Ind(er) saken gecome(n) bijde(n) raide vand(er) stadt tusschen/ mathijse moelemans t(er) eenre ende arnde hanckart/ t(er) ande(re) aengaen(de) d(er) hue(re)n vand(er) ca(m)men geheete(n) de/ drie coni(n)gen gelegen inde proefstrate de(n) selve(n) arnde/ toebehoiren(de) de welke de voirs(creven) mathijs bekinde tege(n)/ arnde genome(n) te hebben(e) een(en) t(er)mijn van drie jae(re)n/ d(air)aff deen jair alsnu ts(in)t jansmesse expire(re)n soude/ seggen(de) dat die hueri(n)ge gebuert was ten tijde vand(en)/ lichte(n) gelde om en(de) voe(r) xxvii rijd(er)s te xxvii stuv(er)s den/ rijd(er) elcx jairs Ende want de voirs(creven) arnt van hem/ sustineerde swair gelt te willen hebbe(n) alsnu loepen(de)/ Dwelck hem o(n)moegelijck was te betale(n) nae de/ cleyne neri(n)ge en(de) gelegenth(eit) vand(en) tijde nu wesen(de)/ Soe heeft deselve begeert en(de) versocht de(n) selve(n)/ arnde ond(er)wesen te wordde(n) hem vand(er) selv(er) hueri(n)g(en)/ te v(er)drage(n) te kersmesse naistcomen(de) oft deselve hueri(n)ge/ tot alsulke(n) redelike(n) p(rij)se gestelt te wordd(en) d(air)mede/ hij he(m) soude moege(n) wete(n) tond(er)houden D(air)tege(n) de/ voirs(creven) arndt sustineerde de (contra)rie bliven(de) bij sijn/ voirneme(n) seggen(de) die in tijde vande(n) zwa(r)en gelde/ geschiet te zijne ende alsoe bet(ailt) soude wordde(n) Als/ dat de wethoud(er)s den voirs(creven) mathijse moelema(n)s/ wesen tot zijne(n) thoene als vand(er) hueri(n)g(en) geschiet/ te zijne inde(n) lichte(n) tijde gelijck tselve eensdeels genoech/ bevonde(n) wordt uut(er) estimatien vand(en) rijd(er)s die/ te xxvii stuv(er)s tstuck t(er) selv(er) tijt gevalueert mochte(n)/ wesen Hebben deselve wethoud(er)s ind(er) sake(n) op al/ geledt sijnde en(de) de gelegenth(eit) van dien wel voir/ oege(n) genome(n) uutgesproken en(de) get(er)mineert dat/ de voirs(creven) mathijs de ca(m)me d(air) questie aff es sal/ blive(n) houde(n) om xxii rijd(er)s sjaers ten prijse als/ vo(r)e en(de) ghelt alsnu loepen(de) zijne(n) t(er)mijn uut behalve(n)/ oft arnde dat nyet aen en stonde dat hij sijn/ ca(m)me sal moege(n) ov(er)neme(n) tegen kersmesse naistcomen(de)/ ende goets tijts sijn meyni(n)ge d(air)aff segge(n) om he(n)/ d(air)nae te vuege(n) in wed(er)sijd(en) Act(um) in cons(ili)[o] op(idi)/ junii xiiii