned(er)wynde ende henrick wynants sijn/
sone in p(rese)ntia hebben genome(n) ende bekint/
genome(n) te hebben(e) tegen arnde van vroenhove(n)/
al(ia)s smet als procur(eur) jouffr(ouwen) m(ar)griete(n) wittema(n)s/
weduwe joes wile(n) absoloens thoff der selv(er)/
weduwen te breyshem gelegen mette(n) huysen/
hove(n) wynnen(de) lande beemde eeusselen en(de)/
ande(re)n zijne(n) toebehoirte(n) gelijck servaes laureys
//
dat gehoud(en) heeft Te houden te hebben en(de) te gebruycke(n)/ van halfm(er)te lestleden eene(n) t(er)mijn van tweelf jae(re)n lanck/ due(re)nde deen nae dand(er) sonder middel vervolgen(de)/ behalve(n) dat sij van malcande(re)n sulle(n) moege(n) sceyden/ ten halve(n) t(er)mijne behoud(elic) dat de gene die alsoe/ sal wille(n) sceyde(n) dat den ande(re)n sculdich sal sijn/ te cu(n)dige(n) een half jair te vo(r)en Elcx jairs dae(re)nbi(n)ne(n)/ te weten(e) de voirs(creven) wynnen(de) lande om en(de) voe(r) de/ hellicht vand(en) coren(e) jairlijcx d(air)op wassende tsinte/ andriesmesse te betalen(e) en(de) te loven(e) oft te thiene(n)/ te leve(re)n der voirs(creven) weduwen dair huer believe(n)/ sal jairlijcx den voirs(creven) t(er)mijn due(re)nde Ende de/ voirs(creven) beemde en(de) eeusselen totte(n) voirs(creven) hove behoiren(de)/ elcx jairs om en(de) voe(r) tweelf saluyten te xxv stuv(er)s tstuck/ tres pl(a)c(ken) pro stufe(r)o tsinte m(er)tensmesse te betalen(e) der/ voirs(creven) wed(uwen) jairlijcx den voirs(creven) t(er)mijn due(re)nde/ quol(ibe)t ass(ecutu)[m] It(em) es vorweerde dat de voirs(creven) wi(n)nen/ de voirs(creven) goede selve in p(ro)pe(re)n p(er)soene wynne(n) werve(n)/ en(de) rege(re)n sulle(n) den voirs(creven) t(er)mijn due(re)nde zond(er) yema(n)de/ and(er)s d(air)op te moege(n) setten It(em) es noch vorweerde/ dat de voirs(creven) wynne(n) de voirs(creven) lande wynne(n)/ werve(n) bedrive(n) ende mesten zulle(n) gelijck reengenoete(n)/ bove(n) ende beneden en(de) die ten lesten drie jae(re)n/ vanden voirs(creven) t(er)mijne niet moege(n) hoervruchten/ It(em) es vorweerde dat de voirs(creven) wynne(n) die beken/ vloeten grechte(n) straten en(de) wegen tegen derve liggen(de)/ vande(n) voirs(creven) hove veegen ruymen en(de) repare(re)n zulle(n)/ wel ende loffelijck op hue(re)n cost It(em) dat de voirs(creven)/ wynne(n) die beemden slippen en(de) grechte(n) ruyme(n) sulle(n)/ ende de struncken verdrive(n) ende afhouwe(n) op/ hue(re)n cost Item es vorweerde dat de voirs(creven) wynne(n)/ de huysinge vande(n) voirs(creven) hove houde(n) sulle(n)/ wel ende loffelijck vand(er) und(er)ster rijckelen ned(er)w(eer)t/ op hue(re)n last It(em) dat de voirs(creven) wynne(n) jairlijcx/ int voirs(creven) hoff leve(re)n sulle(n) vijfhond(er)t walme(re)n/ om de huysen d(air)mede te decken Ende alsme(n)/ den voirs(creven) walm aldair verdect oft and(er)s/ van ouden wercke yet maect dan sulle(n) de/ voirs(creven) wynne(n) den wercliede(n) den montcost/ geve(n) ende voirs(creven) weduwe de dachue(re)n betale(n)
//
