Item jan nijs sone wijle(n) henricx woenen(de) te/ meldert in p(rese)ntia heeft genome(n) en(de) bekindt/ ghenome(n) te hebben(e) van henricke melzaens/ en(de) meeste(re)n rogiere wissonis welc meest(er) rogier/ procur(eur) es he(re)n en(de) meest(er) claes de ruyte(re) en(de) met/ consente desselfs meest(er) rogiers als procur(eur) Alle/ alsulke(n) wynnen(de) lande als der cappelrie/ van s(in)te ermeli(n)de(n) inde prochie va(n) meldert/ toebehoiren(de) den voirs(creven) meeste(re)n claese gelegen/ te meldert voirs(creven) en(de) d(air) omtrint houden(de) es/ Te houde(n) te hebbe(n) en(de) te wynne(n) van sint/ jansmesse lestlede(n) eene(n) t(er)mijn van sesse jae(re)n/ lanck due(re)nde deen nae dande(r) zond(er) middel/ vervolgen(de) Te weten(e) de yerste drie jae(re)n/ vande(n) voirs(creven) henr(icke) melzaens die d(air)aene/ soe langhe sijn pechti(n)ghe noch houden(de) es/ dyerste jair van dien alleene om en(de) voe(r)/ den last vand(en) messe(n) d(air)toe staende te doene
//
ende den chijsen en(de) lasten d(air)uut gaende te/ betalen(e) ende dande(r) drie jae(re)n vervolgen(de)/ vande(n) voirs(creven) meeste(re)n rogie(re) Elcx jairs/ vande(n) voirs(creven) vijff jae(re)n om en(de) voe(r) alsulke(n)/ pachte(n) van xxiiii sacken corens als vande(n)/ selve(n) goede(n) jairlijcx come(n) sal en(de) oick allen/ alsulken co(m)me(re)n en(de) laste(n) als de voirs(creven) henr(ick)/ melzaens uut sake(n) van zijnd(er) nemi(n)ghen/ der selve(r) goede(n) jairlijcx sculdich es te dragen(e)/ ende tselve greyn te loven(e) te leve(re)n Ende/ voirt op alle de voirweerde(n) gelufte(n) ende/ condicien gelijck de voirs(creven) henrick melzaens/ die voirmaels genome(n) en(de) tot noch toe gehoud(en)/ heeft met voirweerde(n) oick datmen den selve(n)/ ja(n)ne nijs cortsel doen sal van hagelslaghe/ gemeyne(n) orloghe(n) oft tempeeste gelijck men den/ gebue(re)n bove(n) en(de) benede(n) gelijcke scade geleden/ hebben(de) doen sall Met voirweerde(n) voirt dat/ de voirs(creven) jan ten afsceyden(en) zijns t(er)mijns sculdich/ sal sijn te laten(e) de voirs(creven) wynnen(de) lande/ gelijck de voirs(creven) henr(ick) melzaens die ten ynde/ sijnd(er) drie jae(re)n voirs(creven) oft hij opde goede bleve/ sculdich soude sijn te late(n) en(de) dat hem d(air)tege(n)/ te bate(n) come(n) sal tgene dat henr(ick) d(air)inne te/ bate(n) come(n) soude oft hij d(air)op bleve Ende [alle] dese/ voirweerde(n) (et)c(etera) Inde est fideiussor p(re)d(i)c(t)us he(n)ric(us)/ melzaens Et p(ri)mus cor(am) lyefke(n)rode hoeve(n)/ augusti ix