Want willem vand(er) dijlen als procur(eur) vand(en) mo(m)boe(re)n/ ende tutoe(re)n d(er) kinde(re)n henricx wijle(n) van vlaende(re)n/ geleydt sijnde nae des(er) stadt recht voir sijn wettich/ gebreck uut crachte van scepen(en) brieve(n) van loeven(en)/ tot allen den goeden beyde have ende erve jans de/ la hault soe wair die gelegen sijn hem met brieve(n)/ van des(er) stadt gescreve(n) aenden meye(r) van wavre/ oft zijne(n) stadhoude(r) alle deselve goede behoirlijck/ heeft doen leve(re)n ende den voirs(creven) ja(n)ne en(de) de/ mombours d(er) kercken van wave(r) dach van rechte/ te compare(re)n inde banck voir meye(r) ende scepen(en)/ van loven(en) doen besceyden oft zij hen tegen deselve/ leveringe hadden willen oppone(re)n Aldair zij op/ heden als ten verstreken(en) dage niet gecompareert/ en zijn noch oick procur(eur) van hue(re)n wegen den voirs(creven)/ geleydden altijt compare(re)nde en(de) trecht voirt v(er)sueken(de)
//
soe v(er)re dat de scepen(en) van loven(en) ter manissen/ smeyers nae dat hen bij rappoirte en(de) cleernissen/ wout(er)s van boenrode des(er) stadt gezwoirnen bode/ behoirlijck gebleken heeft de voirs(creven) leveringe en(de)/ dach besceydinge gesciet te sijne gewesen hebben/ voir een vonnesse Wair de wed(er)p(ar)tie des voirs(creven)/ geleydden niet en compareert ten opstaen(e) smeyers/ ende der scepen(en) datmen den selve(n) geleydden houd(en)/ soude inde macht van sijne(n) beleyde scepen(en) brieve(n)/ ende leveringe(n) alsoe v(er)re alst noch voir scepen(en) come(n)/ es Behalve(n) dat de kerckmeest(er)s vand(er) prochie/ kercken van wave(r) voirs(creven) p(ro)cede(re)n sullen en(de) execute(re)n/ hue(r) schult soe de voirs(creven) willem [hen] dat geconsenteert/ heeft voe(r) scepen(en) van loven(en) februarii xi lestleden/ in scampno februarii xiiii