It(em) dat de voirs(creven) wynne(n) allen den leem hout/ steene theene dackroeyen en(de) desmen aende voirs(creven)/ huysen behoeve(n) sal nairde(r) halen sulle(n) op hue(re)n/ last It(em) sulle(n) de voirs(creven) wynne(n) der voirs(creven) wed(uwen)/ jairlijcx doen vier carweyen met zijne(n) wagen(en)/ ende peerde(n) alsoe v(er)re als van breyshem tot loven(e)/ en(de) des sal hen de voirs(creven) weduwe jairlijcx/ geve(n) drie ellen wullens lakens It(em) sal de/ voirs(creven) weduwe jairlijcx hebben half doeft/ en(de) noten op de voirs(creven) goede wassende ende des/ sal de voirs(creven) weduwe aldair seynde(n) eene(n) man/ om dat den wynne hulpen t(er) eerden te leve(re)n/ den welke(n) de voirs(creven) wynne(n) den montcost/ geve(n) sulle(n) ende de weduwe de dachue(re)n/ betalen ende zulle(n) de wynne(n) der weduwe(n)/ hellicht sculdich sijn te leve(re)n te loven(e) oft te/ thiene(n) dairt der selv(er) weduwe(n) gelieve(n) sal/ It(em) alsme(n) tvoirs(creven) coren dorssche(n) sal soe sal de/ voirs(creven) weduwe ald(air) eene(n) dorssche(r) setten den/ welken de wynne(n) den montcost geve(n) sulle(n)/ en(de) de weduwe de dachue(re)n betalen ende/ des zulle(n) de wynne(n) de crinsen hebben It(em)/ noch es vorweerde dat de voirs(creven) weduwe/ inden oeghst alsmen tcoren inne doen sall/ sculdich zulle(n) sijn te stellen(e) eene(n) van hue(re)n/ dienae(re)n om de banden opt velt te slaene/ oft and(er)ssins behulpich dairtoe te zijne om/ tcoren inne te doene den welken de wynne(n)/ oick sculdich sulle(n) zijn den montcost te geve(n)/ It(em) es vorweerde dat de voirs(creven) wynne(n) thue(re)n/ afsceyden(e) de voirs(creven) lande besaeyen sulle(n) wel/ en(de) loffelijck den eene(n) art met wynt(er)coren(e)/ gelijck dat behoirt op vier getideghe voren/ It(em) noch sulle(n) de voirs(creven) wynne(n) sculdich sijn/ thue(re)n afsceyden(e) te laten de storte eens o(m)megedae(n)/ oft soe dat behoirt It(em) dat de voirs(creven) wynne(n)/ alle de voirs(creven) lande bynne(n) den t(er)mijne tweewerff/ ov(er)mesten sulle(n) alsoe wel de verste als de/ naiste Item de verdroechde willegen ende
//
verdroechde appelboeme sullen volgen de(n) voirs(creven)/ wynne(n) ende des sulle(n) de wynne(n) sculdich sijn/ voir elke twee vande(n) selve(n) sape te stellen(e) en(de) te/ planten Item es vorweerde oft de voirs(creven) weduwe/ enigen poten cochte om die opde voirs(creven) goede/ te planten dat de wynne(n) die sculdich sullen/ zijn te halen en(de) te planten op hue(re)n cost It(em) es/ vorweerde dat de voirs(creven) wynne(n) uut en(de) va(n)d(en)/ voirs(creven) landen hebben zulle(n) hue(re)n t(er)mijn due(re)nde/ drie dachmalen lants om som(er)coren dairop/ te saeyen voir sijn peerden en(de) beesten zond(er) der/ voirs(creven) weduwen d(air)aff yet te geven It(em) es conditie/ dat de voirs(creven) weduwe den wynne(n) geve(n) sall/ tweelf sacken soe g(er)sten even(en) erweyten en(de) boene(n)/ om de lande vande(n) hove te besaeyen dit/ naistcomen(de) jair en(de) niet meer en(de) dae(re)nbove(n)/ noch twee sacken rocx tot brootcoren(e) eens/ Ende alle dese vorweerd(en) conditien en(de) gelufte(n) (et)c(etera)/ cor(am) duffle buetsele martii xxiii
