Vand(er) questien gecomen op heden bijden rade vand(er)/ stadt tusschen gheerde van ertrijck t(er) eenre ende ja(n)ne/ taelmans als procur(eur) en(de) ind(en) name des jonche(re)n van/ ned(er)lynthe(r) t(er) ande(r) zijd(en) al dair de voirs(creven) gheert hem/ beclaechde ov(er) den voirs(creven) ja(n)ne taelman als meye(r) desselfs/ jonchers in dien dat hij tot egheend(er) executien vand(er)/ v(er)coepinge(n) vand(en) goed(en) den voirs(creven) jonch(e)r sijne(n) meeste(r)/ toebehoiren(de) chijs goede wesen(de) niet en conste geraken/ hoe wel div(er)se br(ieven) en(de) sitdagen d(aer)op gehoude(n) wae(re)n/ en(de) de kerckgeboden gedaen navolgen(de) den scrive(n)/ van des(er) stadt en(de) sijne(n) gewijsd(en) vonness(en) en(de) rechtvor/ deringe(n) alh(ier) geschiet Ten ande(re)n male dat deselve/ meye(r) weygerde te v(er)coepen(e) zeke(r) goed(en) en(de) grond(en) chijs wesen(de)
//
dairop theerscap van lynthe(r) chijs hebben mochte/ dien leen was voe(r) den welken den grontchijs wesen(de)/ en(de) egheen leen uutgedaight was nemen(de) deselve/ meye(r) voe(r) hem want die gronden niet uutgewonne(n)/ en wae(re)n bij wijlen jonche(re)n rase vand(er) rivie(re)n dair/ voe(r) deselve gheert oft sijn vad(er) borg(e) mocht wesen/ mair bij my jonch(e)rs tijde nu wesen(de) dat hem die/ grond(en) niet volgen en soud(en) noch sculdich en soude/ sijn bij v(er)coepe d(aer)op te p(ro)cede(re)n noch oick op zeke(r) rint(en)/ geheeten driescheven(en) bege(re)nde alsoe deselve gheert h(ier) van/ den meye(r) met rechte ond(er)wesen te hebben(e) als dat/ de executie ov(er) al gebuerde sond(er) dissimulatie oft v(er)treck/ Dair tege(n) de voirs(creven) meye(r) heeft geseeght dat inne/ hem egheen gebreck en hadde geweest van alle(n) recht/ vorderingen te doene besund(er)t vand(en) chijsgoed(en) desselfs/ sijns meest(er)s te ned(er)lynthe(r) gelege(n) Seggen(de) voirts deselve/ meye(r) als voe(r) genoech v(er)haelt es dat den voirs(creven)/ g(er)de niet volge(n) en soude om sijn schult d(aer)aen te v(er)halen/ de gronde(n) uut crachte van chijse leen wesen(de) uutgewonne(n)/ noch oick alsulken driescheven(en) dieme(n) den selve(n) jonch(er)/ van lynthe(r) sculdich mocht wesen seggen(de) dat tselve/ oick leen was dwelck nochtans deselve jonch(er) tande(re)n/ tijden niet bewesen en hadde met meer woird(en) in/ wed(er)zijd(en) gebuert Es uutgesproken en(de) get(er)mineert/ ende den voirs(creven) meye(r) belast dat hij dexecutie/ sond(er) e(n)nige simulatie oft v(er)treck doen sal navolgen(de)/ den voirgewijsden vonness(en) ov(er) alle de chijsgoed(en) en(de)/ rinten desselfs sijns meest(er)s en(de) oft hij des niet en/ dade dat men tgebreck in dien v(er)halen soude op/ hem en(de) sijn goede en(de) d(aer)toe corrige(re)n ten exemple van/ ande(re)n declae(re)nde voirts deselve wethoude(re)n dat/ dat de voirs(creven) uutgewonne(n) goed(en) dair als bove(n)/ questie af es volge(n) sulle(n) den selve(n) g(er)de gemerct/ dat die chijs goed(en) sijn en(de) uutgewonne(n) mits den/ chijse toebehoe(re)nde jonche(re)n rase wijle(n) vand(er) rivie(re)n/ dair voe(r) de voirs(creven) goert oft sijn vorders borge/ bleve(n) sijn als bove(n) om bij v(er)coepe sijn gebreken en(de)/ schuld(en) d(aer)aen oick te moege(n) v(er)halen metgaders/ den rinten vand(en) driescheven(en) ten wae(re) dat die
//
leengoed(en) bevonden werdd(en) dwelck alnoch niet gebleken/ en heeft behalve(n) oick altijt den rechte vand(en) leenchijsen/ aen deselve gronde den h(er)scape van ned(er)lynthe(r) ten tijde/ wesen(de) in consilio opidi decembr(is) ultima