Nae dien jan van colen als procureur der weduwen/ rombouts wijlen willemair aengesproken heeft/ gehadt pete(re)n vaes voir meye(r) ende scepen(en) den welck(en)/ hij voe(r) eene seke(r) so(m)me beclaecht hadde eysschen(de)/ den selve(n) uuyt saken van zeke(re)n pechtingen van/ landen bij hem tande(re)n genome(n) elf mudde(n) corens/ alsnu s(in)t andriesmisse lestleden verschene(n) als voe(r)/ dleste jaire der selver pechtinge(n) der selver landen/ alhier opde loo liggen(de) bij hem tande(re)n tijde(n) genome(n)/ ende den selve(n) met rechte d(aer)toe bedwonge(n) te/ hebben(e) dairtegen de voirs(creven) pet(er) vaes genoech/ bekynnen(de) de pechtinge bij he(m) tande(re)n tijde(n) geschiet/ te zijne Seydt oick hoe hij de lande(n) metgaders eene(n)/ huyse ende hove gelege(n) inde dorpstrate dwelck/ hij h(ier) voirmaels gecocht hadde tegen andriese/ wijlen van voshem den groote(n) heylighe(n) gheest/ alh(ier) ov(er)gegeve(n) hadde die hem vand(en) voirs(creven) pechting(en)/ der landen sculdich wae(re)n tontlasten(e) sustine(re)nde/ dat aelbrecht tants inde(n) name vande(n) selve(n) heylige(n)/ gheest hem d(aer)af contente(re)n soude ende dat de selve/ jan van colen den voirs(creven) aelbrechte volge(n) soude/ ende hem in dien ongemoet laten Dair af bijde(n)/ scepen(en) ter manisse(n) smeyers de voirs(creven) sake nae/ zeke(r) handelinghe inder manie(re)n voirs(creven) genoech/ gebuert gestelt hebbe(n) de sake ende p(ar)tien inder/ stadt hande(n) ende nae dien de selve p(ar)tien ald(aer)/ de selve sake genoech op gedaen hebbe(n) ende/ vercleert inder manie(re)n voirs(creven) Int(er)venie(re)nde de voirs(creven)/ aelbrecht voe(r) den voirs(creven) pete(re)n vaes ende sustineerde/ dat de stadt sculdich wae(r) in desen dooge te hebbe(ne)n op/ dairmoede ende schade(n) vanden selve(n) heylige(n)gheest/ ende dat alsoe de voirs(creven) jan bellicx in dien onderwese(n)/ soude wordde(n) met redelijcker betalingen he(m) te laten
//
genoegen(e) Dair op de voirs(creven) jan inden name als voe(r) seydt/ dat hij met aelbrechte tants noch mette(n) heylige(n)gheeste/ niet te doen en hadde mair metten voirs(creven) pete(re)n als/ pachtene(r) bliven(de) bij zijn voirnemen voirs(creven) ende eysch bij/ he(m) op den voirs(creven) pete(re)n gedaen So geappointeert ende/ uuytgesproken den voirs(creven) p(ar)tien voe(r) recht op tvoirs(creven)/ geschille dat de voirs(creven) pet(er) vaes sculdich soude zijn ende/ gehoude(n) wesen den voirs(creven) ja(n)ne inde(n) name als bove(n) te betalen(e)/ de voirs(creven) elf mudde(n) Te weten(e) de hellicht d(aer)af te groot/ vastelavont naistcomen(de) ende dander hellicht te paessche(n)/ dair nae volgen(de) op conditie waer de voirs(creven) pet(er) den/ yerste(n) t(er)mijn liet ov(er)gaen dat al gevalle(n) sal zijn Es oick/ geseeght dat de voirs(creven) jan van colen inden name als bove(n)/ altijt voe(r) de voirs(creven) t(er)mijne(n) ontfange(n) sal des de selve/ pet(er) in afslage van des voirs(creven) es alleinskens leve(re)nde/ soude moege(n) zijn In cons(ili)[o] opidi febr(uarii) viii