Want gielis van cortbeke geheete(n) de mu(n)te(re) die nae des(er) stadt/ recht voir sijn wettich gebreck uut crachte van scepen(en) brieven/ van loven(en) comen ende geleydt es tot allen den goeden have/ ende erve baudewijns wijle(n) smale geheeten van brousberghe/ ende gielis ende baudewijns zijnd(er) zonen soe wair die/ gelegen sijn hem met eene(n) open(en) placcate van des(er) stadt/ gescreve(n) aen alle officie(re)n alle de selve goede behoirlijck heeft/ doen leve(re)n ende der weduwen ende den wynne(n) desselfs wijle(n)/ baudewijns dach van rechte alhier te compare(re)n inde banc/ voir meye(r) ende scepen(en) van loven(en) doen bescheyden oft zij/ hen dairtegen hadden willen oppone(re)n aldair zij/ niet gecompareert en zijn noch nyemant van hue(re)n wege(n)/ den voirs(creven) geleydden altijt compare(re)nde ende trecht voirt/ versueken(de) Soe verre dat de scepen(en) van loven(en) t(er) manissen/ smeyers nae dat hen behoirlijck gebleke(n) heeft bij rappoirte/ jans vanden bossche des(er) stadt bode tvoirs(creven) exploit geschiet/ te zijne aende meyers van roux miroir en(de) van grave(n)/ gewijst hebbe(n) met vonnesse(n) wair de wed(er)partie des voirs(creven)/ geleydden niet en compareerde voe(r) den opstaen(en) smeyers/ ende der scepen(en) datmen den selven geleydden houden/ soude inde macht van zijne(n) beleyde scepen(en) brieve(n) ende/ leveringen alsoe verre alst noch voir scepen(en) come(n)/ es in scampno julii ix