De questie geport tussche(n) goirde de wairzege(re)/ ende willem(me) [vacat] beyde zeeg(er)s t(er) eenre/ ende pete(re)n de beckere scrij(n)make(r) t(er) ande(re) van zeke(re)n/ pijne(n) en(de) arbeyde(n) die zij pete(re)n noch eysschte(n) van/ zagen(e) gedragen(de) drie rinsgulden(en) i stuv(er) d(air)op zij/ bekynde(n) ontfange(n) te hebben(e) twee rinsgulden(en)/ alsoe dat hen gebraken soe zij seyde(n) xxi stuv(er)s/ D(air)op pet(er) meynde hen betaelt en(de) ov(er)betaelt te zijne/ nae gelegenth(eit) van tghene des zij he(m) gezaecht hadd(en)/ dat bove(n) de acht hondert niet en gedroech d(air)aff/ men int gemeyne niet meer en gaff dan vier stuv(er)s/ vand(en) hond(er)t ende soe hadde hij meer betaelt dan/ zij verdient hadden wel acht stuv(er)s d(air) voe(r) hij/ meynde van hen gezaecht te hebben noch eenen/ balck des zij niet gedaen en hadden ende den/ welcken hij ande(re)n bij hue(re)n gebreke(n) hadde moete(n)/ doen zagen Dair tegen zij meynden met hue(re)r/ eedt den arbeyt te halen Seyden oick dat zij/ in dachhue(re)n hadde(n) gezaecht ende niet metten/ hondert ende wouden alsoe hue(re)n arbeyt hebbe(n)/ Sijn p(ar)tien van des(er) questien gestelt voe(r) de/ geswoirne(n) vand(en) ambachte om d(air)af bij he(n) informac(ie)/ genome(n) vand(er) gelegenth(eit) vand(en) arbeyd(en) d(air)inne/ p(ar)tien te beslichten In cons(ili)[o] opidi oeghe sub(stitu)[to]/ burg(imagistr)[o] grave(n) naus(nydere) (con)s(iliariis) et aliis p(rese)ntib(us) junii vii