Want jan van oucle al(ia)s mariss(en) als geleydt/ nae des(er) stadt recht voir sijn wettich gebreck/ uut crachte van scepen(en) brieve(n) van loven(e) ond(er)/ den ande(re)n tot allen den goede(n) beyde have/ en(de) erve yde vand(er) hagen weduwe wout(er)s/ wijlen haveloes soe wair die gelegen sijn/ ind(er) stadt van loven(e) oft bynne(n) d(er) vrijheyt/ d(er) selv(er) hem met joese peysman vorste(r) van/ des(er) stadt alle deselve goede behoirlijck heeft/ doen leve(re)n en(de) d(er) voirs(creven) yden dach van rechte/ te compare(re)n inde banck voir meye(r) en(de) scepen(en)/ van loven(e) doen besceyden oft zij huer d(air) tegen/ hadde willen oppone(re)n Aldair zij op heden/ als ten verstreken(en) daige nyet gecompareert/ en es noch procur(eur) van hue(re)n wegen den/ voirs(creven) geleydden altijt compare(re)nde en(de) trecht/ voirt versueken(de) Soe v(er)re dat de scepen(en) van/ loven(e) t(er) manissen smeyers nae dat hen bij/ cleernissen des voirs(creven) joes peysman behoirlijck/ gebleken heeft de voirs(creven) leveri(n)ge en(de) dach/ besceydinge gesciet te zijne gewesen hebben/ voir een vonnesse Wair de wed(er)p(ar)tie des/ voirs(creven) geleydden nyet en compareert ten opstaen(e)/ smeyers en(de) d(er) scepen(en) datme(n) den selve(n) geleydd(en)/ houd(en) soude inde macht van sijne(n) beleyde/ scepen(en) brieve(n) en(de) leveringe(n) alsoe v(er)re alst noch/ voir scepen(en) come(n) es In scampno martii xxvi