Want arnt de roux als geleydt nae des(er) stadt/ recht voir sijn wettich gebreck uut crachte van/ scepen(en) brieve(n) van loven(en) tot allen den goeden beyde/ have en(de) erve jans de roux sijns vad(er)s soe wair/ die gelegen sijn hem met brieve(n) van des(er) stadt/ gescreve(n) aenden meye(r) van jandrain oft sijne(n)/ stadhoude(r) alle deselve goede behoirlijck heeft/ doen leve(re)n en(de) den selve(n) ja(n)ne de roux dach/ van rechte te compare(re)n inde banck voir meye(r)/ en(de) scepen(en) van loven(en) doen besceyden oft hij hem/ tege(n) deselve leveringe hadde willen oppone(re)n/ Aldair hij oft nyemant van sijne(n) wegen niet/ gecompareert en es den voirs(creven) geleydden altijt
//
compare(re)nde ende trecht voirt versueken(de) soe/ v(er)re dat de scepen(en) van loven(en) t(er) manissen smeyers/ nae dat hen bij rescripte joes van creynwijck/ meye(r) van jandrain voirs(creven) gebleken heeft de/ voirs(creven) leveringe ende dach besceydinge gesciet/ te sijne gewesen hebben voir een vonnesse Wair/ de wed(er)p(ar)tie des voirs(creven) geleydden niet en com/ pareert ten opstaen(e) smeyers en(de) d(er) scepen(en) datme(n)/ den selve(n) geleydd(en) houden soude inde macht/ van sijne(n) beleyde scepen(en) brieve(n) en(de) leveringen/ alsoe v(er)re alst noch voir scepen(en) comen es in/ scampno februarii xviii