Allen den ghene(n) dat henrick billen wonen(de) ts(in)t/ jansgheest in p(rese)ntia heeft geconstitueert gesedt
//
volcomen macht procu(r)atie ende auc(tori)teyt gegeve(n)/ arnde vand(er) balct sone wijle(n) willems wonen(de)/ te vilvoirden sond(er) e(n)nich wed(er)roepen om jairlijcx/ alsoe lange als deselve arnt leve(n) sal en(de) niet/ lang(er) op te heffen te bue(re)n ende tontfange(n) vijff/ rijders van alsulken elff rinsgulden(en) der/ xxii rinsgulden(en) erffelijck als deselve henrick/ heeft en(de) heffen(de) es jairlijcx te kersmesse met scepen(en)/ brieve(n) van hug(ar)de(n) opde meyerie en(de) gemeyne/ ingeseten(en) des dorps van gug(ar)den mett(er) appen/ ditien en(de) d(aer)af dand(er) hellicht toebehoiren(de) es/ henr(icke) van heymo(n)niez v(er)cregen anno lxix febr(uarii)/ ix bij ja(n)ne wijle(n) van oppendorp opde selve/ van hug(ar)d(en) en(de) d(er) appenditien en(de) welke rinte/ d(aer)nae te weten(e) anno lxxix bijd(en) selve(n) wijle(n)/ ja(n)ne van oppe(n)dorp de(n)selve(n) henr(icke) van heymo(n)niez/ ov(er)gegoet was en(de) welke henrick van heymo(n)niez/ d(aer)nae en(de) wed(er)o(m)me insgelijcx deselve rinte/ ov(er)gaf voe(r) den selve(n) scepen(en) van hug(ar)d(en) den/ voirs(creven) henr(icke) billen gelijck deselve scepen(en) br(ieven)/ dat naird(er) inhoud(en) en(de) begrijpen ende dit/ inde stat en(de) t(er) meerd(er) zekerheit van alsulke(n)/ vijff rijd(er)s lijfpen(sien) als deselve arnt vand(er)/ balct jaerlijcx heeft en(de) heffen(de) es met scepen(en)/ br(ieven) van loven(en) tot sijne(n) live opde(n) selve(n) henr(icke)/ billen Alle questien en(de) gescille(n) d(aer)uut spruyten(de)/ te v(er)volge(n) te bedinge(n) te wynne(n) (et)c(etera) in melio(r)i/ for(ma) quitan(ciam) dan(di) Behalve(n) nochtans dat de/ selve henr(ic) billen altijt van jae(re) te jae(re) met/ eend(er) betalinge(n) d(er) voirs(creven) vijff rijd(er)s gestaen/ sal salvo iusto calculo cor(am) h(er)meys hove/ februarii xvii