Nae dien jacop de witte de oude sone wijle(n) jans/ d(er) stadt te kynne(n) gegeve(n) heeft de gelegenth(eit) van he(re)n/ willem(me) de witte sijne(n) brued(er) canonick van cam(er)rick (et)c(etera)/ als dat hij in alsulke(n) pointe en(de) stad(en)? was va(n) siecte(n)/ en(de) begavi(n)gen gods dat hij he(m) selve(n) nyet en conste rege(re)n/ noch bewege(n) in live noch in goede bege(re)nde alsoe/ mo(m)bours vand(er) wet geordineert te wordd(en) om sijn/ goed(en) en(de) rinte(n) op te heffen(e) en(de) te r(e)geren(e) verschene(n) en(de)/ te v(er)schijnen(e) als dat beho(r)en soude tot desselfs sijns/ brued(er)s profijte alsoe lange hij leve(n) soude heeft den/ raidt bevi(n)den(de) de voirs(creven) beg(eer)te en(de) peticie r(e)delijck/ geordineert en(de) gestelt mo(m)bours en(de) r(e)geerd(er)s desselfs/ he(re)n willems jacoppe(n) sijne(n) brued(er) voirs(creven) en(de) tot/ hem gevuecht willem(me) van lele als maech d(er)/ selv(er) gebruede(re)n om in desen dbeste te doene alsoe/ dat behoirt en(de) mo(m)bours sculdich sijn van doene/ op rekeni(n)ge en(de) and(er)ssins In cons(ili)[o] opidi maii xxvii