Want jouffr(ouwe) katlijne van groesbeke weduwe/ wout(er)s wijle(n) vynck als geleydt nae des(er)/ stadt recht voir huer wettich gebreck uut/ crachte van scepen(en) brieve(n) van loven(en) tot alle(n)/ den goede(n) beyde have en(de) erve arnts pet(er)s/ soe wair die gelege(n) sijn huer met brieve(n) va(n)/ des(er) stadt gescreve(n) aende(n) meye(r) van arschot/ oft zijne(n) stadhoude(r) te bethekem alle deselve/ goede behoirlijck heeft doen leve(re)n en(de) den/ voirs(creven) arnde pet(er)s dach van rechte te compare(re)n/ inde banck voir meye(r) en(de) scepen(en) van loven(en)/ doen besceyden oft hij hem d(air)tege(n) hadde/ wille(n) oppone(re)n Ald(air) hij op heden als ten/ verstreken(en) daighe nyet gecompareert en/ is noch procur(ator) van sijne(n) wege(n) hem d(air)/ tege(n) oppone(re)nde de voirs(creven) jouffr(ouwe) katlijne/ altijt compare(re)nde en(de) trecht voirt v(er)sueken(de)/ Soe hebben scepen(en) van loven(en) t(er) manissen/ smeyers nae dat hen bij rapporte wout(er)s/ van boenrode des(er) stadt bode behoirlijck/ gebleke(n) heeft de voirs(creven) leveri(n)ghe en(de) dach/ besceydinghe geschiet te zijne gewesen voir/ een vonnesse wair de wed(er)p(ar)tie d(er) voirs(creven)/ jouffr(ouwe) nyet en compareert ten opstaen(e) smeyers/ en(de) d(er) scepen(en) datme(n) der selv(er) jouffr(ouwe) houd(en) soude inde/ macht va(n) hue(re)n beleyde scepen(en) br(ieven) en(de) leveri(n)ge(n) alsoe/ v(er)re alst noch voir scepen(en) come(n) es In sca(m)pno aug(usti) xvii