Want gielis van hoirbeke die met guedinge/ van scepen(en) brieve(n) van loven(en) houden(de) es eene(n)/ halve(n) sack corens mate van thiene(n) pacht van/ bynckem erfpacht opde woeni(n)ge metten huysen/ hove schue(re)n stallen wynnende land(en) en(de) den toe/ behoirten houden(de) tsamen ond(er)half dachmael/ oft d(aer)omtrint jans van braempt gelegen te bynckem/ t(er) plaetsen geheete(n) te braempt tusschen de goede/ wout(er)s vaes t(er) eenre jans van braempt sone wijle(n)/ goerts t(er) ande(r) jans m(er)tens t(er) derd(er) en(de) de strate/ ald(aer) t(er) vierd(er) zijden hem met brieve(n) van des(er) stadt/ gescreve(n) aenden meye(r) van cumptich oft sijne(n) stadhoude(r)/ te bynckem alle de voirs(creven) goede en(de) ond(er)pande metten/ haeflijcken goeden d(aer)op oft inne wesen(de) also v(er)re die/ den proprietar(is) d(er) selv(er) goed(en) toebehoe(re)n behoirlijck heeft/ doen leve(re)n ende den voirs(creven) ja(n)ne van braempt sone/ wijle(n) henricx en(de) sijne(n) huerlinck dach van rechte te/ compare(re)n inde banck voir meye(r) en(de) scepen(en) van/ loven(en) doen besceyden oft zij hen tege(n) deselve leveri(n)ge/ hadde(n) willen oppone(re)n Aldair zij op heden als ten/ verstreken(en) daige niet gecompareert en zijn noch/ oick procur(eur) van hue(re)n wegen de voirs(creven) giel(is) altijt/ gecompareert heeft en(de) trecht voirt versocht soe/ v(er)re dat de scepen(en) van loven(en) t(er) manissen smeyers/ nae dat hen bij rescripte willems van vlasselair/ als dyene(r) en(de) stadhoude(r) smeyers van cumptich/ tot bynckem gebleken heeft de voirs(creven) leveri(n)ge en(de)/ dach besceydinge gesciet te sijne gewesen hebben/ voir een vonnesse Wair de wed(er)p(ar)tie des voirs(creven)/ gielijs niet en compareert ten opstaen(e) smeyers/ en(de) der scepen(en) datmen den selve(n) gielise houd(en)/ soude inde macht van sijne(n) scepen(en) brieve(n) ende/ leveringe(n) alsoe v(er)re alst noch voir scepen(en) comen/ es in scampno decembr(is) x