//
dat gehoud(en) heeft Te houden te hebben en(de) te gebruycke(n)/ van halfm(er)te lestleden eene(n) t(er)mijn van tweelf jae(re)n lanck/ due(re)nde deen nae dand(er) sonder middel vervolgen(de)/ behalve(n) dat sij van malcande(re)n sulle(n) moege(n) sceyden/ ten halve(n) t(er)mijne behoud(elic) dat de gene die alsoe/ sal wille(n) sceyde(n) dat den ande(re)n sculdich sal sijn/ te cu(n)dige(n) een half jair te vo(r)en Elcx jairs dae(re)nbi(n)ne(n)/ te weten(e) de voirs(creven) wynnen(de) lande om en(de) voe(r) de/ hellicht vand(en) coren(e) jairlijcx d(air)op wassende tsinte/ andriesmesse te betalen(e) en(de) te loven(e) oft te thiene(n)/ te leve(re)n der voirs(creven) weduwen dair huer believe(n)/ sal jairlijcx den voirs(creven) t(er)mijn due(re)nde Ende de/ voirs(creven) beemde en(de) eeusselen totte(n) voirs(creven) hove behoiren(de)/ elcx jairs om en(de) voe(r) tweelf saluyten te xxv stuv(er)s tstuck/ tres pl(a)c(ken) pro stufe(r)o tsinte m(er)tensmesse te betalen(e) der/ voirs(creven) wed(uwen) jairlijcx den voirs(creven) t(er)mijn due(re)nde/ quol(ibe)t ass(ecutu)[m] It(em) es vorweerde dat de voirs(creven) wi(n)nen/ de voirs(creven) goede selve in p(ro)pe(re)n p(er)soene wynne(n) werve(n)/ en(de) rege(re)n sulle(n) den voirs(creven) t(er)mijn due(re)nde zond(er) yema(n)de/ and(er)s d(air)op te moege(n) setten It(em) es noch vorweerde/ dat de voirs(creven) wynne(n) de voirs(creven) lande wynne(n)/ werve(n) bedrive(n) ende mesten zulle(n) gelijck reengenoete(n)/ bove(n) ende beneden en(de) die ten lesten drie jae(re)n/ vanden voirs(creven) t(er)mijne niet moege(n) hoervruchten/ It(em) es vorweerde dat de voirs(creven) wynne(n) die beken/ vloeten grechte(n) straten en(de) wegen tegen derve liggen(de)/ vande(n) voirs(creven) hove veegen ruymen en(de) repare(re)n zulle(n)/ wel ende loffelijck op hue(re)n cost It(em) dat de voirs(creven)/ wynne(n) die beemden slippen en(de) grechte(n) ruyme(n) sulle(n)/ ende de struncken verdrive(n) ende afhouwe(n) op/ hue(re)n cost Item es vorweerde dat de voirs(creven) wynne(n)/ de huysinge vande(n) voirs(creven) hove houde(n) sulle(n)/ wel ende loffelijck vand(er) und(er)ster rijckelen ned(er)w(eer)t/ op hue(re)n last It(em) dat de voirs(creven) wynne(n) jairlijcx/ int voirs(creven) hoff leve(re)n sulle(n) vijfhond(er)t walme(re)n/ om de huysen d(air)mede te decken Ende alsme(n)/ den voirs(creven) walm aldair verdect oft and(er)s/ van ouden wercke yet maect dan sulle(n) de/ voirs(creven) wynne(n) den wercliede(n) den montcost/ geve(n) ende voirs(creven) weduwe de dachue(re)n betale(n)
//
