Eene deylinge ende sceydinge gechiet ende gemaict/ zijnde tusschen gielise van cav(er)soen ende annen baten/ geheete(n) vand(er) straten zijnd(er) huysvrouwen t(er) eenre jacoppe/ de prince ende katlijnen baten geheeten vand(er) straten/ zijnd(er) huysvrouwen ende zuster der voirs(creven) annen t(er) ande(re)/ ende gielise stuerbout ende ursselen baten geheeten/ vand(er) straten zijnd(er) huysvrouwen ende zuster der voirs(creven)/ gesuste(re)n t(er) derder zijden op ende van allen den/ erfgoeden rinten ende pachten naebescreve(n) die hen/ toecomen ende verstorven zijn bij ende nae de doot/ ende aflivich(eit) wout(er)s wijlen baten geheeten vand(er)/ strate(n) ende katlijne(n) wijlen van woluwe zijnd(er)/ huysvrouwen vader ende moeder der voirs(creven) gesuste(re)n/ ende oic nae de doot ende aflivicheyt van wijle(n)/ beat(ri)cen josijnen ende berbelen baten geheete(n) vand(er)/ straten gesuste(re)n oic wettige dochte(re)n als zij leefden/ des voirs(creven) wijlen wout(er)s baten geheeten vand(er) straten/ ende katlijne(n) wijlen van woluwe zijnd(er) huysvrouwe(n)/ ende zuste(re)n der voirs(creven) gesuste(re)n baten geheeten vand(er)/ straten te deylen/ Soe sijn bleven ende gevallen den voirs(creven) gielise van/ cav(er)soen ende annen baten geheete(n) vand(er) straten zijnd(er)/ huysvrouwe(n) de erfgoede rinten ende pachten naebescr(even)/ Ierst [bt] een woenhuys dwelc eene(n) stal plach te zijne/ gelegen inde borchstrate bij tstraetken van he(re)nt Item/ eene(n) beempt gelegen te he(re)nt t(er) plaetssen geheete(n) he(re)ntbroeck/ tussche(n) de goede wout(er)s wijle(n) blanckart ende willems/ vande(n) leempoele [at] Item een stuxken lants gelegen te/ he(re)nt bijde wintmoelen bijde goede roeloffs wile(n) roelofs/ geheete(n) opt kerchoff [opde(n) co(m)mer va(n) eene(n) halst(er) have(re)n opgehoept en(de) vii(½) grot(en) in gelde erff(elijke) rinte(n) en(de) pachts t(er)mi(ni)s de t(ercia)] Item eene(n) beempt alsoe dien/ gelegen es te velthem aende strate dairmen t(er)
//
bueken weert gaet acht(er) de kercke aldair It(em) een boend(er)/ lants gelegen opt lancvelt neven de heerstrate aldair en(de)/ tstraetken te wiltsele weert gaende [It(em) xii roede(n) wij(n)g(ar)ts geleg(en) opd(en) vildriesch] Sub iu(r)e prius/ t(er)mi(ni)s debit(a) p(er)solven(dum) Item thien stuv(er)s erffelijck op huys/ ende hoff joes wijng(ar)ders gelege(n) inde veedeweystrate It(em)/ negen stuv(er)s erffelijck op thuys goirts de leeu gelegen inde selve/ strate Item eene(n) peet(er) erffelijck opt huys jans wijle(n) vanden/ berghe ketelbuet(er)s gelegen opde biest jegen den kerchoff aldair/ Item xvi stuv(er)s erffelijck op een huys gelegen inde borchstrate/ naist den rooden leeu It(em) twee coirvorste(n) gulden(en) erffelijck/ op een huys stevens wijlen vanden berghe nu t(er) tijt toebeh(oirende)/ zijne(n) erfgename(n) gelegen inde borchstrate Item een mudde/ rocx erfpachts op een huys ende hoff gelegen inde borchstrate/ naist den goeden des voirs(creven) gielis van cav(er)soen toebehoiren(de)/ den erfgename(n) pet(er)s wijle(n) cybels Item een croene erffelijck/ op eene(n) beempt gelegen te he(re)nt inde meerstrate wijlen/ toebehoiren(de) pete(re)n vrancx Item thien plecke(n) erff(elijck) op een/ plecke erfs gelege(n) opde biest int straetken acht(er) den hert/ Item een mudde rocx erfpachts vande(n) drie gelijcken/ mudden rocx erfpachts op zeke(r) erfgoede gelegen te/ wackerzeele dairaff dande(r) twee mudden