Want gielis labis als geleydt nae des(er) stadt/ recht voir sijn wettich gebreck uut crachte/ van scepen(en) brieve(n) van loven(en) tot allen den goed(en)/ beyde have en(de) erve goirts wile(n) van eekelhove(n)/ en(de) laureys wile(n) ghene(n)s? soe wair die gelege(n)/ sijn hem met brieve(n) van des(er) stadt gescreve(n)/ aend(en) meye(r) van arschot oft zijne(n) stadhoude(r)/ te langdorp alle deselve goede behoirlijck heeft/ doen leve(re)n en(de) henrick(e) van eekelhove(n) en(de) den/ erfghename(n) des voirs(creven) wile(n) laureys dach va(n)/ rechte te compare(re)n inde banck voir meye(r) en(de)/ scepen(en) van loven(en) doen besceyden oft zij hen dair/ tegen hadden wille(n) oppone(re)n Ald(air) zij op heden/ als ten verstreken(en) daighe nyet gecompareert/ en sijn noch procur(ator) van hue(re)n wegen hem dair/ tegen oppone(re)nde den voirs(creven) geleyden altijt compa/ re(re)nde en(de) trecht voirt v(er)sueken(de) Soe hebben/ scepen(en) van loven(en) t(er) manissen smeyers nae dat/ hen bij rapporte wout(er)s van boeve(n)rode des(er)/ stadt bode behoirlijck gebleken heeft de voirs(creven)/ leveri(n)ghe en(de) dach besceydinghe geschiet te/ sijne gewesen voir een vonnesse wair de wed(er)p(ar)tie/ des voirs(creven) geleydden nyet en compareert ten/ opstaene smeyers en(de) der scepen(en) datmen den/ selve(n) geleydden houd(en) soude inde macht va(n)/ sijne(n) beleyde scepen(en) brieve(n) en(de) leveri(n)ghe(n) alsoe/ v(er)re alst noch voir scepen(en) come(n) es In scampno/ augusti xix