Item anthonis strobants wonen(de) te corte(n)b(er)ghe in p(rese)ntia/ heeft genome(n) ende bekint genomen te hebben(e) van/ mathijse van tuydekem en(de) katlijne(n) celens sijnd(er)/ werdi(n)nen weduwe giel(is) wijle(n) celens alsulken hoff/ stede huyse ix dachmael wynnen(de) lande(n) en(de) oick/ alsulken weye d(aer)toe hoiren(de) alse deselve katlijne te corte(n)/ b(er)ge en(de) d(aer)omtrint liggen(de) heeft Te houde(n) te hebben en(de)/ te gebruycken van meye anno negentich des nu/ te meye lestlede(n) een jair was eene(n) t(er)mijn van/ xii jae(re)n lang due(re)nde elcx jairs d(aer)enbynne(n) de/ voirs(creven) wynnen(de) lande elck dachmael d(aer)aff om/ en(de) voe(r) een sister rocx wel bereyt met wa(n)ne/ en(de) vloegele d(er) maten van loven(en) en(de) een zist(er) bynne(n)/ maken(de) x zist(er) rocx jairlijcx s(in)te andriesmesse/ apostels te betalen(e) en(de) te loven(en) te leve(re)n Ende tvoirs(creven)/ hoff mette(n) huysen en(de) weyen sond(er) argelist elcx/ jairs d(aer)enbynne(n) om en(de) voe(r) ix rinsgulden(en) te/ xx stuv(er)s tstuck jairlijcx oick s(in)te andriesmesse/ apostels te betalen(e) den voirs(creven) t(er)mijn due(re)nde quol(ibe)t/ ass(ecutu)[m] Met vorweerd(en) dat de voirs(creven) katlijne/ te huerw(er)t hebbe(n) sal moege(n) den vloege ond(er) en(de)/ oick een afsete d(aer)aen maken alst huer gelieft
//
It(em) dat de voirs(creven) anthonijs jairlijcx d(er) voirs(creven)/ katlijne(n) leve(re)n sal vijftich bondele(n) walms en(de)/ dat deselve anthonijs die huyse houde(n) sal/ mette(n) stroe voirs(creven) en(de) den deckers den cost gve(n)/ en(de) theen oft wissen en(de) dacroede(n) en(de) wat ov(er)sciet/ van walme(n) dair sal katlijne hue(re)n wille mede/ doen It(em) sal anthonijs jairlijcx late(n) vliege(n)/ inde oighstmaent ix paer duve(n) op dat sij/ dair sijn en(de) katlijne(n) drie paer geve(n) en(de) vand(en)/ buyte(n) lande die sal anthonijs houde(n) t(er) hellicht/ op dat sijs niet en can quijt gewordde(n) It(em) anth(onijs)/ en sal dat lant niet moege(n) hoervruchte(n) bi(n)nen/ de leste drie jae(re)n It(em) hij sal de lande(n) wi(n)ne(n)/ en(de) mesten gelijck gebue(re)n bove(n) en(de) beneden/ en(de) hij sal die selve lande tsijne(n) leste jae(r) late(n)/ met behoirlijcke(n) vore(n) te meye gelijck gebue(re)n/ op en(de) ned(er) en(de) van desmen bevint dat hijt(er)/ meer aen gedaen heeft dair af sal katlijne/ sijne(n) moet hebbe(n) vand(en) geheele(n) lande It(em) sulle(n)/ katlijne en(de) mathijs huer man hebbe(n) jairlijcx halff/ doeft ald(aer) wassende en(de) de wynne sal mathijs/ helft te loven(en) leve(re)n tsijne(n) huyse It(em) sulle(n) math(ijs)/ en(de) katlijne tot hue(re)n behoef hebb(n) dat hoyhuys/ voe(r) de cleyn schue(r) gelijck sij des eens wordd(en)/ sijn It(em) es voirt vorwerde mits dat de voirs(creven)/ mathijs anthonise gegeve(n) heeft een paer leersen/ van xxx stuv(er)s ende oick alle thout dat op de/ visgrecht stont op dat yerste jair als hij de voirs(creven)/ goede aenveerde dat deselve anthonijs de voirs(creven)/ grecht vegen en(de) houden sal wel en(de) loffelijck/ sijne(n) t(er)mijn due(re)nde en(de) den voirs(creven) mathijse jairlijcx/ leve(re)n twee vissche en(de) deselve grecht in goed(en)/ state en(de) bevischt houden ende oick spijsen te sijne(n)/ afsceyden(en) gelijck hijse ae(n)veerde Te weten(e) met xliiii/ anthenoesen en(de) twee schoeten witvischge(n) met beyd(en) ha(n)d(en)
//
It(em) alsulken vischnet als mathijs anthonise voirs(creven)/ gheleent heeft sijne(n) t(er)mijn due(re)nde sal deselve/ anthonijs tsijne(n) afsceyden(en) wed(er) leve(re)n ind(en) selve(n)/ state dat hijt ae(n)veerde It(em) es noch vorweerde dat/ de voirs(creven) anthonijs de voirs(creven) hofstat mett(er) toebehoirte(n)/ besloten sal laten tsijne(n) afsceyden(en) bynne(n) voir en(de)/ acht(er) in allen manie(re)n gelijck hijse ae(n)veert heeft/ It(em) een kerweye moet anthonijs mathijse doen/ te sijnd(er) moeyten te loven(en) oft eld(er)s (et)c(etera) It(em) soe mach/ katlijne hebben en(de) maken eene(n) coelhof in r(e)delijcheyd(en)/ Ende alle dese vorw(er)d(en) (et)c(etera) cor(am) berghe hove decembr(is)/ xvi