Vanden behoirliken rastamente die franc vaes/ gedaen heeft ierst op thien halste(re)n even(en) toebehoiren(de)/ janne wille(m)me wesende inde(n) core(n)huyse te loeven(en) en(de)/ voirt vervolght metten ande(re)n ende derden opde vijff/ halst(er) van dien gestelt aldair inde lepelcame(r) gelijc/ hij vanden selven rastame(n)ten heeft doen blijcke(n) bij/ voirgaen(de) vonnesse(n) van scepen(en) met berain vorste(r)/ want soe de selve vranc seyde dov(er)bate niet/ tegenstaen(de) den selve(n) rastamente vercocht was en(de)/ de selve franc inde banck voir meye(r) ende scepen(en)/ van loeven(en) sijn schult bij eede geverificeert heeft/ navolgen(de) der selv(er) scepen(en) vonnesse gedragen(de)/ xlv stuv(er)s zond(er) de costen ind(er) saken geloepen/ Soe hebben de scepen(en) van loeven(en) t(er) manissen/ smeyers gewijst met vonnesse dat de selve vranc/ opt voirs(creven) greyn voirtvae(re)n sal ende dat v(er)coepen/ ende ten hoeghsten bringen ende sijn schult d(aer)aen/ nemen bij alsoe oft d(aer) ov(er)t dat hijt wed(er)ke(re)n/ sal en(de) gebrect dat hij voirtvae(re)n sal met/ rechte in scampno cor(am) eisd(em)