It(em) dat de voirs(creven) wynne(n) allen den leem hout/ steene theene dackroeyen en(de) desmen aende voirs(creven)/ huysen behoeve(n) sal nairde(r) halen sulle(n) op hue(re)n/ last It(em) sulle(n) de voirs(creven) wynne(n) der voirs(creven) wed(uwen)/ jairlijcx doen vier carweyen met zijne(n) wagen(en)/ ende peerde(n) alsoe v(er)re als van breyshem tot loven(e)/ en(de) des sal hen de voirs(creven) weduwe jairlijcx/ geve(n) drie ellen wullens lakens It(em) sal de/ voirs(creven) weduwe jairlijcx hebben half doeft/ en(de) noten op de voirs(creven) goede wassende ende des/ sal de voirs(creven) weduwe aldair seynde(n) eene(n) man/ om dat den wynne hulpen t(er) eerden te leve(re)n/ den welke(n) de voirs(creven) wynne(n) den montcost/ geve(n) sulle(n) ende de weduwe de dachue(re)n/ betalen ende zulle(n) de wynne(n) der weduwe(n)/ hellicht sculdich sijn te leve(re)n te loven(e) oft te/ thiene(n) dairt der selv(er) weduwe(n) gelieve(n) sal/ It(em) alsme(n) tvoirs(creven) coren dorssche(n) sal soe sal de/ voirs(creven) weduwe ald(air) eene(n) dorssche(r) setten den/ welken de wynne(n) den montcost geve(n) sulle(n)/ en(de) de weduwe de dachue(re)n betalen ende/ des zulle(n) de wynne(n) de crinsen hebben It(em)/ noch es vorweerde dat de voirs(creven) weduwe/ inden oeghst alsmen tcoren inne doen sall/ sculdich zulle(n) sijn te stellen(e) eene(n) van hue(re)n/ dienae(re)n om de banden opt velt te slaene/ oft and(er)ssins behulpich dairtoe te zijne om/ tcoren inne te doene den welken de wynne(n)/ oick sculdich sulle(n) zijn den montcost te geve(n)/ It(em) es vorweerde dat de voirs(creven) wynne(n) thue(re)n/ afsceyden(e) de voirs(creven) lande besaeyen sulle(n) wel/ en(de) loffelijck den eene(n) art met wynt(er)coren(e)/ gelijck dat behoirt op vier getideghe voren/ It(em) noch sulle(n) de voirs(creven) wynne(n) sculdich sijn/ thue(re)n afsceyden(e) te laten de storte eens o(m)megedae(n)/ oft soe dat behoirt It(em) dat de voirs(creven) wynne(n)/ alle de voirs(creven) lande bynne(n) den t(er)mijne tweewerff/ ov(er)mesten sulle(n) alsoe wel de verste als de/ naiste Item de verdroechde willegen ende
//
verdroechde appelboeme sullen volgen de(n) voirs(creven)/ wynne(n) ende des sulle(n) de wynne(n) sculdich sijn/ voir elke twee vande(n) selve(n) sape te stellen(e) en(de) te/ planten Item es vorweerde oft de voirs(creven) weduwe/ enigen poten cochte om die opde voirs(creven) goede/ te planten dat de wynne(n) die sculdich sullen/ zijn te halen en(de) te planten op hue(re)n cost It(em) es/ vorweerde dat de voirs(creven) wynne(n) uut en(de) va(n)d(en)/ voirs(creven) landen hebben zulle(n) hue(re)n t(er)mijn due(re)nde/ drie dachmalen lants om som(er)coren dairop/ te saeyen voir sijn peerden en(de) beesten zond(er) der/ voirs(creven) weduwen d(air)aff yet te geven It(em) es conditie/ dat de voirs(creven) weduwe den wynne(n) geve(n) sall/ tweelf sacken soe g(er)sten even(en) erweyten en(de) boene(n)/ om de lande vande(n) hove te besaeyen dit/ naistcomen(de) jair en(de) niet meer en(de) dae(re)nbove(n)/ noch twee sacken rocx tot brootcoren(e) eens/ Ende alle dese vorweerd(en) conditien en(de) gelufte(n) (et)c(etera)/ cor(am) duffle buetsele martii xxiii
Nagekeken door: Greet Stevens
Moderator: Greet Stevens
Laatste update:: 2014-09-04 door Dieter Peeters