SAL7385, Akte: R°327.2-V°327.1 (627 van 1086)
Akte R°327.2-V°327.1
Act
Datum: 1492-01-27
Transcriptie
2018-09-07 door kristiaan magnusItem jorijs van bruessele sone wile(n) willems molde(r)/
in p(rese)ntia heeft genome(n) en(de) bekint genome(n) te hebben/
van marien mutte de wat(er)moelen metten toebehoirte(n)/
gelegen te vlierbeke aend(en) wouwe(r) Te houden te hebbe(n)/
en(de) te gebruycken van ons(er) liev(er) vrouwen liechtmesse/
naistcomen(de) eene(n) t(er)mijn van sesse jae(re)n lanck due(re)nde/
deen nae dand(er) sonder middel v(er)volgen(de) elcx jairs/
dae(re)nbynne(n) om en(de) voe(r) thien mudde(n) rocx goet en(de)/
paiabel cu(m) va(n)no et pe(n)na d(er) maten van loven(en) alsulke(n)/
goet als de moele(n) sal wynne(n) te betalen ind(er) manie(re)n/
navolgen(de) Te weten(e) dat de voirs(creven) molde(r) der voirs(creven)/
marien alle xiiii nachte(n) geve(n) betalen ende leve(re)n/
sal te loven(en) thue(re)n huyse drie molevate(n) meels en(de)/
tsurplus dat der selv(er) marien dae(re)nbove(n) noch come(n)/
sal D(aer)mede sal de molde(r) de molen opdoen en(de) de/
steene(n) rat en(de) and(er)ssins des d(aer)toe behoeve(n) sal maken/
in afslage vand(en) selve(n) tsurplus ende deselve mole(n)/
alsoe behoirlijck gemaict en(de) volreect sijnde sal de/
molde(r) de voirs(creven) thien mudden corens betalen d(er)/
selv(er) marien jairlijcx te weten(e) tallen vie(re)ndeel jairs/
tvie(re)ndeel dairaff den termijn due(re)nde Ende/
soe wa(n)neer de voirs(creven) moelen aldus volmaict/
sal zijn ende de voirs(creven) marie ende molde(r) met/
malcande(re)n in dien ge(re)kent zullen hebben soe/
sal de selve molde(r) van dan voirtaene de/
voirs(creven) moelen houden moete(n) van allen gaen(de)/
ende rue(re)nde wercke ende de voirs(creven) marie/
van allen staende wercke It(em) es oick vorw(er)de
//
dat de voirs(creven) molde(r) jairlijcx betalen sal den/ t(er)mijn due(re)nde in afslage vand(en) pachte m(ijns)/ hee(r) den abdt van vlierbeke twee mudde(n) rocx/ desgelijcx oick in afslage als voe(r) eene(n) rinsgul(den)/ erffelijck m(ar)grieten borremans en(de) xiii stuv(er)s den/ stroedecke(r) It(em) m(ijn) hee(r) van vlierbeke sal moege(n)/ visschen eens des jairs acht dage(n) lanck den/ wouwe(r) bove(n) de moele(n) liggen(de) dwelck den/ molde(r) gheene(n) afslach doen en sal en(de) oft lange(r)/ gebuerde dat sal marie voldoen nae gelande/ vanden tijde It(em) sal moege(n) de molde(r) steygen/ dwat(er) van s(in)te m(er)tensmesse tot halfm(er)te tot/ zijne(n) profijte It(em) oft gebuerde dat den dijcke/ bij steygen(en) vand(en) molde(r) uutbrake soe sal de/ voirs(creven) molde(r) gehouden sijn dien te maken(e) ende/ insgelijcx oick den wech voe(r) de moele(n) al tzijne(n)/ laste cor(am) berghe h(er)meys januarii xxvii
//
dat de voirs(creven) molde(r) jairlijcx betalen sal den/ t(er)mijn due(re)nde in afslage vand(en) pachte m(ijns)/ hee(r) den abdt van vlierbeke twee mudde(n) rocx/ desgelijcx oick in afslage als voe(r) eene(n) rinsgul(den)/ erffelijck m(ar)grieten borremans en(de) xiii stuv(er)s den/ stroedecke(r) It(em) m(ijn) hee(r) van vlierbeke sal moege(n)/ visschen eens des jairs acht dage(n) lanck den/ wouwe(r) bove(n) de moele(n) liggen(de) dwelck den/ molde(r) gheene(n) afslach doen en sal en(de) oft lange(r)/ gebuerde dat sal marie voldoen nae gelande/ vanden tijde It(em) sal moege(n) de molde(r) steygen/ dwat(er) van s(in)te m(er)tensmesse tot halfm(er)te tot/ zijne(n) profijte It(em) oft gebuerde dat den dijcke/ bij steygen(en) vand(en) molde(r) uutbrake soe sal de/ voirs(creven) molde(r) gehouden sijn dien te maken(e) ende/ insgelijcx oick den wech voe(r) de moele(n) al tzijne(n)/ laste cor(am) berghe h(er)meys januarii xxvii
Nagekeken door: Karel Embrechts
Moderator: Karel Embrechts
Laatste update:: 2015-08-12 door Agata Dierick