voirs(creven)/ den voirs(creven) jacoppe de prince en(de) gielise stuerbout/ en(de) hue(re)n huysvrouwe(n) in hue(r) deylinge gevallen zijn/ Item eene(n) rijd(er) erffelijck aen janne rabbot te meerbeke/ ende zijne(n) medeborgen Item sesse rinsgulden(en) erff(elijck)/ aen gielise ende joese van cav(er)soen v(er)cregen bijd(en) voirs(creven)/ wijlen bate(n) baten geheeten vand(er) straten Item vier/ rinsgulden(en) ende eene(n) halve(n) erffelijck aen arnde wijle(n)/ de prince ende golijne van cav(er)chon Item twee/ rinsgulden(en) erffelijck aen janne van cav(er)soen Item/ twee pet(er)s erffelijck aen ada(m)me van cav(er)soen Item een/ croene ende twintich plecke(n) erffelijck aen ende op een/ huys ende hoff met zijne(n) toebehoirten gelegen inde/ borchstrate tege(n) ov(er) de borchschole toebehoiren(de) den kinde(re)n/ jans wijlen vand(er) phalisen tusschen de goede(n) joes de
//
rivo ter eenre ende der kinde(re)n [erfgename(n)] jacops wijlen van/ ravescote ter ande(r) zijden It(em) xxvi stuv(er)s erffelijck aen/ gheerde de moer ende zijne(n) medeborgen Item drie rinsgul(den)/ ende vijftich plecken erff(elijck) aen en(de) op de stadt van loven(e)/ Item twee rinsgulden(en) xiii stuv(er)s een plecke erffelijck/ aen ende op een huys ende hoff met zijnd(er) toebehoirten/ der weduwe(n) [erfgenamen] jacops wijle(n) van ravescote gelege(n) inde/ borschstrate tegen ov(er) de borchschole voirs(creven) It(em) twee/ mudden rocx erfpachts op zeke(r) goede gelege(n) te goetham inde p(ro)chie/[van thieldock] It(em) seven rinsgulden(en) [goet ende ginghe] te twintich stuv(er)s tstuck mu(n)ten/ telken t(er)mijne van betalingen in borsen gemeynlijck/ gaende ende seventhien gelijcke stuv(er)s erffelijck alle/ jae(re) sint jansmesse baptisten te betalen aen ende op/ twee huysen neven een gelegen inde borchstrate d(aer)aff/ deen geheeten de vettewae(r) compt opden hoeck vand(er)/ leyden aldair met alle(n) hue(re)n toebehoirten tusschen de/ selve leyde op deen zijde ende de goede gielis van/ cav(er)soen t(er) poirten weert op dander zijde ende oic/ aen ende op een cleyn huysken acht(er) de selve twee huyse(n)/ gelegen uutcomende met eene(n) ganghe opde leyde voirs(creven)/ tusschen detvoirs(creven) huys geheete(n) de vettewae(r) op deen/ zijde ende de goede wijle(n) meest(er)s henricx wijle(n)/ meys op dande(r) zijde comende acht(er)werts aend(en) hoff/ vanden huyse gielis van cav(er)soen voirs(creven) Alsoe de voirs(creven)/ woute(r) wijlen baten geheeten vand(er) straten en(de) adam/ van opthielt in hue(re)n leven(e) die te besitten plagen/ ende welke voirs(creven) huysen ende oic tvoirs(creven)/ cleyn huysken dair acht(er) gelegen met hue(re)n toebeh(oirten)/ den voirs(creven) gielise stuerbout ende zijnd(er) huysvr(ouwe) in/ hue(r) deylinge gevallen zijn Met sulker cond(itien) dat/ de voirs(creven) gielis stuerbout ende zijn huysvr(ouwe) en(de) hue(r)/ nacomelingen de voirs(creven) erfrinte van seven rinsgulden(en)/ ende seventhien stuv(er)s zulle(n) moegen lossen en(de) afquijte(n)/ alst hen gelieven sal tot div(er)sen stonden mair niet/ myn dan de twee rinsgulden(en) d(aer)aff telken male/ ende elke(n) rinsgulden(en) d(aer)aff met achtien bourgoenssche/ gulden(en) goet ende ginghe te twintich stuv(er)s tstuck
//
bone et fort(e) monete p(ro)nu(n)c curren(tes) voer elke(n) der zelv(er)/ bourgoenssche gulden(en) ge(re)kent ac cum hanc quoq(ue)/ et sat(is) prout cor(am) h(er)meys nausnyde(re) julii xvi