Want aernt cardenaels als procur(eur) ydens weduwe/ jans wijlen tsh(er)eyns geheete(n) stamelarts welcke/ yde geleydt sijnd es nae des(er) stadt recht voir huer/ wettich gebreck uut crachte van scepen(en) brieve(n) va(n) loven(e)/ tot allen den goede(n) beyde have en(de) erve jans cobbelgiers/ lodewijcx cobbelgiers en(de) jans vand(en) dorpe soe/ wair die gelegen sijn ind(er) stadt van loven(e) oft/ bynne(n) d(er) vrijheyt d(er) selv(er) hem met joese peysman/ vorste(r) van des(er) stadt behoirlijck heeft doen leve(re)n/ zeke(re) pe(n)ni(n)gen alhier ond(er) scepen(en) gedeponeert sijnde/ en(de) den voirs(creven) ja(n)ne cobbelgiers dach van rechte/ alhier te compare(re)n inde banck voir meye(r) en(de)/ scepen(en) van loven(e) doen besceyden oft hij hem/ d(air)tege(n) hadde wille(n) oppone(re)n Aldair hij op hede(n)/ als ten verstreken(en) daige niet gecompareert en/ es noch procur(eur) van sijne(n) wege(n) de voirs(creven) procur(eur)/ altijt compare(re)nde en(de) trecht voirt versueken(de)/ Soe v(er)re dat de scepen(en) van loven(e) t(er) manissen/ smeyers nae dat hen bij cleernissen des voirs(creven)/ vorst(er)s behoirlijck gebleken heeft de voirs(creven) leveri(n)ge/ en(de) dach besceydinge gesciet te sijne gewesen hebbe(n)/ voir een vonnesse Wair de wed(er)p(ar)tie des voirs(creven)/ geleydden niet en compareert ten opstaen(e) smeyers/ en(de) d(er) scepen(en) datmen den selve(n) geleydde(n) houd(en)/ soude inde macht van sijne(n) beleyde scepen(en) br(ieven)/ en(de) leveringe(n) alsoe v(er)re alst noch voir scepen(en) come(n)/ es In scampno junii ix