Item de voirs(creven) jan van nyvele t(er) eenre en(de) barbele/ hanckart t(er) ande(re) hebben gekint dat voir tvoldoen/ vand(en) coepe der voirs(creven) goeden doot ende te nyeute/ gaen sal de hellicht van alsulk(en) vijf stuv(er)s lijftochten/ te quijten staen(de) elken pe(n)ninck met thien gelijcke(n) pe(n)ni(n)g(en)/ en(de) de v(er)loepen pachten van dien gedragen(de) xxv stuv(er)s/ ende xviii stuv(er)s die huer noch resteerden van outs/ en(de) xxv stuv(er)s die nu loepen alse de kinde(re) vand(er)/ eect huer sculdich wae(re)n met scepen(en) br(ieve) van loeven(en)/ en(de) deselve jan van nyvele tot sijne(n) laste genome(n)/ hadde ende noch vijff rinsgulden(en) en(de) vii stuv(er)s/ die deselve barbele den selve(n) ja(n)ne hie(re)nbove(n) noch/ in gereden pe(n)ningen betaelt heeft om d(aer)mede de/ pontpe(n)ning(en) van desen cope te betalen cor(am) eisdem