SAL7385, Act: R°360.2 (680 of 1086)
Search Act
previous | next
Act R°360.2  
Act
Date: 1492-02-11

Transcription

2020-06-26 by kristiaan magnus
Item vranck van belanden(en) geheeten laris heeft gekindt/
ende gelijdt dat hij de hootpe(n)ni(n)gen van dese(n) voirs(creven) drie/
rinsgulden(en) erfelijck ontfangen heeft om die in zijne(n)/
orbe(r) ende tot zijne(n) wille [te] beke(re)n inde stadt ende voe(r)/
dafquijte(n) ende lossinghe van alsulcke(n) drie gelijcke r(ins)/
guld(en) erfelijck alse hij met scepen(en) br(ieven) van loeven(e)/
gemaict ende gepasseert in septembri den xiiite(n) dach/
lestlede(n) hadde behielt ende hem besedt werdde(n) bij de(n) voirs(creven)/
jacoppe kerstiaens op zeke(r) erfgoede vivers ende ande(r)/
wijle(n) den selve(n) vrancke(n) nu den voirs(creven) jacoppe toebehoiren(de)/
gelege(n) onder hev(er)le ende weerde dair oick de selve jacop/
mede voe(r) veroblig(er)t heeft zijn huys mette(n) toebehoirten/
gelege(n) opde vischmerct Ende aldus heeft de selve vrancke/
volcomelijcke den voirs(creven) jacoppe ende zijn voirs(creven) goede/
dair voe(r) gelijck voe(r) veroblig(er)t geheelijck quijt gescouwe(n)/
vande(n) selve(n) drie r(ins)gul(den) erfelijck ende van al des d(aer)aen/
cleeft Promitt(ens) null(atenus) alloqui sed war(andizare) heeft/
voirts geconsenteert de selve vranck ende consenteert/
mits dese(n) dat zijne(n) brief vande(n) selve(n) drie r(ins)gul(den)/
erfelijck gecasseert doot ende te nyeute gedaen wordde/
promittens eandem l(itte)ram ad mo(nitionem) d(i)c(t)i jacobi a(n)nichilare/
et dele(re) prout cor(am) eisdem
ContributorsKarel Embrechts
Moderated byMi-Je Van Gils
Last update: 2015-08-14 by Agata Dierick