Want katlijne van ijssche weduwe jans wijlen/ loenijs als geleydt nae des(er) stadt recht voir huer/ wettich gebreck uut crachte van scepen(en) brieve(n) van/ loven(e) ond(er) den ande(re)n tot allen den goede(n) beyde/ have en(de) erve jans wijle(n) loenijs huers soens/ henricx yden ende henricx pet(er)s soe wair die gelege(n)/ sijn huer met eene(n) opene(n) brieve van des(er) stadt/ gescreve(n) aen alle(n) officie(re)n oft hue(re)n stedehoude(re)n alle/ deselve goede behoirlijck heeft doen leve(re)n ende/ d(er) weduwen des voirs(creven) wijle(n) jans loenijs des/ soens den voirs(creven) henr(icke) yden en(de) henr(icke) pet(er)s dach/ van rechte te compare(re)n inde banck voir meye(r)/ en(de) scepen(en) van loven(e) doen besceyden oft zij hen tege(n)/ deselve leveri(n)ge hadd(en) willen oppone(re)n Aldair zij/ op heden als ten verstreken(en) daige nyet gecomp(ar)eert/ en zijn noch oick procur(eur) van hue(re)n wege(n) de/ voirs(creven) weduwe altijt compare(re)nde en(de) trecht voirt/ versueken(de) Soe v(er)re dat de scepen(en) van loven(e)/ t(er) manissen smeyers nae dat hen bij rappoirte en(de)/ cleernissen jans vande(n) bossche des(er) stadt bode/ behoirlijck gebleken heeft de voirs(creven) leveringe en(de)/ dach besceydinge gesciet te sijne bijd(en) meye(r) van/ arschot oft zijne(n) stadhoude(r) te bethekem en(de) bijd(en)/ meye(r) van werchte(re)n gewesen hebben voir een/ vonnesse wair de wed(er)p(ar)tie d(er) voirs(creven) katlijne(n)/ van ijssche niet en compareert ten opstaen(e) smeyers/ en(de) d(er) scepen(en) datme(n) d(er) selv(er) katlijne(n) houd(en) soude/ inde macht van hue(re)n beleyde scepen(en) brieve(n) en(de)/ leveri(n)ge(n) alsoe v(er)re alst noch voir scepen(en) come(n) es/ In scampno maii xvii